Rilo urang pal akaok rajaei njauk hatai ka mbang nyaom

Nyaom biai TƯ 5 mbang 13 birau tamat blaoh harei kabroi 10/5. Nyaom biai hu brei tapa dom Sarak saong Panuac tamat hu makna praong dalam. Bruk njauk biai nan lac, T.Ư  njauk hatai glong ka bruk  brei padang Mban tacei jalan pakat tỉnh ka pacang, caga tham nhũng,ngak suan. Brei panuac tamat nyaom biai, Tổng Bí thư Nguyễn Phú Trọng ndom lac: Danak dak jia lac rik daong pakhang bruk pan akaok, ba jalan tacei pato peih ngak catang, sumu gauk meng T.Ư tal bhum palei. Ngak brei salih birau siam mekre, khangkadang, ba mai siam lagaih glong jang dalam bruk pacang caga tham nhũng, dom bruk ngak suan di taong abih urang đảng, abih bhap bini, abih bol lin.

Mesup ni (11/5), di sang Quốc hội, hu peih mbang nyaom ka 11 di  Ủy ban Thường vụ Quốc hội (TVQH). Mbang nyaom hu rah tabiak dalam dom harei lac  11, 12, 13 song 20 bilan 5. Di mbang nyaom ni, Ủy ban TVQH brei panuac ka rilo asal kadha prong , dalam nan hu brei panuac ka  bruk pok tagok  Quốc hội pasang iek, brei ngak bruk buh jien tame ka danak dak  Vành đai 4 bhum ban ine  Hà Nội, Danak dak  Vành đai 3 ban raya  Hồ Chí Minh.

Bilan thun thun 2022, bruk pandiak bhang njom ia mbak di Bhum taneran kraong Cuu Long oh catang yau dom thun dahlau, kayua dom binek  thủy điện gah angaok brei tagok rilo mbang peih ia ngak brei ia kraong Mekong tagok glong, gam saong dom mbang hajan aval daong ngak patrun pandiak, njom ia mbak. Yau nan min, tui dom urang ilamu, bruk ia kraong tagok glong dalam bilan thu meda ngak swau karei quy luat, meda caik veik rilo kan kandah suai lavik ka Bhum taneran kraong Cuu Long yau ye: ngak ia ndik trun biar, oh daok khang piah ba gluh cuah, phù sa tame bhum taneran, meng nan ngak glut jaleik; ia ndik lahik abih, taneh riya di Bhum taneran kraong Cửu Long dak harei dak thu lagu, lahik kaya ikan dalam kraong ribong di bilan ia ndik. 

"Bruk thanh khoản di gah boh sang di ban raya  .HCM rah tabiak suai damuai song yaom pablei trun, hu makna kayua sarak ngak catang bruk brei mesraiy tuh tame sang danaok taneh riya", nan lac panuac ndom dalam pathau khan di dom công ty roh duah drak pasa  sang danaok taneh riya dalam quý 1/2022. Tui dom urang roh duah drak pasa di  Công ty CBRE Việt Nam, bruk ngak catang brei mesraiy gah sang danaok taneh riya daok rah tabiak catang jang dalam thun ni. Tapa jalan ngak nan, urang blei sang meda gaok kan kandah, ba tal patrun bruk pabak tame di drak pasa, saong yaom pablei meda trun.

Harei 10/5, UB bhap bini tỉnh Đồng Nai brei thauhu panuac tamat, tacei pato bruk bayar jien, daong jien, padang labik daok birau ngan saong dom urang blei pablei, brei atau lain  taneh ( Yuan iew lac sang nhượng) tapa harak tavak meng tangin di labik taneh Danak dak mblang kapal haok Long Thành. Panuac tamat nan daong ka gah chức năng lang talaih dom tavak tavaiy ka bruk bayar jien labik taneh danak dak, tapa nan jhul samar bruk peih taneh ngak mblang kapal haok Long Thành.

Hadei di 2 bruk praong lac jit prong  COVID-19 song bruk mesruh gauk di  Nga – haong Ukraine, rilo negar  châu Âu dok dang anak bruk  lạm phát tagok glong tal tanut  golng di abih. Bruk  lạm phát di  Cộng hòa Séc dalam bilan 4 meng bloh tagok  tanut  14,2% meng tanut  12,7% dalam bilan  3. Bruk  lạm phát tagok hadei di tuk dom taneh ia pacadu dom jalan ngak piah pacang jit COVID-19 dalam thun bloh, min nyu trak jang  tuk bruk mesruh gauk di  Nga - Ukraine rah tabiak, ngak ka yaom  năng song pandap mbang dak harei dak tagok glong  . Gilang pariak trung ương di dom taneh ia dalam  Liên minh châu Âu brei tagok jien laba piah kham merat dui trun bruk tagok  lạm phát.

Harei 10/5, Tong Yam ndoc  GahY tế Dunya Tedros Adhanom Ghebreyesus ndom lac, sarak ZERO COVID di Trung Quốc lac oh hu khang kajap. Ong jeng ndom lac, Trung Quốc hu 15 ribau mbang urang metai kuhria meng tuk virus SARS CoV-2 tamuh tabiak mabng akok meti  di ban Vũ Hán di puac thun 2019, lac biar takik dut saong 1 trieu urang metai di Mỹ saong 500 urang? metai di Ân Độ. Bruk nan meda thau hu tuk sa taneh ia hu rilo menuac abih di dunya caong khin ngak brei takik njom mbak ruak COVID-19.

Tui Liên Hợp Quốc, dom urang Ukraine klaak taneh ia  meng di tuk  Nga peih bruk  quân sự di harei  24/2 tagok tal  6 triệu. Urak ni, jiak abih dom taneh ia châu Âu dong ka dom urang tị nạn Ukraine  labik dok brei saoh  atau yaom lap, gam song nan hu panuac sinya dong duah bruk ngak song sang bac. Jiak abih dom urang tị nạn lac urang kamei, uranaih song urang taha, kayua urang likei umo ala 60 thun njauk karja Ukraine pacang tabiak truh taneh ia./.

Urang lang: Hanipha- Ái Nghiêm -11/5