Brei panuac di Nyaom biai Urang ngak nong Pakat negar mbang 9 page ini ngan haong kadha:“Pang urang nong meyai”, Akaok Mentri Ngak nong saong Patagok palei pala Lê Minh Hoan khan lac, meyah gaok kan kandah dalam bruk ngak mbang pala drak, urang nong tal urang ngak praong bhum palei piah hu tacei pato, langyah kan kandah, tavak tavaiy. Kakei lac ka bruk pambuak gauk ngak mbang, bruk ngak tabiak kaya nong, Akaok mentri mboh lac, urang ngak nong brei salih jalan sahaneng piah samu bruk ngak nong tui jalan birau, ngak tabiak kaya kan ralo jang yaok angaok mblang taneh pala drak.

So Padang ngak Ban Raya HCM bahrau pok panuac tagok likau UB Bhap bini Ban Raya piah ba tabiak sarak ka dom labik patagok sang daok tui danak dak di dom labik oh njauk lac đô thị lac labik palei pala 5 huyen langiu Ban Raya. So Padang ngak Ban Raya Ho Chi Minh ba adat di Hukum Sang daok hu ndom lac: ngan haong labik đô thị, bruk patagok sang daok rilo meng lac hu ngak tui danak dak, hu dom janih, taneh sang njauk haong hatai caong di darak pasar. Ngan haong labik daok veik, maong tui kein lagaih cambaic laic di puk palei, UB Bhap bini pakat tinh ba tabiak cambaic laic dom labik njauk patagok sang daok tui danak dak.

Di tinh Ben Tre gah padang ngak xa palei pala birau dalam nyaom dang kaok di bhum taneran kraong Cuu Long. Meng kaok thun mbiah tal ini, dalam tinh hu brei taduan angan 16 xa palei pala birau 13 xa palei birau paglong saong 10 xa palei pala birau kieu mau, tanut nan sumu 200% bruk ba tabiak. Yau nan min, mbiah tal ini, tỉnh hu tal 112 xã palei pala birau, sumu 100% dut saong bruk pamong tal thun 2025.

Piah paglaong siam lagaih gah pala padai rilo abih di puk palei, tinh Tiền Giang daok pakhang bruk jao brei ilamo kỹ thuật, paglaong ilamo pala drak ka urang ngak nong jaman Salih bahrau cong nghiep mbang ka 4. Gam haong nan, sangka patagok kinh te pambuak doanh nghiep tui dom bruk ngak brei pablei tabiak ka asar padai brah. Meng nan, yam  tal bruk ngak nong kaya kan asar padai siam glaong bo padai lac phun hu pala rilo. Urak ini dalam tỉnh hu 197 hop tac xa ngak nong. Mạng lưới dom hop tac xa ngak nong patagok khang, daong brei bruk ngak ka urang ngak nong oh daok glaih glar, patagok pambuak dom doanh nghiep blei kaya pandap nong.

Ngan jalan sahaneng hatai anit ranam saong bruk “Daong bhap bini”, Gilang TMCP Đông Nam Á (SeABank) rik daong 30 tỷ đồng piah padang ngak sang khang kajap ka mikva urang kan kandah di tỉnh An Giang. Bruk ja ba “ Rik tame ngak brei oh daok baoh taik tahak dalam negar thun 2025” hu peih ngak caong khin ramik pasiam saong padang ngak labaih 170.000 baoh sang taik tahak, ba mai baoh sang kajap ka urang hu buh prein ngak bruk daong taneh ia, urang hu mbang tui dom danak dak pakat negar, baoh sang kathaot, jaik kathaot, urang bangsa bhum atah bayah, bhum taphia negar, kaoh pulao…

Triều Tiên ngak ka rilo urang katuak tuk peih bruk kham merat dui pachreih tuai damuai, abih di nyu nan lac meng Nga. Bruk ini oh lac sa takai yam piah patagok kinh te bo daok brei mboh bruk pambuak gauk dak harei dak khang kajap di Triều Tiên saong Nga. Dom thun jaik ini, Nga saong Triều Tiên dak harei dak jaik gauk jang. Ini lac brei mboh dua negar ini pasiam veik bruk pambuak gauk, gam haong nan peih tabiak kein lagaih bruk pambuak gauk gah kinh te, dalam nan hu yu lit.

7/ Gah daong Hoi Trăng lưỡi liềm Đỏ Palestine khan lac: “ Dalam 12 bilan tapa, bhap bini di Gaza gaok eik lipa, dalam nan hu 90% uranaih kathaoit rambah, eik lipa”. Dahlau di nan  bilan 6, Kadung jien Uranaih LHQ kuhria mboih jaik 3.000 uranaih di Dải Gaza mbuan ba tal metai kayua lavang lavaih. Kadung jien Uranaih LHQ khan brei thau njauk brei hu bruk daong gah pahala saong brei padeih cuh piah peih bruk daong pandap pandar di bhum taneh Palestine ini./. 

Dalam sa mbang jak ba meriak gauk palih ruah  di bang Arizona, Tonh thong dahlau daih di Mỹ - Ứng cử viên Thong thong Ndang Cong Hoa Donald Trump hu ba tabiak asal kadha urang di langiu mai daok lac bruk pasak dalam sarak, sanya hu pabak veik 10.000 urang lin pasang iek tapen negar meyah hu njauk ruah veik. Tong thong dahlau daih di Mỹ hu sanya likau Rajaei brei bruk tagok jien bilan 10% ka dom urang lin pasang iek tapen negar saong paok jien thưởng hu yaom 10.000 đô la, piah “khik takai” dom urang lin pasang iek tapen negar daong hu ginup prein piah langyah bruk urang di langiu negar mai daok. Urak ini, Mỹ hu labaih 20.000 urang lin pasang iek tapen negar.