Ini lac paka biak glaong yam tapa bruk kuhria tuk camriep, brei mboh bruk caik hatai sangka saong bruk ngak di urang VN daok di negar langiu ngan haong mbang nyaom ini. Bruk njauk caik hatai nan lac, 4 mbang ginum biai di  nyaom biai hu ramik ngak ngan haong dom asal kadha hu caik hatai urak ini yau cak rok patagok kong nghe glaong, patagok bruk ngak di urang hu ilamo, doanh nhan urang VN daok di negar langiu, jumpataom gauk di bangsa, khik ramik, mayaih khan ilamo, sap ndem, panuac puac Việt…

Uan harei negar 2/9 thun ini, TP.HCM brei cuh phao bingu di 2 labik piah ba bui sambai ka bhap bini. Tui nan,, TP brei cuh phao bingu glaong di labik akaok jalan lubang kraong Sài Gòn (phường Thủ Thiêm, TP. Thủ Đức) haong 1.500 baoh phao bingu glaong saong dom pluh baoh phao bingu bier karei karei. Labik cuh phao bingu biar di Mblang bein Đầm Sen (Quận 11) haong 90 giàn pháo bingu biar. Tukvak cuh lac dalam 15 minit, meng mon 9 tal mon 9 – 15 minit melam 2/9/2024. Uan Harei negar thun ini, urang ngak hu padeih 4 harei gam, lac meng harei 31/8 tal abih harei 3/9.

Peih ngak Danak dak bruk ngak negar ka bruk cak rok patagok kinh tế - xã hội bhum mikva bangsa takik saong bhum ceik, huyện Chư Prông, tỉnh Gia Lai hu peih ngak rilo danak dak buh jien tame ngak ha tang bhum biak kan kandah. Huyện Chư Prông hu brei tapa danak dak rami ramik tani tanat rahra 4 palei biak kan kandah lac: Hlang Ngol, Ó, Siu, Doách. Abih tih phun jien buh tame labaih 49,5 tỷ đồng. Dom danak dak hu peih ngak di dalam huyện hu brei mboh bruk caik hatai sangka di Ndang, Kanja ngan haong bruk cak rok patagok kinh tế - xã hội bhum mikva bangsa takik, ba bruk mbang ngui, daong ka rahra cak rok patagok bruk ngak mbang, pala drak, patagok jien mek tame, abih di nyu nan lac sang kathaot, sang mikva bangsa takik.

Tui bruk jak ba padang ngak baoh sang anit ranam brei ka urang kamei kan kathaot kayua Kapul urang kamei Việt Nam pakat negar ba tabiak, Kapul urang kamei huyện Đam Rông, tỉnh Lâm Đồng hu pasang iek bruk sang daok di urang kamei kan kathaot, urang kamei gaok biak rilo kan kandah, abih di nyu lac urang kamei bangsa takik piah hu jalan daong. Tal urak ini, Kapul urang kamei huyện Đam Rông padang hu 5 baoh sang anit ranam yaom 270 triệu đồng brei ka urang kamei hội viên daok daok sang taik tahak. Baoh sang oh lac ba mai bui sambai tani tanat labik daok, labik ngak mbang, bo daok pabak prein khang ka urang yam tagaok dalam raidiuk.

Ban Cần Thơ hu pablei tabiak negar langiu baoh pa-ok saong darang tapa darah pasa Hoa Kỳ saong Australia meng jalan kapar haok. Bruk pablei tabiak negar langiu baoh kayau tapa darak pasa biak kan ka bruk pasang iek jit ruak di phun pala hu taong yaom ka bruk cak rok patagok bahrau dalam bruk ngak nong di Ban Cần Thơ. Urak ini Cần Thơ hu 193 ma so bhum pala ngan haong abih tih mblang taneh praong labaih  2.600 hecta hu dom janih phun kayau yau ye pa-ok, baoh vú sữa, darang, baoh durain. Kayua bruk pambuak di rahra, HTX, doanh nghiep saong hu mbaok tame di kanja bhum palei hu daong ka gah baoh kayau pabak hu dom adat ilamo, tani tanat chat luong pamaong tal bruk cak rok patagok gah pandap khang kajap.

Rajaei Trung Quốc bahrau mbaoh tangin brei tapa bruk padang ngak 5 danak dak bahrau hu tal 11 tổ máy điện hạt nhân di 5 tỉnh karei gauk. Ini lac kham merat bahrau abih di rajaei Trung Quốc piah cakak trun nerak tachauk tathuak tabiak yau sa binah di bruk salih tapa năng lượng hijao saong carbon biar. Kuhria tal bilan 5/2024, Trung Quốc hu 26 tổ máy điện hạt nhân daok hu padang ngak, dang akaok dunya. Tal thun 2030, Trung Quốc meda yam tapa  Pháp saong Mỹ, jeng labik ngak tabiak điện hạt nhân dang akaok dunya, patagok bruk pandar năng lượng phi hóa thạch tal jaik 25%.

Kanja Australia bahrau brei tapa danak dak trang trai dien ia harei  praong abih di negar ini, bo daok lac praong abih di dunya. Danak dak meda pabak dien praong, ba taneh ia ini jeng taneh ia cak rok patagok gah nang luong hacih di dunya. Danak hu prein 4 gigawatt, meda pabak ka 3 trieu baoh sang. Danak dak ini hu brei tapa ngan haong dom bruk biak catang ka bruk khik caga alam moi truong, dalam nan hu bruk plaih nyaih ngak palai pajoa dom phun kayau hu makna.

Campuchia bahrau ba tabiak pandar sa ứng dụng bayar jien angaok phone pan tangin, daong ka tuai dunya mai tal taneh ia ini hu mbuan lagaih dalam bruk blei pandap saong pandar dịch vụ di labaih 3,3 triệu labik pablei lẻ. Ứng dụng nan hu angan ieu lac “Bakong Tourists” hu ba mbuan lagaih ka bruk blei pandap saong bayar jien di tuai dunya, tapa nan daong jhul tagok gah du lịch Campuchia. Lime taneh ia hu tuai mai tal Campuchia rilo abih lac Thái Lan, Việt Nam, Trung Quốc, Lào saong Mỹ./.