Nyaom darak pasar Du lịch dunya Ban raya HCM mbang ka 16 (ITE HCMC 2022) hu peih ngak veik hadei di 2 thun padeih kayua jit ruak Covid-19. Nyaom darak pasar thun ini ngan hoang kadha “Gam pajap takai yam, gam patagok”, meng harei 8 tal harei 10 bilan 9 di Pasak Nyaom biai saong Parang iek Sài Gòn, quận 7. ITE HCMC lac sa dalam 2 nyaom darak pasar dulich dunya yaok thun paraong abih di Viet Nam, hu makna pambuak dom D.N dalam taneh ia saong urang blei yeng yau tuai dunya.

Panuac khan meng dom công ty du lịch brei thau, dom tuai nao main di tuk Lễ 2-9 ni tagok khang. Taeng Saigontourist hu labaih  100 jalan  tour dalam song langiu taneh ia, ba labaih  30.000 mbang tuai du lịch dalam  4 harei padeih lễ .Dom labik hu tuai  palih ruah rilo lac Nha Trang, Phú Quốc, labik du lịch núi Bà Đen (Tây Ninh)...

Tổng công ty Đường sắt Việt Nam meda brei peih pabak rilo mbang radaih apui piah duh ka bruk nao mai di tuai dalam tuk padeih le harei Negar 2/9. Radaih pui peih jalan Bắc – Nam, gah jalan pasei brei pabak dua sruh radaih apui Thống nhất meng Hà Nội – Ban raya HCM  SE11/SE12 meng harei  30-8 tal harei 6-9. Jalan Ban raya HCM -  Quy Nhơn; TPHCM - Nha Trang, TPHCM - Phan Thiết jeng hu radaih peih pabak

Danak dak “Bruk ar khik lục bình song pala phun, piah pacang caga glut jaleih di dom  huyện, ban sit gah pai” kayua  Sở ngak nong song patagok palei pala Tiền Giang ba tabiak, hadei di sa tuk vak ngak iek brei mboh, bruk ni,mbuan ngak, mbuan peih prong, jien peih ngak takik (labaih  200.000 đồng/ sa m atah) min, kein lagaih pacang caga glut jaleih biak glong.

Daok jaik 1 bilan tra meng tal Tết Trung thu, darak pasar pablei ahar Trung thu di Ban raya HCM daok chreih chrai tagok. Ahar thun ini hu rilo  mau ma, pahe bingi karei di gauk saong pablei hu rilo. Kayua yaom pandap tamo piah ngak ahar nyu tagok nan ye yaom ahar tagok meng 2 tal 10% dut saong Trung thu thun dahlau min urang blei pandar mboh lac mbiah. Dom angan ahar bhian randap yau Kinh Đô, Bibica, Như Lan…yaom ahar  meng 300 ribau tal labaih 1 triệu đồng sa pa-op.

Gilang pariak dunya (WB) brei thau, kuhria meng tuk jit  COVID-19 patuh tabiak, WB hu brei mesraiy pok jien praong di abih lac  49,8 tỷ USD piah dong ka  Mỹ Latinh song Caribe pacang caga dom kan kandah di gah  y tế, kinh tế  song  xã hội kayua jit prong, jeng yau bruk lạm phát tagok glaong song srau kadau bruk an ninh lương thực. Taeang dalam thun jien padai bahrau tamat di harei 30/6, Gilang pariak dunya brei mesraiy  labaih  20,7 tỷ USD ka gah ni.

Yam tapa yaok kuhria mboh dahlau di dom urang ilamu, bruk lạm phát yaom pandap blei pandar di Anh dalam bilan 7 tagok khang, meng 9,4 % tagok 10,1%, glong abih kuhria meng bilan 1 thun 1982,  kateik trak tagok dom baoh sang. Yau nan min, oh njuak lac taneh ia ta-eng hu yaom kaom tagok glong, min hu dom bruk brei mboh negar Anh daok dang anak lạm phát tagok glong jang dom taneh ia karei.

Dalam tuk khủng hoảng khí đốt meda rah tabiak dalam bilan liar tal, Mintri Công nghiệp song Thương mại Séc hu khan lac meyah kurang  khí đốt, Rajaei negar ni brei takik pandar  nhiên liệu , piah sưởi ấm ka dom boh sang, piah khik bruk ngak di dom gah praong di  gah ngak công./.

Urang lang: H.Pha & A.Nghiem -20/8/2022