Dom tanut ba tabik jeng ngak hu saong ngak tapa jang dut saong bruk ba tabiak, abih di nyu lac baoh sang kathaot  trun daok 0,54% , kham merat trun 5%. Di Nyaom roya, Ong Hầu A Lềnh - Akok  mentri, Akok UB Bangsa meyaom dom bruk ngak hu di Ban Cần Thơ dalam tukvak tapa. Tui nan caong khin Đảng bộ, karja, bol lin saong bhap bini dom bangsa takik di Ban Cần Thơ daok brei mboh cambaih dom prein buh tame ngak, dom bruk ngak hu jak jeng biak njauk uan tabuan, hadah mbaok meta dalam 5 thun tapa.

Kapul ngak bruk di Mintri Ngak Nong saong patagok palei pala bahrau mai tal Hợp tác xã Thắng Lợi, xã Láng Biển, huyện Tháp Mười, tỉnh Đồng Tháp piah pasang iek bruk ngak padai tui Danak dak “cak rok patagok khang kajap sa triệu héc-ta chuyên canh padai hu chat luong glaong saong tathuak nerak bier abih pambuak haong patagok hijao bhum Taneran kraong Cửu Long”. Mlang taneh peih ngak lac praong labaih 43ha ngan haong 20 baoh sang urang ngak nong hu mbaok tame. tui kuhria padai mek hu 6,9 tấn/ha, padai tui kuhria mek hu 300 tấn. Meng jak jeng di bruk ini, urang ngak nong daok tut angan hu mbaok tame veik bruk ngak, tui kuhria bilan đông xuân 2024-2025, Hợp tác xã Thắng Lợi meda patagok mblang taneh ngak praong.

Vien Ilamu saong Kong nghe Viet Nam – Han Quoc di Mentri Ilamo saong Kong nghe pambuak haong  Sở Ilamo saong Kong nghe tỉnh Sóc Trăng birau peih bruk jao brei mac jamraih hlang ia likhun - ia mbak ka Sang bac Bangsa gam bac gam daok THCS huyen Trần Đề. Jamriak hlang ia likhun, ia mbak jeng ia hacih tui tanut chuan ia menyum tui Quy chuẩn di Mentri Y tế. Bilan thu thun 2024, huyen Trần Đề gaok kan kandah kayua pandiak bhang, njom ia mbak, bhap bini  kurang ia pandar saong pandar ia nerak. Nan ye, bhap bini saong dom anek saih biak chreih chrai tuk hu mac hlang ia nan.

Tỉnh Hậu Giang bahrau ba tame peih ngak, pandar binek caik ia taba ngan haong yaom jien buh tame ngak abih tih labaih 183 tỉ đồng. Binek khik piah ia taba daok di xã Vĩnh Tường, huyện Vị Thủy, ngan haong mblang taneh praong 50ha, daok mblang taneh mbaok ia binek lac 21ha, prein caik ia praong abih di binek lac labaih 982.000 m3. Tui kuhria hu labaih 260.000 sang hu pabak ia pandar meng danak dak ini. Langiu di nan, danak dak ini meda ngak tabiak labik khik ia, langyah dom phù sa, jangaih atau maraic, trun biak rilo phun jien ka bruk padang ngak sang mac langyah ia dalam bruk halang ia.

Kong an  TPHCM thau hu jalan ngak saong bruk ngak di “ xổ số Labubu”. Urak ini, Kong an Bna raya daok peih bruk mek tai lieu ka bruk ngak nan piah langyah tui hukum ba tabiak. Thượng tá Nguyễn Thăng Long, Phó Trưởng Phòng Tham mưu, Kong an ban raya kakei lac, bhap bini meyah mboh dom bruk pambak tal cờ bạc ye samar khan brei jabat Kong an thau, pabak khaw tin, daong ka jabat kong an duah thau, pasang iek, langyah tui hukum. Tui nan, kakei bhap bini brei pacang caga dom bruk ma-in suak sam mek giai thuong atau dom jalan ma-in njauk giải thưởng angaok mạng piah plaih bruk ngak suan adat hukum.

Triều Tiên mek tabiak harak tut angan 13 gilai dalam ia di negar ini tagok gah Hàng hải Dunya (IMO). Tuk roh duah dom angan gilai IMO hu pabak ka dom gilai dalam ia Triều Tiên dahlau di nan, di mangaok he thong khau tin pajeng ba tasik pataom veik di dunya, tok mboh akhar “gilai oh hu biak”. Dahlau di nan, gah ba khau tin ka bruk Triều Tiên mbang camriep tut angan 13 gilai dalam ia tagok IMO. Tui kuhria, bol lin Triều Tiên urak ini daok dalam tangin labaih 70 sruh gilai dalam ia dom janih.

Hãng tin Reuters brei thau harak pathau khan birau abaih di Jabat Nang luong nguyen tu dunya (iew katut lac IAEA) khan lac,  Iran daok ngak veik urani ngak kaya meda pakat glong saong daok yam tal jaik tal prein ngak tabiak vũ khí hạt nhân. Harak pathau khan tui quý  di IAEA hu payua tal dom taneh ia pambuak  kuhria mboh lac gilang khik piah urani ngak kaya meda pakat tinh khiet tagok tal 60% di Iran daok patagok, meng 22,6 kilo tagok tal 164,7 kilo, tapa nan brei mboh daok kurang 2 kilo tra ye ginup piah ngak tabiak 4 baoh bom hạt nhân meyah hu ngak kaya meda tagok pakat 90%.

Ban ine New Delhi di Ấn Độ daok gaok bruk ia dauk saong gar jalan mbak nao mai biak trak damak kayua hajan khang. Mbang hajan biak khang ngak dauk di rilo labik jalan saong dom labik, ngak gar jalan. Dalam dom kadha vak hu ba tagok mạng xã hội X, cảnh sát jalan mbak nao mai di Delhi hu pabak khau tin ka dom jalan dauk ia saong kakei rahra nao ngak duah jalan ka lagaih. Dom urang roh duah ilamo brei thau lac Ấn Độ njauk kuac veik rilo danao saong binek khik piah ia hajan khang, tapa nan meda pacang cakak hu bruk kurang ia biak trak damak./.