Peih tabiak di tukvak sajarah hu makna praong di bruk salih birau saong patagok di taneh ia, Nyaom roya pakat negar Mat tran Negar Viet Nam bang ka 10, vaktu 2024 -2029 hu pamedeih tagok hatai jia, caong khin rik prein ngak bruk, sahaneng hadah krah di bhap bini, abih hatai kham merat ngak hu jayak Sarak Nyaom roya Đảng 13 di Đảng. Lac urang ranaih umo hu mbaok nyaom roya, Thị Hà bangsa S’Tiêng, xã Phú Nghĩa, huyện Bù Gia Mập, tỉnh Bình Phước caong khin, Nyaom roya  nan meda pambuak kajap talei rohim jum pataom  dalam bhap  bini dom bangsa Viet Nam. Tui nan, kham merat pachreih veik taong abih dom dam dara bangsa, agama jum pataom gauk ngak brei cak rok patagok rup eng ralo jang piah rik daong ka bhum palei negar.

Lac sa dalam huyen kathaot dalam taneh ia, haong labaih 90% rahra lac bangsa Raglai, dom thun jaik ini, meng dom Danak dak pakat negar, gam haong buh jien tame ngak binek ia , jalan dhuan duh ka bruk ngak mbang pala drak, dom pakat uy Ndang, karja huyen Bác Ái, tinh Ninh Thuan hu sangka iek praong bruk daong ngak mbang, brei kein lagaih piah mikva bangsa takik patagok bruk ngak mbang, patrun kathaot. Tal abih thun 2023, baoh sang kathaot di Bác Ái trun daok jaik 35%. Tukvak anak tal, karja bhum palei patui veik pataom tame bruk peih praong taneh pala drak di dom bhum taneh hu ia; jak ba mikva salih janih phun pala njauk haong langik tasik.

Meng puac thun 2023 mbiah tal kreh thun ini, tỉnh Cà Mau hu labaih 12.000 mbang gilai ikan oh daok pagam jamraih tui iek. Meng bilan 10 thun 2023 mbiah tal ini hu taong phạt 30 mbang gilai ikan suan hukum, kuhria tui jien labaih 1,2 tỷ đồng; Langyah 1 bruk hình sự “ Cagar atau  ngak sraw kadau bruk pambuak mac tinh, mạng viễn thông, mac jamraih điện tử’. Tỉnh langyah 3 bruk ngak suan hukum hinh su “ Kapol nyaom, ba jalan ka urang dauk tabiak negar langiu atau daok veik negar langiu suan hukum”.

Gah Meraong negar daok dalam mbang ia tagok glaong tuk ia bulan bak baoh Pomi bilan 9, ini meda lac mbang ia tagok glaong abih dalam thun. Harei ini, rilo labik ia tagok glaong tanut ka 3. Di bilai Phú An saonh Nhà Bè di Ban raya Ho Chi Minh, ia tagok glaong tal tanut 35cm. Rayo kuhria mboh dahlau langik tasik bhum Meraong negar brei thau ini lac mbang ia tagok glaong abih dalam thun, rahra brei caga hajan praong haong ia tagok glaong ngak dauk di dom labik taneh biar, tapen kraong ngak kan kandah tal jalan mbak, dom bruk ngak mbang daok dang di ban raya Ho Chi Minh.

Daok di Cần Thơ, dalam 2 harei tapa ia di dom kraong ribaong di ban Cần Thơ tagok tui ia ndik  di bilan 9 saka ia bulan gam ia ribuk di gah angaok kraong tuh mai yau nan ye ia tagok samar. Ia ndik tagok glong di tanut ka III mbiah tal abih harei 22/10. Tukvak ia ndik yaok harei lac mon 5h-8h page saong biar harei mon 17h-20h. Yau nan ye, bruk ia dauk di taneh praong daok rah tabiak dalam dom harei anak tal.

Tui pathau khan di Lien minh pacang pachot pagat dunya, dalam 12 bilan tapa, Philippines lahik labaih 8 tỷ đô la Mỹ, rilo meng lac kayua dom mbang pachot pagat tapa tin nhắn haong dom pablei salih “yaom lap oh meda jia tame hu”. Kuhria rah tapa yaok sa urang gaok pachot pagat daok dalam meng umo 18 tal 24 thun hu lahik 275 đô la Mỹ, kayua dom urang pachot pagat ngak tabiak. Dom urang pachot pagat jeng tapa dom app nhắn tin yau WhatsApp saong Messenger. Urak ini jeng hu rilo bruk pachot pagat bahrau tamuk tagok kayua bruk pandar ilamo kong nghe AI piah pachot pagat tapa tin nhắn, thaot binguk, video saong taduan mek sap ndom.

Piah caga bruk di cu dak harei dak ralo, UB chau Au meda ba tabiak sa hukum birau ka bruk pakhang patrauk  urang tame negar suan hukum ngak kan kandah bruk salamat taneh ia urang daok, dalam nan brei mboh cambaic laic dom taneh brei pambuak  bruk ba urang gilac veik mai palei saong taduan urang di cu suan hukum, piah bruk peih ngak nan hu samar lagaih jang. Urak ini, dom mbang nao tapa negar Chau Au suan hukum dalam 9 bilan tapa trun 42% dut saong tukvak ini thun 2023 trun daok 166.000 mbang.

Jabat Pasang iek ia kraong Panama brei thau kapal gilai nao tapa kraong ia ini trun 29% dalam 12 bilan  tapa kayua bruk pandiak bhang thu lagu pambuak tal bruk salih langik tasik. Pandap panda pajeng ba trun 17% trun daok 423 triệu tấn. Kraong ia Panama lac ia taba mai meng dua binek  padang ia. Dalam sa thun tapa, bineik praong ini daok dalam bruk kurang ia trak abih dalm yaok pluh thun kayua pandiak bhang suai atah pambuak ta; langik El Nino. (TTXVN)