Ong Truong Hoa Binh jao pandap ka dom boh kan kathaot di Soc Trang 

Ong Trương Hòa Bình, dahlau diah lac Ủy viên Mentri Chính trị, Phó Thủ tướng Thường trực Rajaei haong kapol ngak pahala birau jao brei 150 paok jien bac, yaom 1 trieu đồng sa pok saong 50 sruh radaih juah, yaok sruh yaom 2 trieu 7 rituh ribua đồng alin brei ka anek saih  di tỉnh Trà Vinh. Langiu di nan, kapol jeng hu jao brei ka baoh sang sarak karja, baoh sang bol bhap Khmer hu radiuk kan kandah di huyện Trà Cú, yaok paok pandap hu 10 kilo brah, dom pandap pandar yaok harei saong jien 500 ribau đồng. Mbang ini kapol jeng hu alin brei 50 paok jien bac ka dom anek saih bangsa takik, anek saih kathaot saong 250 paok pandap, yaok paoh yaom 800.000 đồng ka baoh sang sarak karja, baoh sang kan kandah di tỉnh Sóc Trăng.

6 anek saih di kapul anek saih Việt Nam hu mbaok tame pacacah Olympic Toán học dunya thun 2022 hu peih tabiak di Nauy hu mek hu jai glaong. Lac 2 Huy chương ameh, 2 Huy chương praik, 2 Huy chương ban. Tui nan kapul Olympic Toán học dunya Việt Nam hu dang ka 4 dalam abih tih 104 taneh ia saong bhum taneh hu mbaok tame, hadei di Trung Quốc, Hàn Quốc saong Mỹ. Tapa bruk pakacah ini di kapul negar Việt Nam di Olympic Toán học thun ini daok brei mboh chất lượng di bruk pato magru di Việt Nam, yaom lac 3 thun bac njauk kan kandah kayua jit ruak Covid-19.

Anak bruk jit ruak pandiak tabiak darah daok tamuh khang, Sở Y tế Ban raya HCM hu padang jalan caga brei taduan urang tame taong ruak tuk hu meng 600 tal 900 mbang urang ruak pandiak tabiak darah yaok harei. Sở iew dom sang iek ruak caga blaoh blai pandap y tế, jru tavao, dịch truyền, darah piah pabak ka bruk taong ruak chip. Kuhria tal harei 11/7, Ban raya HCM hu jaik 26.140 mbang urang ruak pandiak tabiak darah, tagok 228% dut saong tukvak ini thun dahlau. Urang ruak trak saong metai tagok rilo dut saong tukvak ini thun bloh saong kuhria rah tapa meng 2016 -2020 ngan saong 12 urang metai.

Hadei di sa tukvak suai lavik  padeih ngak, bilai thu phí danak dak BOT Cai Lậy (tỉnh Tiền Giang) caga mek jien gilac. Piah khik tani tanat ka kein laba di bhap bini, bilai thu phí ini meda trun yaom jien vé ka dom sruh radaih praong di 41 xã phường di dom kapul, manuac urang hu jabat dalam labik  oh tapa 10 km vil val bilai thu phí. Daok dom sruh radaih hu pandar piah ngak mbang tok hu trun mateh yaom jien nao tapa bilai.

Tui kuhria mboh dahlau tal puac thun ini, di bhum gah Meraong negar meda hu meng 9 tal 11 mbang ribuk, áp thấp nhiệt đới. Piah trun takik khat lahik kayua bala meng langik tasik, Mban tacei jalan pakat negar  ka bruk Pacang caga bala meng langik tasik caong khin dom tỉnh, ban patui khik iek, pasang iek tani tanat bruk peih kareik dom binek, kraong ia yau Dầu Tiếng, pabah kraong Cái Lớn - Cái Bé, binek Tha La - Trà Sư…Tui nan, dom Mentri, dom gah, karja dom bhum palei duah dom jalan ngak ka lagaih, piah paglong bruk caga dahlau laba meng langik tasik saong daong duah urang gaok bala.

Bruk diễu binh meng kan ngan haong bruk hu mbaok di labaih 6 ribau urang bahrau hu peih tabiak di jalan roya Elysée di ban ine Paris di tuk uan Harei negar France. Bruk  ini jeng lac tuk piah ka France mayaih khan dom pandap quân sự yau ye kapal haoh quân sự, kapal haoh oh hu manuac peih, trực thăng, radaih cơ giới, radaih trinh sát, radaih bọc thép rai bahrau… Rilo ban hu cuh phao bingu uan Harei negar France. Brei panuac di tuk uan harei negar, Tổng thống France Macron kakei bhap bini njauk caga dahlau lac bruk Nga padeih pabak khí đốt saong dom kan kandah dui atah dalam tukvak anak tal.

  Tui duah thau, 65% urang Ukraina nao daok negar langiu hadei mesruh metak thei jeng oh khin gilac veik mai taneh ia, 9% dom urang caga nao tal sa taneh ia karei di bilan anak tal. Bruk caga di dom urang Ukraina jeng karei di gauk ralo tui labik daok tuk camereip di urang, jeng yau taneh ia urang panduan mai daok. Kuhria meng tuk mesruh metak rah tabiak , labiah 8 trieu urang tabiak truh Ukraina saong labaih 7 trieu urang panduan salih labik daok dalam negar.

Urak ini dom urang njauk ruak Covid-19 di dunya daok tagok dalam adit ka 5 gam gam, ngan haong 5,7 triệu urang njom ruak bahrau di adit blaoh. Tong yam ndok gah y tế dunya brei thau, jit praong jeng daok di tanut samar drah di dunya saong hu panuac lac, vi rút daok tamuh tự do saong jit ruak jeng ka oh abih. Di Mỹ, dalam dom adit jaik di ini, biến thể Omicron daok ngak brei tagok dom urang tame sang iek ruak saong metai, nan ye dom ban njauk pasang iek veik bruk pacang caga jit ruak. /.

Urang lang: Thu Thảo - Ái Nghiêm - 15/7