Dah page 25/4/2022, di Jabat Rajaei, mban tacei jalan pakat negar ka pacang caga bala meng langik tasik hu pambuak haong Uỷ ban pakat negar ka  Pacang caga bala saong daong duah urang njauk bala peih Nyaom biai pakat negar ka pacang caga bala saong daong duah urang njauk bala thun 2022. Nyaom biai hu pambuak tapak tal labaih 700 labik tatua di 64 tỉnh, ban dalam negar saong Ủy ban bhap bini dom quận, huyện.Tui sahneng mboh di Pasak kuhria mboh dahlau bruk langik tasik pakat negar, thun ini meda hu ribuk khang  saong áp thấp nhiệt đới angaok tasik Biển Đông. Hajan tui kuhria daok tagok, ba tal dom mbang hajan kan kandah.

Ủy ban Mặt trận negar Việt Nam ban raya Hồ Chí Minh, Ủy ban Mặt trận negar  Việt Nam Quận 8 song mbao Người Lao động bahrau pambuak gauk peih danak dak alin hadiah  100 pok jien bac, yaok pok  yaom 2 triệu đồng ka dom anek saih, sinh viên lac urang bangsa takik  dok di quận 8, pahadar harei ilamu dom bangsa Việt Nam . Ni lac, bruk hu peih ngak luac 20 thun tapa, meng hatai sahneng di urang dahlau deih   ngak Phó Thủ tướng Thường trực rajaei Trương Hòa Bình piah ba mai bruk bac daa ka yaok ribau anek saih, sinh viên urang bangsa takik dalam taneh ia.

Pahadar harei Tapuk saong ilamo puac tapuk Việt Nam thun ini, mbang camriep abih bhap bini TP. Hồ Chí Minh hu maong iek baoh tapuk vak angaok hala buông di urang Khmer, baoh tapuk meng ban biak kan duah di saman patao Tự Đức, baoh tapuk vak meng tangin ka saiy salai patao Nguyễn. Dalam labik yau Nam Bộ meng kan, 40 baoh tapuk biak kan duah, hu ba tabiak parang iek, dui pachreih hu rilo urang puac tapuk di TP. Hồ Chí Minh mai rivang iek.

Harei ni (25/4), dom tỉnh ban hu peih bruk klauk vaccine pacang COVID-19 ka uranaih meng 5 tal mala 12 thun tui jalan klauk ka uranaih bac tal 6 dahlau, hadei di nan, trun umo song tal bac.Tui yaok pataom di mintri  Y tế brei mboh lac  vaccine pacang COVID-19 hu klauk ka uranaih meng 5 - tal mala 12 thun tal urak ni lac 575.771 mbang (klauk mbang ka 1).

Tỉnh Đồng Tháp hu labaih 3.000ha pala panat Thái, rilo meng lac di huyện Tháp Mười,Thanh Bình, Cao Lãnh saong huyện Châu Thành. Hadei di 2 thun, yaok phun panat Thái hu meng 2 tal 3 baoh, yaok baoh trak labaih 10 kg. Urak ini yaom panat Thái meng 3.000 tal 3.500 đồng/kg ngak ka urang pala panat khat meng 2 tal 3 ribau đồng yaok kg.

Tổng thống Prang Emmanuel Macron hu pilih ruah pok ngak veik mbang  ka 2 ngan song  57% hala  phiếu, dut song 43% hala phiếu ka amuk Marine Le Pen. Jayah dong ka ong Macron jeng tổng thống Prang camereip  hu pok ngak mbang ka 2, hadei di  20 thun, gam song nan hu  5 thun gac piah jhul patagok dom salih bahrau, yau  tagok umo thun mbang jien hưu meng  62 tagok 65 thun  song cakak trun jien je ka dom doanh nghiệp, piah patrun urang oh hu bruk ngak dok di tanut bier di abih dalam 14 thun tapa

Lambaok pakat glaong di Liên minh Châu Âu ka Sarak Đối ngoại saong An ninh Josep Borrell brei thau, EU oh daok ginup bruk pachreih tui di dom taneh ia dalam Lien minh ngan haong bruk pakauk abih atau brei tapa jien je taong phat bruk blei manyek saong khí đốt di Nga.  Urang ngoại giao Liên minh châu Âu ini daok brei thau lac abih tih dom taneh ia EU jeng daok kham marat piah cakak trun rilo abih dom bruk pagam pambak di urang tame dầu khí di Nga.

Gah khik iek takai tasik Japon brei thau, kuhria tal abih harei kabroi (24/04) hu 11 urang metai hadei di tuk sa kapan gilai ravang me-in lahik di langiu tasik gah brak taneh ia ni.Tui pathau khan, mbiah tal urak ini, dom gah chức năng jeng oh ka duah hu hagait ka sruh kapal gilai "Kazu I", tabiak pabah lamnge harei sanercar (23/04) ngan song  24 tui song  2 urang peih kapal gilai. Bruk dong duah meng kapan haoh song kapan pasang iek jeg daok hu peih tabiak di mesup ni, langiu di nan, dom kapan ikan di pak ni meng pabah lamnge  Utoro jeng hu jak ba mai hu mbaok dong duah./.

Urang lang: Thu Thao & H.Pha – 25/4/2022