Bruk kham merat khik brei taong abih urang kathaot... hu brei thẻ BHYT oh abih jien

Pachreih tui bruk pakacah “ Daong urang kathaot – Oh caik thei daok veik gah likuh” vak tu 2021-2025, BHXH Viet Nam birau patabiak Jalan peih ngak bruk jak ba gauk pakacah dalam gah bruk ngak ini. Tui nan, BHXH dom tỉnh, ban di negar brei pakhang bruk pambuak saong Mban tacei ba jalan trun kathaot di bhum palei, kham merat hu mbaok tame bruk ngak brei patrun kathaot, patrun kathaot khang kajap saong tani tanat raidiuk di bhum palei. Bruk kham merat khik brei taong abih urang kathaot, urang hu buh preimn yawa ka taneh ia, urang umo taha, urang bangsa takik hu brei thẻ BHYT oh abih jien.

Sarak dong taneh dok, taneh pala drak ka mik va bangsa takik hu peih tabiak meng thun 2002, min urak ni, yaok rituh boh sang mik va bangsa takik jeng dok caong hu taneh dok, taneh pala drak. Di tuk vak thun 2016, tong abih boh sang cong hu lac jiak 327.000; dalam nan, dom boh sang caong hu dong taneh pala drak lac jiak 294.000 sang, dom boh sang kurang taneh dok lac jiak 33.000 sang. Tuk vak 2016 – 2020 dalam negar dok hu 300 ribau boh sang mik va bangsa takik kurang taneh dok, taneh pala drak.

Page ini, di Ban raya HCM, Báo Người Lao động peih bruk jao brei giải pakacah ngan haong kadha “Pang bhap bini ba tabiak jalan ngak” mbang ka 3 saong peih brui pakacah mbang ka 4. Tui Mban peih bruk, dom jalan ngak mek hu giải dalam mbang ini hu pabak dom tanut yau: bruk mbuan ngak hu, kein laba kinh tế, bruk pambak tui, bruk peih praong. Tui nan, bruk hadah krah, birau birang jeng yau khang kajap saong mbuan peih praong. Bruk pakacah yau talei pambuak piah bhap bini dalam negar saong urang daok negar langiu payua dom hatai sahaneng, jalan sahaneng, ba tagok, dom caong khin di drei, rik tame ka bruk cak rok patagok di Ban raya HCM jeng yau dalam negar.

Rilo labik pablei xăng menyek di bhum taneran krong CL likau padeih pablei. Sở Công thương tỉnh Bến Tre hu taduan 8 harak likau padeih pablei salih xăng menyek. Di tỉnh An Giang dalam bilan 9 jeng hu 10 labik likau padeih pablei xăng menyek . Makna bo dom labik pablei salih batabiak lac kayua jien hoa hồng bier, ngak mbang khat, abih phun ngak mbang.

Tal urak ini, dalam tỉnh Kiên Giang daok 235 gilai kapal taong chap ikan oh ka pagam jamraih tui iek jalan peih angaok tasik. Sở Ngak nong saong patagok palei pala Kiên Giang iew Chi cục Thủy sản saong karja dom palei samar pasang iek, langyah salah dom gilai kapal oh ka pagam jamraih pasang iek tui njauk bruk ba tabiak, meyah oh ngak njauk brei palahik dom harak gal tut angan. Bruk pagam mac jamraih lac ngak tui tacei pato di UB châu Âu ka bruk taong chap ikan suan hukum, oh khan brei thau saong oh njauk tui hukum ba tabiak.

Viện Hàn lâm khoa học Hoàng gia Thụy Điển bahrau brei thau angan di urang mek hu Giải Nobel Vật lý 2022. Giải thưởng hu pok brei ka 3 urang ilamu , lac urang Prang, Mỹ song Áo pagam tal gah lượng tử, hu pandar dalam công nghệ máy tính song liên lạc mã hóa. Dom ngak iek di dom urang vật lý học ni hu cong lac peih jalan ka bruk pandar công nghệ bahrau, jang yau roh duah prong dalam gah máy tính lượng tử, mạng lượng tử, truyền thông lượng tử atau pambuak mã hóa lượng tử siam mekre, salamat.

Truyền thông Trung Quốc ba khaw tin meng negar Nga lac, jien nhân dân tệ mbang akok meti yam tapa mbaok jien đô la Mỹ, hu jeng jien pandar rilo abih di Nga. Sở giao dịch Maxcova bhian kuhria mboh dahlau, bruk pandar jien nhân dân tệ saong jien rup meda yam tapa đôla Mỹ saong jien rup dalam thun 2023, tuk Nga pakhang bruk ngak mbang saong Trung Quốc anak dom bruk taong phạt meng gah phương Tây. Yau nan min, bruk nan rah tabiak samar jang bruk caga dahlau.

Australia caik tabiak takik di abih 30% mbaok taneh brei ka bruk khik ramik dom janih mbuan lahik abih but. Ini hu maong lac sa kham merat di rajaei Australia piah khik caga dom janih “động thực vật” bo oh labik halei karei di dunya hu yau nan. Dalam harak pathau khan kayua Rajaei Australia ba tabiak di bilan 7, taneh ia ini lahik rilo janih athur hu tasau jang dom labik karei di dunya saong lac sa dalam dom taneh ia hu bruk trun dom janih nan khang abih dalam dom taneh ia kaya meda abih di dunya. Makna lac kayua langik tasik biak kan kandah saong bruk palai pajoa di anek menuac tame labik daok di nyu./.

Urang lang: Bhumi & Hani Pha – 05/10