Kapul ini yau sa labik piah ka dom mintri, dom gah, dom bhum palei, doanh nghiep, urang roh duah ilamo saong urang ngak nong gam haong gauk ginuim biai, njauk gauk ba tabiak dom sarak hu makna pambuak tal gah padai brah di dom tukvak saong dom bruk karei. Tui kuhria, kapul meda hu bruk roh duah piah likau haong Rajaei, Thủ tướng Rajaei ka jalan ngak, dom sarak, jhul samar bruk cak rok patagok gah padai brah taong abih gah, rik tame ngak tani tanat bruk an sinh xã hội saong bruk siam makre, tani tanat pandap mbang pakat negar.

Sở Pato Megru TP.HCM brei thau, mbang pakacah pilih ruah tame tal bac 10 thun bac 2025 jeng daok pakacah 3 môn lac Toán, Ngữ văn saong Sap negar langiu. Tui kuhria, akaok thun bac 2024-2025, TP.HCM brei samar khan brei thau đề ngak iek pakacah tame tal bac 10 sang bac karja meng thun 2025. Đề pakacah tabiak tui jalan taong yaom prein bac di anek saih, bruk pandar ilamu bac blaoh piah langyah bruk di anak mata.

Liên đoàn Lao động tỉnh Hậu Giang bahrau peih bruk jao alin 1.600 paok jien bac “hatai ameh” thun 2024 ka anek bik di đoàn viên, urang ngak gaok kan kandah, bac naih di dalam ban. Langiu di nan, jao alin veik 50 paok jien bac ka anek saih ban Vị Thanh gaok kan kandah kham merat yam tapa, bac ta-a naih joi thun bac 2023-2024; yaok paok hu yaom 500.000 đồng saong 10 baoh siphau. Ini lac bruk ngak gam gam di kapul công đoàn tỉnh Hậu Giang piah daong sangka tal rai ranaih, abih di nyu nan lac dom anek saih, sinh viên.

Meng thun 2023 tal ini, Công an tỉnh Cà Mau hu pasang iek duah thau 51 bruk pachot pagat angaok mạng, haong pok jien lahik jaik 60 tỷ đồng. Jaik abih kol nan jeng ngak bruk bleik saleik di negar langiu. Taphia nan, bruk pandar tài khoản gilang pariak nerak, sim điện thoại nerak daok hu rilo, daong palagaih ka kol bleik saleik padauk hu angan je biak di nyu. Công an Cà Mau kakei bhap bini caik hatai sangka tuk taduan hu bruk ieu phone mek angan lac urang jakar, pagalong hatai sangka tuk ndom biai haong menuac oh bhian randap angaok mạng xã hội, oh khan brei thau thông tin di drei.

UBND tỉnh Bạc Liêu bahrau pathau khan bruk samar drah ka glut jaleih takai tasik biển Đông labik meng K0+046 tal tatua Chiên Túp 1 di labik xã Vĩnh Trạch Đông, ban Bạc Liêu. Labik glut jaleih atah saong mbuan glut jaleih lac 474 mét. Glut jaleih lac kayua bhum labik takai tasik anak labikini oh daok glai pacang piah pacang hangin, pacang riyak khik caga takai ar, nan ye riyak tasik paoh tame tapak ba tal glut jaleih.. Dahlau di nan, di akaok thun blaoh, di labik ini jeng rahtabiak bruk glut jaleih ar pacang biak trak damak.

Trung Quốc daok parabha brei veik 465 triệu Nhân dân tệ (lac jaik 65 triệu USD)  ka 7 tỉnh ban piah pacang caga bruk ia sua saong bala địa chất trak damak rah tabiak di bhum Đông Bắc. Dalam dom harei tapa, di dom tinh ban di Trung Quốc gam gam hu ia dauk ia sua saong glut jaleih taneh, ngak brei menuac matai saong khut lahik drap ar di bhap bini. Hajan ribuk khang di tỉnh Hồ Nam meng puac bilan 7 meng blaoh, ngak brei 30 urang matai saong 35 urang karei lahik. Di tỉnh Liêu Ninh labaih 28.000 menuac hu ba nao labik karei hadei di sa mbang hajan praong, ngak brei ia di 6 baoh kraong yam tapa tanut cảnh báo…

Pak Mỹ, di melam 5/8 (tui maong pak ini), sruh radaih Ford Explorer 2023 pajeng 10 urang daok nao gah maraong di mangaok jalan nduac samar drah Hatton ye ginuh tame lan can saong tableik, laik trun sa binek ngak ka 9 urang metai. Urang jakar pak nan hu peih sa mbang pasang iek ka bala ini hu bruk pambuak gauk di akaok jabat canh sat. tui rilo blah web di gah radaih Ford, janih radaih Explorers 2023 hu prein pajeng rilo abih lac 7 urang. Sruh radaih gaok bala meda lac pajeng biak rilo manuac jang adat brei pajeng.

Dom urang roh duah negar Anh caong lac meda dang akaok gah pacang caga tội phạm mạng meng bruk cakrok mạng internet lượng tử tane ia hu prein khik kandauk dữ liệu. Danak dak ini meda ba negar Anh jeng taneh ia ba akaok dunya ka salih bahrau lượng tử. Tui pathau khan ka bruk bleik saleik angan je thun 2024 di AuthenticID, tội phạm mạng meda ngak brei khat lahik  9,5 rabau tỷ đôla yaok thun di puac thun 2024. Di negar Anh, tui kuhria, khat lahik di dom doanh nghiệp lac 27 tỷ bảng Anh yaok thun./.