Mentri Ilamu - The thao  saong Du lich birau ba tabiak bruk daong Padang ngak tu gilang tapuk bhap bini di 120 xã bhum urang bangsa takik saong bhum ceik. Dalam nan, Mentri daong dom tỉnh padang ngak gilang tapuk bhap bini di dom xã bhum urang bangsa takik saong bhum ceik, dalam nan hu: blei kapan dak tapuk; blei harak tài liệu, tapuk hu asar kadha pathau khan, pambak praong, pato hukum ka ilamu, the thao, baoh sang saong dulich; pabak khaw tin, pathau khan pambak praong  bruk pato hukum ka lakhah, pacang caga bruk tok diuk tok pasang tuk umo daok sit saong lakhah dalam but pajaih, padang raidiuk ilamu cơ sở; padang ngak saong patagok ilamu bac tapuk dalam bhap bini bangsa takik.

Sở Y tế ban raya HCM bahrau peih "Harei pataom bruk ngak brei ka bác sĩ ranaih umo bac salah khóa camereip abih di danak dak ngak iek di sang iek ruak đa khoa pambuak haong bilai y tế". Harei pataom lac kadha puac abih di danak dak ngak iek mbang camereip abih di ban raya HCM saong dalam taneh ia. Iek tui bruk di yaok gah, yaok labik pakacah saong prein ngak bruk di yaok bác sĩ bo dom sang iek ruak brei pilih ruah menuac ka nyu lagaih. Di harei pataom bruk ngak, abih tih dom menuac caong hu di dom sang iek ruak lac 500 urang min bahrau hu 270 bác sĩ tut angan tame brei pilh ruah, nan ye meng caong khin rilo jang 2 mbang, jalan peih tabiak ka dom bác sĩ ranaih umo thun lac biak praong.

Mbiah tal tukvak ini, dom bhum palei urang bangsa takik saong bhum ceik di tỉnh An Giang hu peih 21 tal bac palahik bruk oh thau akhar huroh brei ka mikva  bangsa takik, ngan haong 429 urang bac. Dahlau di nan, Sở Pato megru An Giang hu peih tal bac pasram  ka 51 urang jakar saong gru pato di dom sang bac saong pasak bac megru di dom bhum bangsa takik saong bhum ceik dalam tỉnh ka bruk pataom tai lieu, jalan pato pakai saong pasang iek taong yaom  prein bac di urang.  

Meng thun 2018 tal ini dalam tỉnh Hậu Giang hu jaik 95.000 urang dalam kapul urang praong thun, dalam nan hu labaih 15.000 daok ngak mbang, pala drak. Dom pakat Kapul urang praong thun hu pathau khan, jak ba urang dalam kapul rik tame hu labaih 3 tỷ đồng saong jaik 2.000 harei ngak bruk piah padang jalan mbak palei pala, brei jaik 20.400m2 taneh saong rik phun jien tame padang ngak dom danak dak kein laba. Tui jalan jum pataom, daong gauk, dom sang urang praong thun ngak mbang naih joi hu ba bruk ngak brei ka labaih 5.000 urang ngak dalam palei, daong ka labaih 1.500 sang tabiak truh kan kathaot, yam tagok ngak mbang kaya meda. 

Tukvak jaik ini, di tỉnh Tiền Giang yaom padai brah dom janih daok tagok glong, prein blei hu tagok min labik pablei hu mbaok grauk labik nan ye padai brah pablei tabiak  oh kurang, oh tagok yaom chiat. Yaom padai  brah tagok glong yau nan ye urang ngak hamu, D.N, cơ sở pablei salih padai brah chreih chrai kayua lang talaih hu bruk padai brah khik kandong dalam gilang gam hu laba glong hu yau nan ba bui sambai tuk bilan padai He thu anak tal. Rilo D.N brah di tỉnh Tiền Giang khan lac, biak njauk hatai haong bruk pakhang pablei brah tabiak negar langiu di Rajaei, Mentri Ngak nong saong Patagok palei pala oh pacang cakak bruk pablei brah tabiak  negar langiu yau dahlau diah. Ini lac bruk lagaih siam dalam bruk pala drak saong pablei brah di bhum taneran kraong Cuu Long tabiak negar langiu.

Hàn Quốc brei panuac lac biak damen hadei di tuk dom chính trị gia Nhật Bản payua pandap paling yang atau nao ravang baoh kandi Yasukuni, hu maong lac bruk di saman dahlau brei mboh ka quân phiệt Nhật Bản. Trung Quốc jeng hu tabiak panuac saong brei mboh jalan sahneng di drei anak dom bruk ngak di dom chính trị gia Nhật Bản pambuak tal kandi Yasukuni. Kandi Yasukuni daok di pasak Tokyo, lac labik kakuh 2 triệu 500 rabau urang Nhật Bản metai dalam mesruh metak dunya mbang ka 2. Hàn Quốc saong dom taneh ia jaik taphia di Nhật Bản tuk halei jeng maong iek baoh kandi ini lac brei mboh ka chủ nghĩa quân phiệt Nhật abap 20.

Gilang pariak Trung uong Nga peih bruk ginum biai samar chip saong brei patagok laba veik 3,5 %, tagok 12%, piah pacang bruk trun yaom jien rup(ruble), daok di tanut biar abih dalam 17 bilan tapa. Bruk ginum biai peih tabiak hadei sa harei tuk pandar jien ruble trun yaom biar abih tapa 100 ruble salaih 1 dola Mỹ. Dom urang gah kinh te mboh lac, kayua bruk ngak kinh te Nga daok tavak di dom bruk taong phạt  di phương Tây; dalam nan jien cai pandar ka gah bol lin tagok rilo.

Langyah di jabat Khí quyển saong Tasik praong Mỹ brei mboh lac, thun ini meda lac thun pandiak abih dalam sajarah dunya. Langyah nan jeng njauk haong bruk kuhria mboh dahlau nan di jabat tui iek bruk biến đổi khí hậu Copernicus di Liên minh châu Âu, brei mboh lac bilan 7 thun ini lac bilan pandiak abih angaok baoh taneh tuk mbaok baoh taneh di dunya glaong jang tanut kuhria rah tapa lac 1,12°C. Min jabat Hàng không Vũ trụ Mỹ daok suh sah lac, tapa thun 2024 meda daok pandiak jang kayua EL Nino meda pambak tame khang./.