Tui harak khan di Mentri LĐ, TB saong XH, urang jakar, kong chuc, vien chuc saong urang ngak di dom jabat hành chính, sự nghiệp, gah chinh tri - xa hoi padeih Quoc khánh thun 2024 meng harei sanecar (31/8) mbiah tal abih harei angar ( 3/9). Mbang padeih ini hu 2 harei padeih lễ harei Negar, 2 harei padeih puac adit. Yau nan, kong chuc, vien chuc di dom jabat karja, sự nghiệp, chính tri -xa hoi hu padeih ralo abih lac 4 harei. Mentri LĐ, TB saong XH pachreih po pandar urang ngak brei padeih tui tukvak ba tabiak ngan haong kong chuc,vien chuc.

Mban Khik ramik buh jien tame saong padang ngak thủy lợi 10 (di Mintri Ngak nong saong Patagok palei pala) daok kham marat ba danak dak praong Cống âu Rạch Mọp pacang ia mbak 500 tỷ đồng pak Sóc Trăng ba tame pacang caga njom ia mbak dahlau di bilan thu thun 2025. Ini hu maong lac bruk praong di danak dak pacang ia mbak, khik piah ia taba di bhum gah Tây Nam bộ, tok sit jang binek Cái Lớn, Cái Bé (Kiên Giang). Danak dak hu ba tame pandar meda ngak trun manieng dom kan kandah di bruk njom ia mbak, ba ia taba piah pacang caga dalam dom mbang njom ia mbak tagok glaong di mangaok kraong Hậu ka mblang taneh praong 36.710 ha di huyện Kế Sách, Châu Thành (tỉnh Sóc Trăng) saong huyện Châu Thành, ban sit Ngã Bảy (tỉnh Hậu Giang).

Pambuak tal bruk Công ty Cổ phần Xuất nhập khẩu Hoàng Sinh di ban Thủ Dầu Một (Bình Dương) daok tavak rilo bilan jien bilan oh ka bayar ka 900 urang ngak, urak ini Mban Khik iek dom KCN tỉnh Bình Dương daok pambuak haong dom jabat chuc nang langyah catang dom bruk doanh nghiep tavak jien bilan ba tal bruk padeih ngak bruk dom harei tapa. Anak meta Cục Thuế Bình Dương brei peih ngak dom harak gal njauk ngak di doanh nghiep Ánh Kim lac sa cổ đông praong di Công ty Hoàng Sinh piah payar jien je lac 23 tỷ đồng piah bayar jien bilan ka urang ngak. Anak tal, Lien doan lao dong tỉnh hu daong ka urang ngak, yaok urang 500 ribau đồng.

Ruak ndaih baoh pak TP.HCM ka oh mboh trun. Jaik abih dom uranaih ruak ka oh hu klauk jru vaccine, dalam nan hu rilo uranaih ruak trak njauk suak yava meng mac. Ini lac bruk njauk caik hatai tuk thun bac bahrau jaik tal. BS.CKII Dư Tuấn Quy, Akaok khoa Njom ruak – glo akaok brei thau, uranaih ruak ndaih baoh daok taong ruak dalam khoa rilo meng lac dalam umo 5-11 saong ka oh hu klauk vaccine. Bruk ini brei mboh, rilo amaik ame ka oh caik hatai njauk tal bruk klauk jru vaccine ka uranaih.

Tui kuhria bilan 9 ini meda peih ngak Harei pataom ilamo dom bangsa Viet Nam hu mbaok di 17 tỉnh, ban. Harei pataom hu angan ieu lac “Khik ramik, patagok ilamo dom bangsa Viet Nam samu gauk, jum pataom, iek praong gauk, ba drei tame saong carok kayua sa dunya sron mbon”. Ini lac bruk hu makna praong piah meyom dom ilamo siam gheih meng kan, khik ramik saong patagok ilamo di bhap bini bangsa takik di Viet Nam dalam bein ilamo ralo janih di bhap bini 54 bangsa Viet Nam.  

Nhật Bản bahrau pabak ikan voi vây – lac janih ikan voi praong ka dua di dunya – tame angan dom janih hu taong mek piah pablei. Nan ye, Nhật Bản lac sa dalam 3 taneh ia cap mek ikan voi piah pablei, gam haong Na Uy saong Iceland, ba ikan voi vay tame angan taong mek hu gam haong ikan voi minke, ikan voi Bryde saong ikan voi sei. Tui gah kaya tasik Nhật Bản, dom janih ikan voi vay hu dalam tasik ginup piah negar ini tagok jalan taong mek 59 ikan voi vay dalam thun ini. Dalam tuk nan, Liên minh dunya ka bruk khik ramik ikan voi vay lac janih mbuan gaok kan kandah abih.

Rayo papar binguk negar Trung Quoc brei thau ka hajan ia sua khang mai meng ribuk Gaemi ngak brei takik di nyu 30 urang metai saong 35 urang lahik di tỉnh Hồ Nam, bhum kreh negar Trung Quốc. Bala meng langik tasik kayua ribuk Gaemi lac ribuk khang abih tuh tame Trung Quốc dalam thun ini, ngak kan kandah tal jaik 90.000 urang, ngak khut labaih 1.400 baoh sang saong labaih 1.300 jalan.

Mexico mboh dom urang ruak COVID-19 tagok khang dalam bilan 7 bahrau blaoh, tui nan abih tih dom urang ruak ini tagok tal 10,217 urang meng di akaok thun 2024, dalam nan hu 411 urang metai. Dom urang ruak COVID-19 tagok khang ngak ka rilo sang iek ruak praong tapa prein oh taduan hu, dalam nan hu 10 sang iek ruak hu dom urang ruak daok taong ruak noi tru daok bak manieng ndih ka urang ruak. Bruk njauk caik hatai nan lac, dom sang iek ruak daok mboh dom urang ruak daok taong ruak jalan suak yava noi tru daok bak manieng ndih ka urang ruak hu rami ramik caik pandap suak yava meng mac.