Var taom gaok hu peih ngak tui jalan taom mbaok gam haong online hu mabok labaih 1.200 cử tri

Page 23/6, Tổng Bí thư Nguyễn Phú Trọng gam haong dom urang QH di Đơn vị ka 1, Kapol urang QH Ban ine Ha Noi hu var taom gaok cử tri dom quận Ba Đình, Đống Đa saong Hai Bà Trưng. Var taom gaok hu peih ngak tui jalan taom mbaok gam haong online hu mabok labaih 1.200 cử tri piah pathau khan bruk ginum biai mbang ka 3 di QH saong javap calei dom panuac tangi suadi cử tri. Brei panuac di var taom gaok, Tổng Bí thư Nguyễn Phú Trọng brei mboh, bruk mereik gauk pacang caga tham nhũng, pambak tame ngak suan hu Đảng drei brei peih ngak gam tanat, anit ranam, njauk hatai, njauk bruk, ngak brei njauk abih hatai urang. 

Dalam vaktu  2015 -2021, taong abih 21 tỉnh, ban bhum gah meraong negar patrun patakik “biên chế’ hu 10,1%. Dang akaok bhum lac Long An, trun hu 20,24%, patui di nan lac Bình Phước trun 19,39%, Tây Ninh trun 18,73%.  Ini lac bruk hu ba tabiak di nyaom biai giao ban bruk dak padang Đảng 21 tỉnh, ban bhum gah meraong negar thun 2022 peih tabiak harei kabroi di TPHCM.  Brei panuac di nyaom biai, amuk Trương Thị Mai – UV Mintri Chính trị - Akaok mBan Tổ chức Trung ương ndom lac, bruk di menuac ngak mBan tổ chức lac biak praong, biak rilo, brei hu bruk tani tanat, ngak catang saong siam lagaih. Menuac ngak công tác cán bộ brei sami samar, maong mboh atah, kayua lac, meyah bruk tham mưu oh tantu, kein lagaih oh glaong, oh khik kajap hukum di Đảng ye takik rilo jeng caik veik kan kandah, oh siam. 

UB bhap bini tỉnh Cà Mau brei taduan angan xã Tân Dân, huyện Đầm Dơi hu tanut chuan palei pala birau paglong. Ini lac xã akaok meti di tỉnh Cà Mau hu ginup 13 tanut padang ngak palei pala birau  paglong tui bruk ba tabiak. Thun 2014, xã Tân Dân taduan hu angan xã palei pala birau akaok meti di tỉnh Cà Mau. Urak ini, taong abih sang bac dalam xã mek hu tanut chuan negar; baoh sang mbiah, kaya meda meblah 90%, oh daok baoh sang halei kathaot; jalan mbak nao mai lagaih, pambuak dom puk palei, ba mbuan lagaih dalam bruk palei salih, jhul pakhang patagok bruk ngak kinh tế; jien mek tame yaok tui akok manuac  sumu 61 trieu đồng sa urang sa thun…

Meng mon 2 jala pandiak harei 23/6 tal abih bilan, cao tốc Trung Lương - Mỹ Thuận brei mek jien nao tapa hadei di jaik 2 bilan jalan hu peih brei ka radaih nao mai. Dalam tukvak peih ngak iek, dom radaih tauk thẻ ETC, tài khoản ginup jien bayar ye hu nao tame taong abih jalan thu phí, jamriak pasang iek saong barier nyu tự động peih brei nao tapa, oh kaoh jien. Meyah thẻ tauk angaok radaih oh pambuak hu haong trạm, menuac ngak di labik thu phí nan yar thẻ piah radaih nduac tame cao tốc. Urang dang akaok Công ty CP BOT Trung Lương - Mỹ Thuận brei thau, bruk thu phí piah taong yaom dom tanut ka dom thiết bị, pasiam ilamu ngak bruk di menuac ngak di dom trạm.

Viện Kiểm sát bhap bini Ban raya HCM brei dui atah veik bruk chap kareik 2 bilan tra ngan haong muk bà Nguyễn Phương Hằng, umo 51 thun, dok di  Ban raya HCM, Tong Yam doc Công ty cổ phần Đại Nam tui bruk ba tabiak di Jabat Cảnh sát pasang iek Công an Ban raya HCM. Dahlau di nan, harei 24-3, Công an Ban raya HCM ba tabiak langyah, brei adat chap khik 3 bilan ngan haong muk Nguyễn Phương Hằng ka bruk pambak tame quyền tự do dân chủ ngak suan ka kein laba di Karja, quyền, lợi ích di kapol nyaom, urang hu ba tabiak di paka 331 Hukum Hình sự. Dalam bruk hu pambak tal, Công an Ban raya HCM hu taduan đơn pathau  di muk Nguyễn Thị Mỹ Oanh (ca sĩ Vy Oanh) saong muk Đặng Thị Hàn Ni brei langyah ong Đặng Anh Quân, êkip di muk Phương Hằng, kayua daong prein ka muk Hằng, ndem saoh, ngak jhak tal angan je rilo urang.

Hãng tin Reuters harei kabroi (23/6) brei thau, Mỹ kuhria lac tuk puac biar harei 23/6 (tui mon pak nan) lac harei ini tui mon Việt Nam, Mỹ meda brei thau pok jien daong quân sự patui gac yaom 450 triệu đô la Mỹ brei ka Ukraine, dalam nan hu 4 Hệ thống Tên lửa Pháo binh Cơ động glaong. Hệ thống Tên lửa ini, lac janih cuh nao atah, biak khang, lagaih piah cuh tal dom tên lửa Nga daok pandar di Donbas, bo Kyiv caong lac meda tabaleik veik hu bruk di urak ini dalam bruk mesruh haong Nga .

Pablei kaya mbang menyum tabiak negar langiu di Thái Lan hu 324 tỷ baht ( sumu 9,13 tỷ USD) dalam quý akaok thun ini. Dalam nan, dom pandap cong nghiep mek hu 187 tỷ baht, tagok 40,5% dut saong tukvak ini thun dahlau, dalam tuk dom pandap kaya nong meblah 138 tỷ baht, tagok 10%. Dom urang ilamu mboh lac, gah cong nghiep ngak tabiak pandap mbang Thái Lan meda hu mbang laba tui bruk rah tabiak yau urak ini,  tuk rilo taneh ia dak harei dak huac kurang pandap ngak brei dom đơn blei pandap di Thái Lan tagok rilo.  

Rajaei Nam Phi brei klaak taong abih dom bruk pacang veik atau brei takik ngak kayua jit Covid-19. Tui nan, dom adat hu klaak lac: oh pacap cuk pataih pacang mbaok di yaok labik saong di mangaok dom radaih công cộng, oh pacang bruk pataom rilo menuac saong oh ieu tuai du lịch dunya tame Nam Phi yar harak brei thau lac hu klauk bloh jru atau dut iek COVID âm tính. Nam Phi lac taneh ia hu menuac njauk ruak saong metai kayua Covid-19 rilo abih dalam châu Phi, ngan saong jaik 4 triệu urang njauk ruak saong labaih 101.000 urang metai./.

Urang lang: M. Phương & Bhumi – 24/06