Akok QH Vương Đình Huệ brei panuac saong gam haong dom Phaok Akok QH salih gauk tacei ba asal kadha di mbang nyaom

Page ini 10/3, di Sang Quốc hội, Mbang nyaom ka 9 di UBTV QH hu peih tabiak. Mbang nyaom hu peih ngak dua mbang: Mbang ka sa peih tabiak meng harei 10 – 16/3/2022; Mbang ka dua meng harei 22-25/3/2022. Akok QH Vương Đình Huệ hu mbaok, brei panuac saong gam haong dom Phaok Akok QH salih gauk tacei ba asal kadha di mbang nyaom. Njauk caik hatai, di mbang nyaom nan, UBTV Quốc hội meda hu bruk tangi sua dua urang di Rajaei lac Akok Mentri  Công Thương Nguyễn Hồng Diên saong Akok mentri Tài nguyên saong Môi trường Trần Hồng Hà ngan saong rilo bruk daok pandiak, dalam nan lac yaom xăng menyek, yaom taneh…Mbang tangi sua meda hu peih tabiak di Sang QH saong hu online haong 63 Kapol urang QH di dom tỉnh, ban di trung ương.

Pagam tal bruk khik iek rahra di Ukraine, hadei di mbang par ba  287 rahra meng  Romania mai palei  dalam harei 8/3, mbang par ka 2 kayua  Hãng kapan haoh  Bamboo Airways ba 270 rahra drei meng  Ba Lan mai veik taneh ia  hu par trun di mblang kapan haoh  dunya  Nội Bài tuk mon  6  mesup ni . Urak ni, di  Romania dok hu labaih  400 urang song di  Ba Lan hu labaih  700 urang tut angan cong khin mai palei  . Kuhria tal urak ni , dom jabat lambaok  hu raok jiak  4.000 urang Việt hu ba tabiak truh  labik mesruh gauk di  Ukraine

Tapa pasang iek bruk jit ruak Covid-19 dalam tỉnh, UB bhap bini tỉnh Long An anak meta brei adat ka dom urang F0 oh mboh ruah saong F1, lac urang jakar ngak praong pan akok, công chức, viên chức, urang ngak hu nao tal jabat ngak bruk meyah khin nao ngak. Yau nan min, dom urang nan brei hu bruk njauk hatai di urang dang akok jabat, hu pandar ka dom bruk hu makna praong saong samar drah di đơn vị, D.N. Urak dom D.N di Long An daok kurang urang ngak, meyah oh pabak sumu meda oh ngak salah dom harak pambuak bruk jao pandap ka gah blei.

Cục Cảnh sát duah thau tội phạm gah  tham nhũng, kinh tế, buôn lậu (C03) – Mintri Công an dok pasang iek duah thau  bruk bayar jien dong ka bhap bini njauk kan kandah kayua jit Covid-19 di TP.HCM. Piah duh ka bruk duah thau, C03 ieu  UBND TP.HCM pabak harak gar ka bruk peih ngak sarak, duh ka bruk pacang caga jit Covid-19 dalam ban; bruk pasang iek ngan song bruk peih ngak sarak, sarak dong ka urang njauk kan kandah song dom bruk ngak suan hu duah mboh, bruk langyah. Dom harak gar bo TP.HCM pabak ka C03 brei hu đóng dấu treo song sao y.

Pandiak bhang tua riya tukvak tapa ngak ka taneh glai tràm U Minh Hạ, tỉnh Cà Mau thu lagu samar.Urak ini, dom taneh glai salih tapa tanut biak mbuan khuah. Puac bilan 2 meng blaoh, jaik 400 ha glai salih tapa tanut mbuan khuah pakat 4. Dom glai mbuan khuah tagok glong rilo meng daok di xã Trần Hợi saong Khánh Bình Tây Bắc di huyện Trần Văn Thời. Jabat chức năng hu peih ngak dom jalan pacang khuah padam khuah tal po glai saong karja dom palei. Gam haong bruk pataom tame pathau khan piah bhap bini paglong jalan sahaneng  khik iek glai, ye bruk khik iek pacang khuah, padam khuah galai hu peih tabiak luac harei melam.

Mesup ni (10/3), ứng cử viên Yoon Suk-yeol di đảng Sức mạnh  Quốc dân (PPP), lac gah đối lập di Hàn Quốc mek hu jayah dalam mbang palih ruah  Tổng thống mbang ka  20 di taneh ia ni. Dalam harak ndom puac uan jayah , ong Yoon Suk-yeol hu panuac sinya iek praong Hukum Negar song Quốc hội, gam song nan brei thau lac meda ngak bruk song dom đảng phái chính trị piah pambuak pagam chính trị phân cực di  Hàn Quốc song jhul pakhang bruk jum pataom gauk. Ong ieu bruyk jayah di ong harei ni lac jayah di bhap bini Hàn Quốc. Meng di tuk  Hàn Quốc duah tabiak  Tổng thống bahrau Rajaei Mỹ - đồng minh ka  1 di  Hàn Quốc samar tadhau yhut.

Mentri QP Nga brei thau sa harak tài liệu kandauk di bol lin Ucraina, dalam nan hu bruk taong tame labik ndok ly khai Donbass dalam bilan 3 ini hu ba tabiak dahlau tik Nga peih bruk quân sự đặc biệt. Urang brei panuac  di Mentri QP Nga ndem lac, meng thun 2016, lin Ucraina hu Mỹ saong Anh pato pasram tui danak dak di NATO. Saong bruk quân sự đặc biệt  di Nga hu taong pacang Ucraine taong tame dom taneh ia cộng hòa tự xưng di Donbass.

Ong David Bennett,  umo 57 thun, urang hu pagam boh hatai pabui camereip di dunya,  metai 2 bilan hadei di mbang blai draih. Ong Bennett dahlau deih njauk ruak boh hatai tuk vak puac abih, mboh lac oh ginup asal kadha piah pagam boh hatai meng kan song jeng urang camereip hu pagam sa boh hatai pabui biến đổi gien di harei 07/01./.

Urang lang: Hani Pha – Bhumi – 10/03