Bruk ba tabiak hukum piah ramik veik bruk salih giới tính piah ngak brei cambaic laic bruk ba tabiak  di Paka 37 di Hukum Dân sự, pabak tui bruk rah tabiak di sa nyaom urang dalam xa hoi, brei salih gio tinh tui bruk ba tabiak di hukum piah diukrai njauk haong gioi tinh di drei. Jeng dalam harei ini, UBTVQH brei panuac ka harak pathau khan ka bruk pasang iek, yaok pataom kadung jien karja thun 2021 saong dự thảo Sarak di QH ka bruk ngak iek dom jalan, sarak đặc thù patagok Ban raya HCM.

Dalam Ginum biai pakat bhum “Jalan cakrok KTXH khang kajap ka bhap bini bangsa takik daok di bhum ĐBSCL” peih tabiak di harei 11/5, urang hu ba tabiak rilo makna piah mboh lac bhum bangsa takik di ĐBSCL jeng oh ka tabiak truh hu kan kathaot khang kajap, dalam nan menuac ngak hu ilamu glaong jeng oh ka hu rilo. Gam haong nan, hu panuac ieu patagok chất lượng bruk patao bruk ngak… Tui amuk Trương Thị Ngọc Ánh, Phaok akaok UB Trung ương MTTQ Việt Nam, piah ka bhum bangsa takik di ĐBSCL cakrok khang kajap, brei hu jalan paglaong raidiuk bhap bini tapa bruk ngak du lịch, ngak nong lagaih haong taneh riya, jalan patagok glaong di abih ilamu meng kan di yaok bangsa.

Tukvak ka dom anek saih tal 12 tut angan pakacah tamat THPT thun 2023 meda tamat di mong 17 tuk harei paguh 13/5. Sa dalam dom labik mbuan ngak ka anek saih meluh nan lac bruk tut angan pakacah mon Ngoại ngữ. Mentri Pato megru hu ba tabiak dom bruk anek saih hu mien pakacah Ngoai ngu dalam pasang tanut tamat bac, min  ngan haong dom anek saih  pandar tanut pakacah ngoai ngu  piah palih ruah tame đại học, cao đẳng gah pato pakai mầm non ye njauk brei tut angan pakacah. Mentri Pato megru kakei lac,  hadei tuk tut angan pakacah hu salah, dom anek saih njauk brei pasang iek cambaic laic khaw tin di drei piah samar brei thau dom kurang, labik suan chung meyah hu tagok angaok He thong khik iek pakacah.

UBND TP.HCM bahrau pasang iek, brei adat ka angan tapuk pato bac tui jalan peih ngak danak dak pato pakai phổ thông 2018 ngan haong dom tal bac 4, 8 saong 11 di dalam ban, meng thun bac 2023-2024. Ngan haong angan dom tapuk pato bac tal bac 4 hu brei adat, hu 27 bộ tapuk, tapuk pato bac tal bac 8 hu 36 bộ tapuk di 11 môn. Tal bac 11 hu 62 bộ tapuk di 15 môn. Sở Pato Megru ban raya meda pataom iek veik angan tapuk dom sang bac pilih ruah, ba brei ka Hội đồng pilih ruah tapuk pato bac di puk palei, daong ka UBND pilih ruah tapuk ka nyu lagaih.

Tui Pasak Pasang iek ruak kik tỉnh Đồng Nai, meng kok thun 2023 mbiah tal ini, Đồng Nai hu 1.376 mbang urang njom ruak pandiak tabiak darah, dalam nan hu 2 urang metai. Urak ini, di gah meraong negar daok yam tame bilan hajan. Ini lac tuk langik lagaih ka jamoh caih mebaoh, patagok yau nan  ye jit SXH mbuan tamuh ruak. Yau nan ye, bhap bini njauk brei ramik labik jamoh oh brei caik manek: brei ramik hacih  sang danaok, ramik labik vin taom dar, pametai  lang quang, jamih piah caga ruak; bhian rao hacih pandap padang ia, thaik klak ia kandong di dom pandap oh hu pandar…

Phaok Cảnh sát trưởng negar Thái Lan brei thau, Cảnh sát Hoàng gia Thái Lan meda ba tabiak labaih 90 rabau urang canh sat piah khik kajap sron mbon, salamat dalam luac tukvak peih bruk Tổng tuyển cử di harei 14/5 di dalam taneh ia. Tui adat bầu cử, dom đảng tok daok hu harei ini 12/5 piah ngak dom bruk jak ba urang pilih ruah ka drei mbang puac abih dahlau di tuk chính trường Thái Lan joa kandang dalam harei 13/5.  

Tui kuhria mboh dahlau nhiệt độ di jaik abih labik di Trung Quốc bilan he ini meda tagok glong, di dom labik meda hu dom mbang pandiak glong hu tukvak di nyu. Pandiak dui atah ba tal bruk pabak nang luong daok rilo kan kandah saong bruk pabak sumu  điện dalam negar  catang tagok, abih di nyu nan lac bruk pandar điện tuk tabung glong. Thun dahlau, mbang pandiak catang  rah tabiak di labik kraong Trường Giang ngak brei ia di dom kraong trun biar abih ba tal kurang điện biak trak.

Gah Y tế Dunya (WHO) tabiak panuac lac, ruak đậu mùa khỉ oh daok lac bruk drah samar di dunya, hadei di labaih 1 thun khik bruk  cảnh báo glaong ka jit ruak ini. Đậu mùa khỉ lac ruak hu mboh di bhum châu Phi, min dalam thun 2022, dom urang njauk ruak di bhum châu Âu tagok biak rilo, ngak brei gah Y tế dunya tabiak bruk samar drah di dunya ka ruak đậu mùa khỉ di bilan 7 thun 2022. Tui pathau khan bahrau abih di gah Y tế dunya, hu labaih 87 rabau urang ruak đậu mùa khỉ di dunya meng akok thun 2022 tal harei 8/5 thun ini./.