Patui danak dak mbang nyaom 25, page ini 17/8, UBTVQH brei panuac ka Hukum Bảo hiểm xã hội (pasiam veik). Dom asar kadha hu makna di Hukum peih praong ka rilo urang hu blei bảo hiểm bắt buộc. Jeng dalam harei ini, UBTVQH pang pathau khan bruk tui iek tuk camereip kadha di QH ka “Bruk peih ngak dom sarak di QH ka Danak dak pakat negar padang ngak palei pala birau  vaktu 2021 -2025, trun kathaot khang kajap vaktu 2021-2025, patagok bruk ngak mbang kinh te- xa hoi bhum urang bangsa takik saong bhum ceik vaktu 2021 -2030”.

Urang dang angan Akaok kadung jien pachreih bac Phạm Văn Trà di tỉnh Hậu Giang, bahrau jao jien bac meng Kadung jien pachreih bac ini brei ka anek saih sang kan kathaot, jaik si kan kathaot dalam tỉnh. Mbang ini, Kadung jien pachreih bac Phạm Văn Trà hu jao pok jien bac yaom 1,4 tỷ đồng brei ka 1.825 anek saih sang kan kandah, yaok pok yaom 750.000 đồng, tapa nan, daok hu daong pachreih ba, pabak prein khang, daong ka dom adei hu khang hatai jia tame raidiuk, khang takai yam angaok jalan bac da-a.

Danak jalan cao tốc Biên Hòa - Vũng Tàu vaktu ka 1 tapa tỉnh Đồng Nai atah labaih 34 km, hu parabha jeng dua binah. Mbiah tal ini, gah chức năng hu ngak salah blaoh bruk yaok pataom labaih 31% taneh njauk mek veik. Ngan haong danak dak binah ka 2, hu labaih 15% taneh hu yaok kuhria. Ngan haong bruk padang ngak dom labik tái định cư, urak ini dalam 4 labik tái định cư  duh ka danak dak birau  min tok hu sa labik tái định cư di xã Long Đức, huyen Long Thành hu peih tabiak ngak min bruk padang ngak biak suai damuai.  Bruk suai damuai yau nan, tal abih thun ini dom labik tái định cư  ngak oh ka salah, ba tal oh hu labik daok brei ka urang tái định cư.  

Thun ini, TP Hồ Chí Minh hu ilo labik glut jaleih bharau, oh ka daok dalam angan lac labik glut jaleih hu khan brei thau dahlau di nan. Dalam nan hu 2 bruk glut jaleih biak khang di takai kraong gah ieu kraong Lá - Tắc Tây Đen, huyện Cần Giờ, glut jaleih atah rah tui kraong jaik 12m, mbang dalam tame jaik 2m. Dahlau di nan, bruk glut jaleih rah tabiak di labik ar pacang takai kraong Thanh Đa, quận Bình Thạnh ngak ka jalan nao takai glut jaleih atah jaik 120m, ngak kan kandah tapak tal raidiuk di 15 baoh sang. Thun bloh, TP Hồ Chí Minh brei thau lac hu 32 labik glut jaleih takai kraong, ribaong. Dalam nan hu 8 labik glut jaleih khang.

Dalam 7 bilan akok thun ini, Ban Cần Thơ rah tabiak 34 mbang glut jaleih taneh ar kraong, ngak 2 urang njauk rambuac, ngak jaleih abih 8 baoh sang, jaleih meneing  saong khut, mbaih mbaoh khang 19 baoh sang, kuhria taong abih atah jaik 2.000m. Di Cần Thơ hu labaih 9.000 baoh sang gaok kan kandah meng bruk glut jaleih, ban hu panduan, tái định cư ka 3.000 sang, daok veik hadom daok hu ba tabiak truh  dom labik glut jaleih, mbuan glut jaleih tui bruk ba tabiak lac meng ini tal thun 2030.

Akaok Quốc hội Thái Lan brei thau, meda ieu pataom sa mbang nyaom haong gauk di Hạ viện saong Thượng viện di harei 22/8 tal piah pilih ruah pok ngak Thủ tướng bahrau. Harei pilih ruah Thủ tướng bahrau hu tacei lac hadei di tuk Tòa án Hiến pháp Thái Lan tah klaak harak đơn di jabat Thanh tra ieu likau pasang iek bruk njauk hukum negar halei oh di sa sarak Quốc hội oh brei ong Pita Limjaroenrat hu ba angan tabiak veik piah pilih ruah ngak  Thủ tướng. Akaok Quốc hội taneh ia ini jeng brei thau lac meda ieu kapul pháp lý pasang iek cambaih laih sarak di Tòa án saong meda ginum biai bruk ini haong Hạ viện saong Thượng viện di biar harei ini 17/8.

Tui bruk ba tabiak di gah jien padai thun 2024, Rajaei Indonesia brei parabha 40 ribau tỷ rupi, sumu labaih 2,7 tỷ đo la Mỹ  piah padang ngak ban ine birau. Dalam nan hu 35 ribau tỷ rupi piah padang ngak danak dak công cộng saong sang ngak bruk ka dom jabat karja meda salah di thun 2024. Tui kuhria mboh dahlau, dom jabat rajaei brei ramik mai ngak bruk di ban ine birau di thun anak.

Cảnh sát Mianma brei thau, hadei di 3 harei duah, gah chức năng hu duah mboh 33 urang metai dalam bruk glut jaleih di sa mỏ ngọc bích di bang Kachin gah barak taneh ia ini. Urak ini, cảnh sát brei thau lac oh ka thau cambaih hu hadom menuac lahik, min mboh lac menuac lahik daok hu rilo jang. Menuac sia dalam palei khan lac hu 36 urang lahik. Bruk daong, duah urang lahik daok hu patui veik di harei ini./.