Page ini 18/7, di TPHCM, Thủ tướng Phạm Minh Chính mai hu mbaok saong dang akaok nyaom biai Hoi dong pambuak bhum Đông Nam Bộ. Di nyaom biai, Akok Mentri, Chu nhiem Jabat Rajaei Trần Văn Sơn brei thau Sarak di Thủ tướng Rajaei  ka bruk padang Hoi dong pambuak bhum ĐNB. Hoi dong ini hu padang tabiak  piah  salih birau bruk pambuak  bhum, jhul bruk patagok KT-XH di bhum cakrok samar, khang kajap, khik caga alam moi truong saong khik kajap an ninh quoc phong. Hoi dong ngak bruk daong ka  Thu tuong roh duah, tacei pato, rami ramik, langyah bruk hu makna praong, pambuak dom gah ka bruk pambuak bhum, patagok khang kajap bhum ĐNB.

Hadei di tuk brei thau ka điểm di mbang pakacah tamat THPT thun 2023 di labaih 1 triệu urang pakacah, Mintri Pato Megru hu khan brei thau điểm pakacah dom môn dalam mbang pakacah ini. Dalam nan, môn sap Anh hu điểm kuhria rah tapa biar abih dalam dom môn pakacah, lac 5.45 điểm, tui nan, điểm hu rilo anek saih mek hu di abih lac 4.2 điểm. Môn Giáo dục công dân hu điểm kuhria rah tapa glaong di abih, lac 8,29 điểm.  Môn pakacah hu điểm pakacah glaong ka 2 di mbang pakacah ini, lac Ngữ văn, haong điểm kuhria rah tapa lac 6.86 điểm. Hu 92 anek saih njauk điểm liệt, tok hu 1 anek saih mek hu điểm 10.

Piah khik hu siam, salamat angaok jalan mbak dalam tukvak birau, UBND TPHCM brei thau meda pasang iek, langyah bruk ngak di urang dang akok dom đơn vị, bhum palei meyah  caik rah tabiak bruk sraw kadau bala angaok jalan mbak. Abih di  nyu, UBND ban raya pakauk bruk brei panuac, ba tangin tame ngak brei salih asal langyah bruk suan hukum ka jalan mbak di dom jabat chuc nang; pakauk  bruk iek lap, klaak tapa bruk langyah ngak suan. TPHCM jeng pasiam dom labik mbuan hu bala, labik mbuan ba tal bala  angaok jalan mbak.

Piah daong ka urang kan kathaot trun meneing kan kandah, sahnang hatai ngak mbang, pala drak, yam tagok tabiak truh kan kathaot khang kajap, UBND tỉnh Trà Vinh brei daong taong abih yaom jien blei BHYT dalam 6 bilan ka labaih 9.200 urang sang kathaot bahrau tabiak truh kathaot thun 2022. Dalam thun 2022, Trà Vinh ieu pataom abih tih phun jien labaih 1.250 tỷ đồng piah peih ngak dom danak dak, sarak patrun kathaot. Meng nan, tỉnh trun hu 4.803 baoh sang kathaot tui tanut kathaot rilo gah, dalam nan hu labaih 3.200 sang bangsa Khmer.

Đồng Tháp kham merat tal 2025 taneh pala phun mbang baoh tagok labaih 46.400 ha, brei paik baoh labaih 460.000 tấn saong taneh pala phun mbang baoh hữu cơ labaih 500 ha. Piah ngak hu bruk nan, Đồng Tháp brei patagok phun mbang baoh hu pala lagaih ralo tui jalan pataom salabik, salamat saong khang kajap, brei rilo baoh, chat luong saong brei jien mek tame ralo, lagaih haong darak pasar saong patagok jien mek tame ka urang pala. Tui nan, plaik bruk jak gauk pala ralo, kurang pasang iek, pala mblah tui gauk ba tal pablei oh abih, kandaong labaih rilo, yaom pablei lap; pambuak bhum pala saong D.N piah tani tanat bruk pablei  tabiak saong paglong yaom kaya nong  pambuak saong rami ramik  gah ngak nong.

Dom menuac metai kayua ia dauk ia sua dom harei tapa di Hàn Quốc tagok tal 50 urang. Di jalan lubang Osong di pasak ban Cheongju ia dauk meng harei 15/07 tuk sa baoh kraong jaik nan ia tagok glaong nduac khang tame hadei di mbang hajan praong dui atah, ngak brei 14 urang metai. Mbang ia dauk ia sua ini ngak ka jaik 11 rabau rahra Hàn Quốc klaak sang nao daok di labik karei plaih di bala. Tổng thống Hàn Quốc hu panuac ieu ngak pasiam hệ thống pacang caga bala praong pakat negar, piah plaih metai lahik meng dom bala praong di harei hadei.

Tui Danak dak Luong thuc Dunya di LHQ, Afghanistan daok peih bruk parabha pandap daong ka bhap bini taneh ia ini, daok kurang dom pandap mbang yaok harei. Pandap  daong dalam nan hu bột mì, đậu Hà Lan, menyek mbang saong sara, ​​ daong ka labaih 70.000 bhap bini Afghanistan. Tui Danak dak Luong thuc Dunya meng bilan 6 thun ini, 15,3 trieu urang di Afghanistan hu kuhria mboh dahlau meda rah tabiak kurang pandap mbang biak trak meng bilan 6 tal bilan 10 thun ini./.

Bruk pachreih tui xổ số daok mboh bak grauk labik di taneh ia Mỹ tuk menuac urang ba gauk dang tui taok gauk blei harak vé Powerball haong hatai caong ba mai sang giải độc đắc yaom 900 triệu USD di melam ini (18/7). Meyah njauk giải, urang blei meda taduan mek jien mbaok sa mbang blaoh hadei di kak je lac 465 triệu đô la, daok meyah taduan mek dalam 30 thun, meda mek hu ginup yaom jien di giải. Tui Powerball, 900 triệu USD lac yaom jien biak praong, min nyu tok lac giải thưởng praong ka 3 dalam sajarah giải saong lac giải thưởng praong ka 7 dalam bruk xổ số Mỹ meng kan mai./.