Page ini 4/11, QH patui veik danak dak tangi sua saong javap calei di Mbang nyaom ka 4. Hadei di panuac calei di Akok mentri Mentri Padang ngak Nguyễn Thanh Nghị, Akok mentri Thông tin truyền thông Nguyễn Mạnh Hùng calei ka bruk pandar công nghệ thông tin dalam bruk khik ramik karja, padang Rajaei số, karja số. Bruk padang ngak, pambuak pagam, klak rabha, pandar dom cơ sở dữ liệu negar. Biar harei, Akok mentri Nội vụ Phạm Thị Thanh Trà tabiak calei dom nyaom kadha tangi sua dalam bruk nội vụ. Nan lac bruk rami ramik bộ máy, ngak brei takik biên chế, ramik veik dom đơn vị sự nghiệp karja, padang ngak hệ thống bruk ngak gam haong rami ramik veik dom urang jakar, công chức, viên chức…

Ủy mban khik ramik phun jien kanja di doanh nghiệp njauk gauk haong Mintri jalan mbak pajeng ba pathau khan Thủ tướng bruk peih praong jalan cao tốc TP.HCM - Long Thành - Dầu Giây praong meng 8 tal 10 jalan radaih. Abih tih jien buh tame danak dak peih praong jalan cao tốc ini lac 14.786 tỉ đồng (ka oh kuhria gam jien laba dalam tuk padang ngak). Tui kuhria tukvak peih ngak danak dak meng quý 4 thun ini tal quý 1 thun 2026.

Liên đoàn Lao động tỉnh An Giang pambuak haong Sở Lao động, Thương binh saong XH tỉnh birau peih bruk pok meyaom “ D.N daong urang ngak” thun ini. 39 D.N hu pok meyaom jeng lac dom D.N peih ngak siam sarak, hukum ngak bruk, hukum công đoàn saong hu rilo jalan ngak, bruk ngak lagiah piah sangka siam raidiuk urang ngak, jeng yau khik tani tanat bruk pacang caga jit ruak di D.N.

Kayua gaok kan kandah di darak pasa dunya, meng quý 3 tal urak ini dom doanh nghiệp di Đồng Nai trun 20%-30% đơn hàng ngak ka rilo urang ngak haduh hatai huac lahik bruk. Min dom doanh nghiệp brei thau lac oh cakak trun urang ngak. Ndom ka bruk sangka Tết ka urang ngak, langiu pandap di công ty, rilo Công đoàn cơ sở meda alin ka yaok urang ngak meng 300.000-500.000 đồng sa paok, peih harei mbang tất niên, bốc thăm hu thuong saong harei pataom mbaok urang ngak di puac thun.

Mentri Công an hu panuac tamat bruk pasang iek kayua halei ba tal apui khuah ngak brei 32 urang metai di labik daoh karaoke An Phú di ban Thuận An, tỉnh Bình Dương di harei 6/9 meng blaoh. Tui nan, bruk ba tal apui khuah kayua talei điện angaok laphông dui tapa anak bilik daoh 204, bilik 206 chập điện. Meng ini, apui khuah pambak praong tabiak dom gah, ngak brei khuah tagok khang di dom bilik karaoke tal 2 saong khuah tagok tal klau. 32 urang metai kayua mblung khí CO, CO2; khuah kandung apui.

Campuchia brei labaih 12.000 urang an ninh hu mbaok piah khik sron mbon ka Nyaom biai pakat glaong Hiệp hội dom taneh ia Đông Nam Á (ASEAN) mbang ka 40 saong 41, jang yau dom nyaom biai pambuak tal hu peih tabiak meng harei 11-13/11 anak tal di ban ine Phnom Penh. Phó akaok Tổng cục Cảnh sát negar Campuchia brei thau, sron mbon lac bruk praong dang akaok ngan haong Campuchia saong taneh ia kham marat abih drei piah khik ka dom mbang nyaom pakat glaong anak tal di ASEAN hu peih tabiak dalam siam mekre saong jak jeng.

Hãng jru Pfizer di Mỹ haong BioNTech di Đức brei thau lac meda ngak iek 1 janih vaccine pambuak hoang pacang ruak COVID-19 saong cúm. Vaktu ka 1di bruk ngak iek meda peih ngak di 180 urang halian hatian umo meng 18 tal 64 di Mỹ. Urang dang akaok gah roh duah saong patagok vaccine di Pfizer brei thau, vaccine pambuak gauk nan meda mbuan mbiah dom bruk klauk jru tapa nan pachreih bhap bini klauk jru piah pacang plaih dua janih ruak.

Cảnh sát Nam Phi bahrau duah mboh 21 rup tau hu brei thau lac dom thợ mỏ tame negar suan hukum, jaik sa labik mỏ daok ngak di ban sit Krugersdorp, gah Pai ban Johannesburg di taneh ia ini. Urak ini cảnh sát daok duah thau bruk ini. Bruk ngak mỏ suan hukum hu mboh ralo di Nam Phi. Dom kol ngak mỏ suan hukum bhian hu phao ndao saong peih dom bruk mesuh meblah mek labik ngak ba tal haok bak darah./.

Urang lang: Thu Thảo & Bhumi