Page ini, di Sang QH hu peih pakak Nyaom bai urang QH ngak bruk chuyen trach. Peih tabiak dalam 3 harei, Nyaom biai meda ginum biai 7 danak dak  piah UBTVQH patui ngak brei salah, siam abih pok tagok  QH di Mbang nyaom ka 5 anak tal. Tui kuhria, Mbang nyaom ka 5, QH mbang 15 meda peih tabiak di puac bilan 5 anak tal hu dom asar kadha praong dalam ka bruk ngak hukum. Ngan haong bruk caga tani tanat, hadei di tuk tamat  Mbang nyaom ka 4, UBTVQH tacei ba dom jabat pan akaok pasang iek pambuak haong jabat karei samar pataom iek, brei ngak catang bruk langyah, taduan panuac di dom urang QH; peih rilo mbang duah thau bruk rah tabiak, peih nyaom biai, ginum biai duah thau hatai sahaneng piah ngak salah dom danak dak  hukum hu QH brei tapa blaoh.

Kapul ngak bruk di Hội Đồng Bangsa Quốc hội saong Ủy ban Bangsa hu nao rivang, tadhau ayuh Tết Chôl Chnăm Thmây mikva Khmer di Trà Vinh. Di dom labik kapul nao rivang, ong Y Thanh Hà Niê Kđăm, Akaok Hội đồng bangsa Quốc hội caong dom urang Hòa thượng, Thượng tọa, Đại đức patui veik patagok bruk ngak di drei piah ngak brei khang kajap jang talei jumpataom  bangsa, jak ba mikva patui veik patagok talei talei jum pataom bangsa, jak ba phật tử sangka bruk pala drak, patagok jien mek tame, paglaong raidiuk, jhul khang bruk pathay khan jalan ngak di Đảng, dom adat hukum, ngak habar piah ka rahra, agama ngak njauk tui adat hukum, njauk haong hatai caong di Kanja pháp quyền xã hội chủ nghĩa.

Mikva daok di puk Phú Thành A, xã Phú Tâm, huyện Châu Thành, tỉnh Sóc Trăng hu bruk bui sambai jang tuk klau baoh tatua palei pala hu ba tame pandar njauk di tuk Tet Chôl Chnăm Thmây. Klau baoh tatua palei pala hu daong ka jalan dalam puk Phú Thành A tabiak jalan praong di xã Phú Tâm hu pambuak pagam, ba mbuan lagaih dalam bruk nao mai saong pajeng ba pandap panda di dom baoh sang kan kathaot di bhum palei pala. Tapa bruk ini, danak dak Tatua pambuak anit ranam hu jao brei 30 paok pandap tal dom baoh sang kan kandah saong sang sarak karja di puk Phú Thành A, xã Phú Tâm, huyện Châu Thành.

Sở Nội vụ TP.HCM bahrau pathau khan UBND TP.HCM ka bruk peih ngak iek pakacah pilih ruah urang par akaok, urang khik ramik pakat bilik saong samu nan di dom jabat, kapul di dalam ban. Tui nan, dalam thun 2022, TP.HCM caong pilih ruah 16 urang par akaok, khik ramik di 7 kapul. Dalam mbang camriep peih ngak pilih ruah iek urang par akaok, khik ramik di 7 kapul. Dalam mbang pilih ruah ngak iek urang par akaok, urang khik ramik, ngan haong rilo labik hu biak rilo urang tut angan tame min jeng hu dom labik biak takik manuac saong hu labik oh hu urang halei tut angan tame. TP Hồ Chí Minh caong lac bruk pilih ruah urang par akaok, urang khik ramik daong pachreih urang jakar, công chức, viên chức chreih chrai pakacah gauk, patagok prein khang. Gam tui di nan, pilih ruah hu dom urang hu hatai siam, naih joi rik tame bruk cak rok patagok di dalam ban.

Biar harei sup 4/4, kayua langik hajan khang gam hu hangin gaving ngak ka phun kayau di angaok jalan dalam khu pho 2, phường Mỹ Phước, ban sit Bến Cát, tỉnh Bình Dương jaleih kateik tagok jalan talei điện 3 pha, ngak brei talei điện catang, klaoh saong laik trun jalan, ngak ka 3 urang dalam sa baoh sang metai. Urak ini, jabat Kong an daok pasang iek ngak brei cambaic laic bruk nan. UBMTTQ Viet  Nam tỉnh Bình Dương hu daong baoh sang 30 trieu đồng, bna sit Bến Cát  daong 30 trieu dong saong phường Mỹ Phước 10 trieu đồng piah baoh sang kuhria ngak ndam metai.  

Mintri pablei salih Trung Quốc brei mboh hatai suh sah ka bruk Nhật Bản brei patakik bruk pablei tabiak dom pandap panda pandar dalam bruk ngak con chíp tapa Trung Quốc. Mintri pablei salih Trung Quốc ndom cambaih, ini lac bruk ngak oh lagaih. Trung Quốc hu panuac ieu Nhật Bản klaak bruk nan Mintri pablei salih Trung Quốc jeng brei thau lac, taneh ia ini meda peih ngak dom bruk ngak biak catang piah khik ramik quyen saong kein laba di taneh ia dalam tuk Nhật Bản daok peih ngak bruk ini. Dalam tuk bruk mesuh gauk gah công nghệ daok rahtabiak biak sarau kadhau di Mỹ saong Trung Quốc, Nhật Bản brei thau lac meda peih praong dom bruk patakik ngan haong bruk pablei tabiak 23 janih công nghệ ngak tabiak chip siam abih tapa Trung Quốc.

Urang ngak praong di Philippines hu tabiak panuac brei caga sóng thần hadei di mbang megei baoh taneh khang 6,6 độ rah tabiak langiu tasik kaoh pulao Luzon di taneh ia ini. Urak ini oh ka kuhri mboh bruk khat lahik saong manuac metai. Yau nan min, jabat gah megei baoh taneh negar ini brei thau, mbang megei baoh taneh ngak sraw kadau hasit di ia tasik, tui nan khan brei thau riyak glong tagok jaik 1 met dut haong mbaok ia ndik bhian mboh. Hu dom labik karja hu iew bhap bini daok jaik ar tasik brei nao labik glong piah khik salamat jang.

Thẩm phán tòa án ban ine New York, Mỹ hu brei peih mbang langyah tapak ka 2 tui hukum ngan haong Tổng thống dahlau deih ong Donald Trump di harei 4/12 anak tal. Dahlau di nan, dalam mbang langyah tui hukum tapak camriep hadei di tuk tabiak mbaok di harei 3/4, Tổng thống dahlau deih ong Trump brei thau lac, oh hu duas hagait ngan haong taong abih 34 duas dalam cáo trạng bahrau hu pathau khan, dalam nan hu gam bruk ngak suan harak gar pablei salih saong bruk biyar jien pacang cambuai ka 2 urang kumei. Dom urang ilamo brei thau lac, dom công tố viên njauk ngak cambaih laih bruk ong Trump saong kapul di drei hu ngak suan harak gar ngan haong hatai caong ngak suan dom bruk karei piah cáo buộc meda salih meng duas hanjul jeng duas hình sự.