Rilo urang hu panuac tangi sua pak di nyaom biai 

Page ini 7/6, urang Quốc hội yer tangin brei tapa bruk ramik veik danak dak Mbang nyaom ka 3, QH mbang XV piah ngak bruk urang jakar. Tui nan, akaok  var ginum di page, Akok Mban Ngak bruk di urang QH Nguyễn Thị Thanh bac harak pathau khan ka bruk urang jakar. QH ginum di Kapol nyaom urang Quoc hoi. Hadei meng pataom iek bruk ngak hu, UBTV Quốc hội pathau khan brei QH thau ka bruk ginum biai di Kapol nyaom; Urang jakar pambuak tal meda brei panuac dahlau di tuk QH buh phiếu ka bruk ini. Dahlau di nan, sa urang QH daok ngak bruk njauk kỷ luật brei tabiak truh Đảng kayua ngak suan. Dalam var ginum biai harei ini, QH brei tangi sua saopng javap calei, dom kadha ka sa di gah ngak nong saong patagok palei pala.

Sở padang ngak ban raya .HCM bahrau hu panuac cong UBND ban raya tabiak harak ka nyu njauk gauk dom harak gar ka bruk buh jien tame ngak sang dok  xã hội song padang veik sang chung cư klak pakat D (khut biak trak) di dalam ban raya. Gam song nan, sở ni hu panuac cong  UBND TP jao  Sở Kế hoạch song  Đầu tư samar ba jalan parabha pok jien 500 tỷ đồng piah kiểm định pabak song pasiam veik chip  246 chung cư klak pakat  B, C dok veik , nyaih bruk mbiah mboh biak trak, ba tal khut tayah trak. Urak ni,  TP.HCM hu  26 dana kdak padang veik sang  chung cư, dalam nan hu 14 chung cư pakat D. Jabat  chức năng hu yah klaak 4 chung cư pakat  D, dok veik oh ka ngak salah bruk panduan ba rah tabiak nao labik karei.

Tui Hiệp hội Chế biến saong pablei tabiak negar langiu kaya ikan dalam ia Việt Nam (VASEP), di bilan 7 thun ini meda brei tabiak veik saong  pandar “Bản đồ dom doanh nghiệp kaya ikan dalam ia Việt Nam” ngan saong dom khaw tin birau abih ka doanh nghiệp kaya ikan dalam ia Viet Nam yau ye: angan D.N, labik jabat, laik phone, email, website, harak chứng nhận, pandap pabei tabiak negar langiu. Bruk patabiak bản đồ piah doanh nghiệp lac urang blei, darak pasar pablei kaya ikan dalam ia Viet Nam thau cambaic laic jang ka gah kaya ikan dalam ia saong D.N kaya ikan dalam ia Viet Nam hadei di labaih 2 thun jit ruak Covid-19.

“Jalan nao tui takai ong Đồ” dok dalam dom bruk ngak pahadar  200 thun, Harei  menek danh nhân Nguyễn Đình Chiểu (1-7-1822 - 1-7-2022),  rah tabiak meng harei  6 tal harei  9-6-2022. Peih tabiak di inem krung pakat negar  Kubo  song labik pahadar Nguyễn Đình Chiểu (xã An Đức, huyện Ba Tri, tỉnh Bến Tre) jalan nao tapa huyện Cần Giuộc, (tỉnh Long An)- ban raya Hồ Chí Minh song  tỉnh Thừa Thiên - Huế. Di dom tỉnh ban labik kapul nyaom nao tal hu rah tabiak dom bruk ilamu, parang main nghệ thuật, parang iek; rivang sirah, alin brei pandap song jao pok jien ka anek saih hu rai duik kan kandah, kham bac da-a di dom sang bac hu angan Nguyễn Đình Chiểu, rivang sirah, song alin brei pandap ka rai anek taco di  ong Nguyễn Đình Chiểu.

Biar harei 6/6, Phaok Chủ tịch UB bhap bini TPHCM Dương Anh Đức birau tacei pato samar chip iew Sở Y tế, Kapol Chữ thập đỏ, Công an TPHCM ka bruk ngak brei cambaic laic dalam kadha vak “ Njuk darah…urang halan hatian brei darah”, tui nan Hoàng Trọng An nyu sahneng tabiak jalan ngak tapa mbaok taong abih urang y tế, urang halan tian brei darah, iew gauk gar di urang ruak blaic raih baoh hatai di Viện Tim TPHCM buh jien meng 1 -3 trieu dong piah pabak prein ka urang brei darah hu ba tagok harak mbao. Tapa nan, Sở Y tế TPHCM hu jao bruk pambuak saong Công an TPHCM, Kapol Chữ thập đỏ Ban raya HCM duah thau, pasang iek ngak brei cambaic laic, langyah catang ngan saong dom kapaol nyaom, urang ngak suan meyah hu.

Harak pathau khan hu ba tabiak harei  6/6 di Gah Du lịch dunya di Liên hợp quốc (UNWTO) brei thau,  dalam quý 1 meng bloh, dunya hu  117 triệu mbang tuai dunya, samu haong tanut  tagok  118% dut song tuk vak ni thun bloh, min jeng dok bier jang  61% dut song tuk vak ni thun 2019 – tuk vak jit prong  COVID-19 ka oh tamuh khang. Min, tanut patagok dalam 3 bilan akaok thun ni  jeng brei mboh bruk patagok khang di gah  "ngak kong oh hu sauk" di dunya, tuk dom jalan pacang caga jit hu yah klak song padang veik hatai jia di tuai damuai. Jeng tuai harak pathau khan nan, châu Âu lac labik hu bruk siam veik gah  du lịch khang di abih,  tuk dalam 3 bilan ni, taduan tuai dunya tagok jiak  4 mbang dut song akok thun  2021.

Cảnh sát Australia birau brei thau hu 1 kapol Mafia mai meng Italia hu anagn ieu lac Ndrangheta ngak bruk di taneh ia ini dalam rilo thun ini  mai. Kapol ini bhian pandauk rup dalam dom gah  yau ngak nong, duh ka bruk pablei pandap mbang ba nao sang, padang ngak…piah padauk dom bruk ngak suan. Cảnh sát Australia brei thau, kapol nan hu labaih 5.000 urang, yaok thun peih bruk rao jien yaok tỷ đô la Úc tapa bruk ngak mbang kinh tế taneh ia ini saong hu tal 70% bruk pajeng cocaine di dunya.

Meng harei jip anak tal  (9/6), Thái Lan brei klak  phun cần sa song phun  gai dầu tabiak truh angan dom janih jru phiel  song yaih khan nyu yau dom phun pala hu kein laba . Urang brei panuac  di Tòa án Tư pháp Thái Lan brei thau, tòa brei padeih dom bruk hu pagam tal cần sa dok cang harei langyah  atau  phán quyết, dom urang dok njauk chap khik  dalam tuk cang peih ngak dom harak gar gam tal adat hukum ka dom  duas pambuak tal cần sa jeng hu peih tabiak.Thái Lan jeng sa taneh ia camereip di  châu Á brei adat hukum  pandar  cần sa, min, akaok mintri  Y tế  hu panuac kakei bhap bini pandar cần sa kayua kein laba, oh lac piah ngak dom bruk ba tal kanyah jhak./.

Urang lang: Ái Nghiêm -Hanipha- 7/6