Rilo urang hu panuac tangi sua pak mbang nyaom 

Page ini, di sang QH, peih mbang nyaom ka 10 di UB TVQH mbang 15. Di mbang nyaom ini, UBTVQH brei panuac ka dom danak dak: Hukum Dầu khí (pasiam veik), Hukum Pacang, caga taong paoh gauk dalam sang (pasiam veik), Hukum pasiam, pabak dom paka di Hukum Tần số vô tuyến điện, Hukum Thanh tra (pasiam veik), Hukum Iek ruak, taong ruak (pasiam veik); dự thảo Sarak di QH ka jalan ngak karei, cakrok tỉnh Khánh Hòa; kuhria caga dahlau jalan buh jien di karja tukvak mbiah dalam vaktu 2021-2025 ka dom danak dak, dom pok phun jien oh ka hu parabha brei… saong rilo asal kadha praong karei piah caga pok tagok di mbang nyaom ka 3 di QH.

Akaok negar Nguyễn Xuân Phúc brei alin Huân chương Dũng cảm ka Đại úy Thái Ngô Hiếu, Công an tỉnh Đồng Nai, kayua oh huac metai lahik daong ka menuac urang, rik daong tame bruk dak padang Chủ nghĩa xã hội saong Khik caga palei negar. Dahlau di nan, Akaok negar jeng hu pok meyaom sa-ai Thái Ngô Hiếu oh huac metai lahik, khang hatai daong hu 4 urang mblung ia mesup harei 10.4 di Bà Rịa Vũng Tàu.

Di Nyaom biai ka bruk tui iek 5 thun peih ngak Sarak ka 31 di QH ka bruk brei padeih  buh jien tame ngak danak dak điện hạt nhân Ninh Thuận, ong Nguyễn Đức Hải, Phaok Akok Quốc hội brei thau, di dua danak dak buh jien tame padang ngak sang mac điện hạt nhân raidiuk di bhap bini daok rilo kan kandah. Kayua yau nan ye, tỉnh brei ngak siam jalan sahaneng ka bhap bini, abih di nyu lac bhap bini labik padeih buh jien padang ngak sang mac; pataom tame langyah dom tavak tavaiy, lang talaih dom kan kandah piah bhap bini hu mbang tui dom jalan ba ngak, sarak đặc thù hu patabiak blaoh.

Harei ini, rilo tỉnh, ban dalam taneh ia daok peih bruk klauk vaccine COVID-19 ka uranaih umo meng 5 tal mala 12 thun. Tui kuhria, hu 11 triệu 800 rabau uraniah umo meng 5 tal mala 12 thun njauk klauk vắc xin COVID-19. Dalam mbang camereip meda klauk ka uranaih oh ka njauk Covid-19; yaok uraniah klauk ginup lac 2 mbang vắc xin. Dalam bilan 7 - 8 meda klauk abih ka dom uraniah hu njauk bloh COVID-19. Hu 2 janih vaccine piah klauk ka uranaih lac Pfizer saong Moderna.

Uan raok Chôl Chnăm Thmây, urang ngak praong tỉnh Bạc Liêu brei padang rilo kapol nyaom urang jakar nao rivang saong tadhau ayuh tết dom  acar, chư tăng, phật tử, urang hu angan je dalam bhap bini bangsa Khmer. Tukvak tapa, piah paglong raidiuk ka bol bhap Khmer, Bạc Liêu pataom tame pablak dom prein khang manuac urang, jien padai meng dom Danak  pakat negar trun kathaot khang kajap, padang ngak palei pala birau saong rilo danak dak karei ngan saong bhum bangsa saong bhum ceik. Dalam 5 thun tapa, 1.135 baoh sang urang Khmer kathaot hu mesre phun jien patagok kinh tế ngan saong phun jien abih tih labaih 14 tỷ đồng, rik tame bruk patrun kathaot saong khik brei tani tanat raidiuk di bhum palei.

Sa dự thảo Sarak hu panuac lac kayua Mỹ ba tabiak di Hội đồng Bảo an Liên Hợp Quốc, piah duah adat taong phạt bahrau tame Triều Tiên, pambuak tal dom bruk cuh iek tên lửa bahrau ini. Aadat taong phạt bahrau hu gam bruk pakauk pablei pakao hala tapa Triều Tiên saong trun meteh dom menyek tamo pablei tapa taneh ia ini; gam haong nan, bakapul hacker Lazaus di Triều Tiên tame angan jhuk. Urak ini oh ka thau dự thảo Sarak ini hu ba tabiak piah buh phiếu halei oh.

Akok negar Trung Quoc Tập Cận Bình mboh lac, taneh ia ini brei patui bruk peih ngak catang “sarak oh hu Covid sami mar lagaih”. Urak ini Trung Quoc daok dang anak mbang tamuh jit ruak Covid-19 trak abih dalam labaih dua thun tapa.  Di ban Thượng Hải, dalam harei 13/4 hu labaih 25.000 mbang urang njom birau. Ban ini brei ngak tui dom jalan pacang meneing, ba tal rilo sang mac di labik ini njauk padeih ngak bruk.

Gah y tế dunya ndom lac, dom menuac metai kayua Covid-19 angaok dunya daok di tanut biar di abih kuhria dalam 2 thun tapa. Min urak ini, ka oh lac tuk iek lap, tuk takik caik hatai sangka. Ủy ban Khẩn cấp COVID-19 hu ginum biai saong njauk gauk lac, jit praong jeng daok lac 1 bruk khẩn cấp ka prein yava menuac sia. Dunya njauk caga bruk vi-rút SARS CoV-2 gam gam salih karei, meda plaih hu bruk miễn dịch urak ini daok hu./.

Urang lang: Mousaphuong- Ái Nghiêm -14/4