Njauk caik hatai lac, di mbang nyaom ini, UBTVQH brei panuac  ka danak dak Hukum Jalan mbak saong danak dak Hukum Trật tự, salamat jalan mbak; Pataom iek veik mbang nyaom ka 5 saong brei panuac camereip ka bruk caga ka mbang nyaom ka 6 di QH mbang 15. Langiu di nan, UBTVQH pasang iek brei tapa  dự thảo Sarak ka bruk ramik veik dom đơn vị  hành chính pakat huyen, pakat xã  vaktu 2023 -2030.

Di ban Cần Thơ, Sở Du lịch TP. HCM pambuak bruk haong Sở Ilamu - Thể thao saong Du lịch 13 tỉnh ban bhum taneran kraong CL bahrau peih harei pataom Chuyển đổi số du lịch ngan saong kadha “Chuyển đổi số - Prein jhul patagok khang kajap”. Di harei pataom, labaih 200 urang lambaok hu pataom tame ginum biai dom asal kadha pambuak tal bruk chuyển đổi số, jhul patagok gah du lịch dalam tuk bahrau jeng yau dom jalan sàn giao dịch du lịch, pandar trí tuệ nhân tạo …piah samar ba drei tame haong bruk chuyển đổi số taneh ia. Gam haong nan, ba tabiak dom jalan ngak lagaih haong bruk pandar kong nghe thông tin saong jalan chuyển đổi số siam lagaih dalam bruk du lịch di bhum ĐBSCL.

Mbang nyaom ka 10 HĐ bhap bini Ban raya HCM daok ngak bruk, Sở jalan mbak pajeng ba ban raya khan lac ralo danak dak hu makna praong meda hu peih ngak dalam vaktu anak tal. Dalam nan, bruk padang ngak tatua Cần Giờ kuhria abih tih  labaih 10.000 tỷ đồng, urak Sở Jalan mbak pajeng ba daok pambuak bruk haong huyen Cần Giờ, huyện Nhà Bè piah pasang iek veik, kuhria njuak jien buh tame peih taneh jeng yau parabha danak dak tabiak ngak saong kham pok tagok Hoi dong bhap bini bruk buh jien tame puac thun ini.  

Meng phun jien Danak dak bruk ngak negar patagok KTXH bhum bhap bini bangsa takik vaktu 2021 - 2025 saong pamaong tal thun 2030, tỉnh Sóc Trăng hu ba tabiak jalan buh jien tame ngak bahrau 113 danak dak, jalan mbak puk palei, hạ tầng labik darak pasar, sang ilamu bhap bini…, ramik ngak pasiam veik 50 danak dak hạ tầng bhum bhap bini bangsa takik. Tỉnh ba tabiak bruk lac tal thun 2025, meda ngak hu salah bruk padang ngak hạ tầng KTXH bhum bangsa takik piah pabak bruk patagok KTXH, paglaong raidiuk ka bhap bini bangsa, dalam nan hu bhap bini bangsa Khmer.

Inem krung  Labik jabat Liên Tỉnh ủy Cần Thơ daok di palei Phú Lễ A, xã Phú Tân, huyện Châu Thành, tỉnh Tiền Giang birau glut jaleih taneh ar kraong atah 15m, tame dalam ar praong 5m, ngak lahik taneh jaik 75m2. Mbang glut jaleih  kuhria khat lahik jiak 120 trieu dong. Kuhria meng akok thun tal ini, Hậu Giang rah tabiak 58 labik glut jaleih taneh, ar kraong ribaong, kuhria abih tih  1.420 m, kuhria khat lahik labiah 5 tỷ 400 trieu dong, dut hoang tukvak ini thun dahlau, taneh glut jaleih  tagok 42 labik, kuhria khat jien jaik 3 tỷ 400 trieu

Ấn Độ yam tapa Trung Quốc piah jeng taneh ia hu rilo menuac abih di dunya, lac labaih 1 tỉ 420 triệu menuac. Tapa yaok pataom menuac sia di Ấn Độ thun 1982, menuac sia taneh ia ini hu labaih 684 triệu urang, blaoh nyu tagok jang dua mbang dalam dom pluh thun hadei di nan. Tui kuhria, dalam yaok 2 giây, Ấn Độ hu sa urang hu menek tabiak, yaok harei hu jaik 41 rabau menuac hu tabiak rai, yaok thun hu 15 triệu menuac. Ấn Độ hu jalan ngak piah patrun bruk tagok menuac sia piah trun trak damak ka xã hội, min bruk ndih tapui tui sarak karja rilo meng jao ka urang kumei, tui nan, hu oh ka tal 1/10 urang likei pandar bao cao su, dalam tuk bruk triệt sản kumei hu jaik 38%.

 Sa chuyen gia di LHQ lac  Israel daok ngak ka dom bhum taneh meblah mek di urang Palestin jeng “ sang guk di kreh lagngik” meng bruk chap khik ralo urang Palestin. Dom panuac nan lac Israel daok mek kreik urang Palestin praong ralo, ngak tui jalan hatai di drei. Tui harak pathau khan, meng thun 1967, labaih 800.000 urang Palestin, dalam nan hu uranaih umo 12 thun, njuak karja Israel chap kareik. Harak pathau khan  jeng hu tacei tabiak dom bruk chap khik  suan hukum meda lac duis ngak paap di dunya.

Peru brei tabiak bruk samar drah ka ruak Guillain-Barre (GBS) dalam tuk taneh ia ini hu jaik 200 urang njauk ruak eng drei miễn dịch biak takik mboh ini. Karja Peru njauk parabha labaih 3 triệu USD piah ginup blei jru ka tukvak 90 harei. Gah Y tế Dunya (WHO) khan lac, tuk urang njauk ruak GBS lac oh mboh pandik, oh mboh hu bruk nhiệt độ salih karei, gaok gauk jeng oh thau hagait. Ruak meda ba tal metai./.