Patui Mbang nyaom ka 7, Quoc hoi mbang XV, page ini, Quoc hoi ginum biai tui nyaom ka dom bruk lac: Taong yaom pabak bruk peih ngak jalan cakrok patagok kinh te – xa hoi saong kadung jien karja thun 2023; bruk peih ngak tui jalan kinh te – xa hoi saong kadung jien karja dom bilan akaok thun 2024; bruk patak pataom jien, pacang  palai pajua thun 2023; bruk peih ngak hu dom bruk pakat negar ka hukum likei kumei sumu gauk thun 2023. Biar harei, Quoc hoi ginum biai di hoi truong ka bruk langyah dom caong khin di cử tri payua tal Mbang nyaom ka 6, Quoc hoi mbang XV.  

Ủy ban châu Âu (EC) meda brei kadun tukvak tapa pasang iek bruk taong cap suan hukum, oh pathau khan saong oh hu khik ramik (IUU) di negar drei di bilan 9, atau bilan 10, oh lac bilan 5 yau panuac khan dahlau daih. Bruk ngak suan gah kaya tasik di negar drei jeng daok rahtabiak, kayua yau nan ye, Cục Kiểm ngư meda padang dom kapul ngak bruk nao tal 28 tinh, ban tapen tasik. Tui kuhria dalam bilan 6/2024, kapul pasang iek dom gah meda pasang iek di dom tỉnh Ninh Thuận, Bình Thuận… Tapa bilan 7 lac dom tinh, ban Bến Tre, Tiền Giang, TP Hồ Chí Minh, Bà Rịa - Vũng Tàu, Sóc Trăng, Trà Vinh.

Tui Sở Yu lit Ban raya HCM, dalam thun ini, danak dak rivang iek Sang ngak bruk di HĐND-UBND TP Hồ Chí Minh meda hu pabak tame veik 2 harei tra. Tui nan, langiu dom mbang rivang iek di dom harei sanecar, harei Adit puac bilan, harei 31/8, 1/9, tuk pahadar 79 thun harei Negar  CHXHCN Việt Nam, Sang ngak bruk di HĐND-UBND TP jeng hu brei peih pabah mbang taduan raok tuai tame rivang iek. Gam haong Nhà hát Lớn, Bưu điện, Tòa án bhap bini...sang ngak bruk di UBND TP lac sa dalam dom inem krung kien truc Prang daok veik di Ban raya Ho Chi Minh.

Langik pandiak dui atah ngak ka baoh makhut di tỉnh Bình Dương trun khang meng 70-80%, tui nan ngak brei yaom baoh makhut tathak tagok glaong, janih 1 tui kuhria meng 130.000-145.000 đồng/kg. Makhut meng lavik mai hu maong lac janih baoh kayau angan je di bhum Đông Nam Bộ saong di Thuận An, Bình Dương, makhut di Lái Thiêu danei angan lac pahe bingi. Min, kayua taneh pala makhut di Bình Dương saong dom tinh, ban karei biak sit, nan ye tuk gaok langik oh lagaih, baoh makhut hu biak takik.

Meng akoak thun tal ini, yaom lanung di tỉnh Hậu Giang gam gam trun khang. Urak ini, lanung trak 100 – 200 gr sa drei urang blei 80 ribau đồng sa kg saong lanung trak meng 200gr sa drei tagok, hu pablei yaom 70 ribau đồng sa kilo, yaom ini trun meng 5.000 tal 20.000 đồng sa kilo dut saong dom bilan puac thun dahlau. Bruk ba tal yaom lanung trun lac kayua bhap bini  di rilo bhum palei dalam tỉnh jak gauk raong lanung rilo, ngak brei lanung pablei oh abih ba tal trun yaom.

Akaok Thượng viện Campuchia Samdech Hun Sen bahrau hu panuac ieu ngak hukum taong phat dom menuac oh taduan lac hu chế độ diệt chủng di Campuchia saong ieu dom taneh ia njauk taduan dom bruk ngak suan di drei tuk pachreih tui chế độ diệt chủng Khmer Kahom. Ong brei thau lac, tòa án langyah Khmer Kahom hu ba mai công bằng ka rahra Campuchia saong ong jang yau rahra Campuchia  cang bruk ini dalam luac 43 thun.

Gah Y te Dunya iew dom taneh ia brei tapa sa bruk di dunya brei tapa sa panuac sanya pakat dunya ka pacang caga jit ruak, brei mboh sa sanya ka pacang cakak, rami ramik saong pacang caga jit ruak oh ngak kan kandah tal bruk ngak po taneh ia. Dom taneh ia di WHO hu caik tabiak labaih 2 thun tapa piah ginum biai sa sanya piah khik lac bala praong gah y tế dunya oh daok hu veik. Yau nan min, bruk ginum biai njauk dui atah tuk dom taneh ia oh njauk gauk ka bruk khan brei gauk thau ka dữ liệu anek ruak, klak tabha vaccine saong jru.

Australia bahrau mboh hu urang ruak camriep njauk ruak kum H5N1 di manuac. Urang ruak lac sa uranaih bahrau mai meng Ấn Độ saong njauk laka trak di bilan 3 bahrau blaoh, min urak ini hu thit ruak. Hadei di tuk mboh urang ruak ini, jabat chức năng hu pasang iek dom urang taom gaok, piah duah dom urang ruak karei, min oh mboh urang halei karei njauk ruak. Australia lac sa taneh ia daok taeng di sa châu lục nan ye negar ini biak caik hatai tal bruk khik iek alam moi truong sinh thai saong pacang caga jit ruak./.