Page ini, Mbang nyaom oh hu kuhria caga dahlau mang 9, Quoc hoi mbang 15 hu ngak salah blaoh asar kadha ba tabiak. Brei panuac di var tamat Mbang nyaom, Akok Quoc hoi  Trần Thanh Mẫn khan lac dom bruk ba tabiak samar sumu, njauk haong bruk daok rah tabiak, sahaneng kuhria atah dhua, tui njauk jalan ngak di Ndang, Karja ngak njauk bruk, oh sahaneng cadu trun piah samar lang talaih dom bruk daok tavak tavaiy, cuang kandah, dom bruk daok gal tavak ngak suai ka taneh ia cakrok patagok. Akok Quoc hoi Trần Thanh Mẫn kakei lac, ini inem dalam bruk ngak hu makna biak praong yam tal padang ngak hukum, ndung bak makna dalam bruk rami ramik, ngak brei njol njuac  bruk ngak di gah chinh tri saong samar lang talaih kan kandah dalam bruk ngak harak gal, adat hukum karja.  

Tui So Noi vu tinh Dak Lak, tukvak tapa, rilo urang ngak praong, urang jakar dalam tinh daok umo ngak bruk halan hatian likau padeih huu dahlau. Hu urang chuyen vien min jeng likau padeih bruk. Ta-eng So Noi vu tinh Dak Lak hu 9 urang halan hatain vak harak likau padeih bruk tui Sarak 178/2024. Mbiah tal ini, tinh Dak Lak hu jaik 100 urang jakar likau padeih hưu dahlau umo thun. Dalam nan hu 2 Uy vien Mban Thuong vu Tinh uy lac amuk H'Kim Hoa Byă, Akok mban Dan van saong amuk H'Lim Niê, Akok mban Tuyen giao Tinh uy Dak Lak.

Tukvak jiak ini, rilo janih phun hu pasiu (pathiu) di tinh Tien Giang yaom pablei trun, po bein having akaok. Abih di nyu lac baoh kruac aih trun biak biar, kan pablei, rilo urang pala ndok tak klak phun kruac aih. Dahlau di nan, hu tukvak yaom tagok tal jiak 20 ribau dong sa kilo, po bein biak chreih  chrai. Tinh Tiền Giang hu taneh pala phun kruac aih labaih 5.000 ha, pala pataom ralo di huyện Cái Bè, Cai Lậy, Tân Phước. Bein kruac aih pak ini yaom lap oh thei blei, caong khin hu bruk daong di gah ngak mbang pablei salih, di karja dom gah.

Melam kabroi chung ket, di  resort tasik Vĩnh Hy, tỉnh Ninh Thuận, Hưng Nguyễn, umo 27 thun, lambaok ka Viet Nam tapa mbaok 24 urang likei dam karei mek hu angan Nam vuong Yulit Dunya 2025. Bruk ngak hu jak jeng siam mekre nan di Hưng Nguyễn  hu urang taong yaom jeng yau urang tui iek lac njauk pok meyaom. Ong Nguyễn Long Biên, Pho Akok UBND tỉnh Ninh Thuận khan lac, taduan bruk peih pakacah oh alah hagait dunya nan lac bruk lagaih  piah yaih khan ka taneh ia, anek manuac saong ilamo birau, ndung bak ilamo siam gheih di bangsa Viet Nam, dalam nan hu Ninh Thuan piah ayut sahabat dunya thau tal rilo jang. 

Tui bruk kuhria mboh dahlau pandiak bhang tua riya meda catang di anak tal, Labik khik caga alam dunya Lung Ngọc Hoàng di tỉnh Hậu Giang brei peih ngak rilo jalan  piah pacang caga  apui mbang glai. Ong Lư Xuân Hội, Yam ndoc Labik khik caga alam dunya Lung Ngọc Hoàng khan lac, tui jalan sahaneng “ Pacang caga lac bruk ngak dahlau, padam khuah brei sumu samar”, Labik khik caga hu pabak brei  17 mac pambuak ndem meyai nao mai ka urang jakar, urang ngak bruk. Langiu di nan daok hu rahra bhap bini labaih 300 urang tuk halei jeng hu mbaok piah khik caga tuk bala rah tabiak.

Harei kabroi 18/2, sa pasak ndien toán thong minh ala tasik hu tabiak mbaok di huyen Lăng Thủy, tỉnh Hải Nam, gah Meraong negar Trung Quốc. Gilai khik piah dữ liệu birau hu caik dalam trun ala tasik atah 18 met, praong 3,6 met, padang hu labaih 400 mac praong ngak bruk catang saong pambuak haong dom mac puac dữ liệu  di urang pandar tapa balai tapen tasik jaik nan. Dom pasak dien toan thong minh nan hu pambuak dom ung dung tui jalan ndien toan  kayua AI ngak bruk.

Braxin birau chap mek hu biak rilo kayau, labaih 5.000 radaih tai pajeng kayau mai meng labik tak glai ralo abih di glai Amazon. Jabat khik iek alam moi truong  Braxin brei kareih pambang jaik yaok pluh xuong kagaik kayau saong taong bhat kuhria abih tih 2 trieu 700 ribau dola My dalam mbang ini. Yaom lac bruk jak tak glai mboh trun biar abih dalam jaik pluh thun tapa, min dom urang khik glai khan lac rilo labik glai Amazon daok mbuan si urang jak tak glai.

Sa mbang ndem biai birau hu peih tabiak di ban ine Nairobi di Kenya piah iew dom taneh ia chau Phi jhul khang bruk do thi hacih hijao saong khang kajap dalam tuk alam langik tasik salih kan kandah catang. Nyaom ndem biai hu mbaok labiah 250 urang, brei khan tapa jalan ngak birau piah “hacih hijao” dom ban di chau Phi khan tapa jien ndo khang kajap, salih birau sarak adat saong brei pandar dom radaih takik tathuak nerak carbon./.