Melam 30/8, Tỉnh ủy, HĐ bhap bini, UB bhap bini, UBMT negar Viet Nam tỉnh Bình Thuận peih ngak dalam praong prang bruk Pahadar  30 thun padang veik tỉnh Bình Thuận (1992 - 2022). Brei panuac di var pahadar,  Thủ tướng Rajaei Phạm Minh Chính taong yaom glong bruk ngak hu jak jeng di tỉnh Bình Thuận dalam 30 thun tapa, gam kakei brei pataom tame cak rok patagok kinh te hijao, patagok bruk dulich jeng bruk ngak kinh tế praong, ba labik dulich pakat negar Mũi Né jeng labik dang akok bhum; Pachreih bruk cak rok patagok cong nghiep năng lượng tái tạo, abih di nyu lac điện hangin langiu tasik, điện ia harei, ba Bình Thuận jeng pasak  ngak tabiak năng lượng praong dalam negar. Bình Thuận brei patagok bruk công nghiệp, bruk ngak nong chế biến gam haong dom pandap hu lagaih di bhum palei; patagok khang bruk ngak kinh tế tasik pambuak haong bruk khik  ramik ralo janih sinh học tasik.

Di tuk pahadar  77 thun  Cách mạng bilan 8 song  harei Quốc khánh 2/9, akaok negar brei  peih palao dahlau tukvak ka dom urang njauk guk. Piah peih ngak hu siam bruk  peih palao dahlau tukvak thun 2022, peih ngak siam sarak, bruk ngak pahla, khoan hồng di Đảng song karja ngan song urang dok njauk guk, dom labik kreik menuac guk dalam taneh ia dok samar ngak salah dom bruk hu pagam tal. Dom urang guk hu peih palao dahlau tukvak dalam mbang ini, daok cang tal harei hu mai veik sang, taom gaok gauk gar.

Piah khik brei salamat jalan mbak nao mai dalam dom harei padeih le lac Harei negar meng harei 1- 4/9, UB Khik iek salamat jalan Pakat negar brei laik phone pandiak tal bhap bini. Tui nan, piah brei thau dom bruk ngak suan angaok jalan mbak, pajeng rilo manuac oh tui quy định, pandar matuy tuk peih radaih, yaom vé glong…bhap bini brei iew phone  di Cục Cảnh sát  jalan mbak: 0995.67.67.67, 069.2342608. Daok panuac khan ka bruk jalan mbak, bala angaok jalan, bhap bini meda iew phone: 081.9115911 di Jabat Ủy ban UB Khik iek salamat jalan Pakat negar.

Piah khik ka radaih tapa phà hu siam mekre, samar drah, nyaih di gar jalan dalam tuk padeih lễ 2/9, Công ty cổ phần Phà An Giang hu ba 33 sruh phà prong  tapa Tiền, krong Hậu pabak ka bruk nao mai di bhap bini. Công ty cổ phần Phà An Giang hu panuac ieu dom xí nghiệp phà pasang iek, ramik pasiam labik pataok, sang cang, tatua ba, ramik pasiam dom mbaih mbaoh piah khik hu siam mekre salamad ka tuai damuai.

Kapol Pachreih bac tỉnh Sóc Trăng pambuak haong  urang daong brei peih bruk alin paok jien pacheih bac, pachreih megru “Lương Định Của” ka 523 anek saih naih gheih. Dalam 6 bilan akaok thun ini, dalam tỉnh Sóc Trăng hu peih bruk alih 2.653 paok jien bac, kuhria tui jien jaik 5 tỷ đồng. Abih di nyu nan lac alin brei 980 paok jien bac saong 20.000 baoh siphau, kuhria tui jien jaik 1 tỷ đồng ka anek saih, sinh viên raidiuk kan kandah kayua jit ruak COVID-19; anek saih lac anek di urang jakar y tế hu mbaok tame pacang caga jit ruak COVID -19.

  Liên Hợp Quốc hu panuac ieu 160 triệu đô la dong samar piah dong ka  Pakistan pasiam veik dom tayah tayac di ia sua ngak ka jiak  1.200 urang metai, di kreh bilan  6 meng bloh. Ia sua di Pakistan ngka ka labaih  33 triệu urang njauk kan kandah song labaih  1 triệu boh sang jaleih, khut, tayah. Ia sua ngak khat lahik tagok tal  10 tỷ đô la ka gah kinh tế negar ni.

Tổng thống Irắc  Barham Salih pok meyaom bruk padeih taong mesruh camereip  di taneh ia ini min kakei dahlau lac bruk sraw kadau chính trị oh ka padeih saong iew dom gah brei palih ruah avar. Dahlau di nan, dom gah an ninh Irắc atah klaak adat pakauk dalam negar hadei tuk dom urang Islam tui gah Shi'ite Moqtada al-Sadr tabiak truh bhum Hijao di thủ đô Bát-đa tui panuac iew di tổng thống.

Urang ngak Tổng Bí thư Ban Chấp hành Trung ương Đảng Cộng sản Liên Xô dahlau deih, ngak  Tổng thống Liên Xô dahlau daih, lac ong Mikhail Gorbachev tuk vak dom thun  1980 di abhap  20, palang lahik di umo 91 thun, hadei di sa mbang ruak trak song dui atah. Ong Gorbachev lac  Tổng Bí thư puac di abih di  Ban Chấp hành Trung ương Đảng Cộng sản Liên Xô (1985-1991) song lac Tổng thống duy nhất di Liên Xô (1990-1991), dahlau di tuk  Liên Xô tayah tayaih di thun  1991./.

Urang lang: A.Nghiem & H.Pha – 31/8/2022