Melam kabroi 27/4, brei panuac di mbang Pahadar 30 thun padang veik tỉnh Sóc Trăng (bilan 4/1992 - 4/2022) saong raok taduan Huân chương Hồ Chí Minh, brei thau Ban Sóc Trăng lac đô thị pakat II di tỉnh Sóc Trăng, Thủ tướng Rajaei Phạm Minh Chính ndom lac, Sóc Trăng njauk ngak brei cambaih dom prein khang, dom kein lagaih di drei piah patagok samar drah, khang kajap tui jalan pambak tame prein di drei. Sóc Trăng hu dom ar ribaong – ar tasik jaik 500km, hu jalan tasik atah 72km,  lac sa dalam dom tinh hu prein khang piah patagok điện hangin... Sóc Trăng daok hu 3 bhum sinh thái ia taba – ia mbak – ia meteh mbak meteh taba, lac lagaih piah patagok bruk parilo janih phun pala, athur raong.  

Mesup 27/4, di Hà Nội, Mintri Quốc phòng peih bruk brei ka Đội công binh ka 1 haong Sang iek ruak dã chiến pakat 2 pakat 4 tagok jalan nao ngak bruk khik ramik hòa bình Liên hợp quốc di Abyei haong Nam Xu-đăng. Brei panuac di labik peih bruk, akaok negar Nguyễn Xuân Phúc - Chủ tịch Hội đồng quốc phòng saong an ninh, Dang akaok dom kapul nyaom bol pan phao kraong bhap bini ndom lac, bruk ba abih prein yava, abih drei ka bruk ngak di dom urang lin “mũ nồi xanh Việt Nam” dak ngak brei hadah tagok rup binguk taneh ia, anek menuac Việt Nam anit ranam hòa bình, abih drei ka menuac sia dunya hu siam mekre, ginup meda saong cakrok patagok. Sang iek ruak dã chiến pakat 2 saong 4 hu 63 urang, dalam nan hu 10 urang lin kumei, hu brei bruk ngak salih ka Sang iek ruak dã chiến pakat 2 saong 3 di Phái bộ Nam Xu - đăng.

Jeng di harei 27/4, di mblang bein taneh kubo liệt sĩ huyện Nhơn Trạch (tỉnh Đồng Nai), hu peih bruk truy điệu praong praong saong dar 28 talang liệt sĩ Đặc công rừng Sác bahrau duah mboh di labik Gò Cát, ấp Bàu Bông, xã Phước An (huyện Nhơn Trạch). Dahlau di tuk peih ngak adat truy điệu dom talang liệt sĩ, urang par akaok Đảng, Kanja, Quân ủy Trung ương, Mintri Quốc phòng, Quân khu 7, tỉnh Đồng Nai saong dom tinh, ban hu cuh gilau di Đền thờ liệt sĩ huyện Nhơn Trạch saong mblang bein taneh kubo liệt sĩ huyện Nhơn Trạch.

Iek tui bruk jit ruak Covid-19 saong tui Sarak 89/2018/NĐ-CP di rajaei tacei tabiak cambaih laih bruk ngak dom paka di Hukum pacang caga ruak njaom mbak ka dut iek y tế biên giới, Mintri Y tế hu harak samar drah ieu UBND dom tỉnh, ban tacei pato dom jabat pambuak tal brei padeih bruk khai báo y tế ngan saong Covid-19 di taong abih pabah mbang negar di Việt Nam ngan saong urang tame negar meng harei 27-4. Khik ramik bruk pasang iek tuai tame negar di dom pabah mbang negar tui njauk bruk ba tabiak di Sarak 89/2018/NĐ-CP di Rajaei hu tacei tabiak cambaih laih jalan peih ngak dom paka di Hukum pacang caga ruak njaom mbak ka dut iek y tế biên giới.

  Di jalan Nguyễn Huệ saong jalan Đồng Khởi (gah anak Sở Ilamo saong Thể thao), Mban peih bruk pahadar dom harei roya praong di ban raya Hồ Chí Minh; Sở Ilamo saong Thể thao Ban raya peih bruk parang iek 90 blah thaot binguk ngan haong kadha “Ban raya Hồ Chí Minh - 47 thun gam haong taneh ia, kayua taneh ia”. mbang parang iek yaih khan ndem ka jayah thun 1975, tabung glaong lac bruk mesuh metak biak hào hùng di bol lin saong rahra gah maraong negar ngan haong bruk pachrieh ba prein manuac, jien padai, drap ar biak praong di dalam taneh ia hu peih 3 danak dak peih paha Tây Nguyên, peih paha Huế-Đà Nẵng, peih paha Sài Gòn gam haong dom bruk brok tagok di bhum taneran kraong Cửu Long, bol bala saong rahra drei hu mek hu jayah abih gah, peih paha gah maraong negar, peih paha taneh ia.  Parang iek hu peih tabiak tal harei 7/5.

Hãng kapal haoh AirAsia di Ma-lai-xi-a brei peih veik dom mbang par pajeng tuai haong Campuchia. Hãng brei peih jalan par di Kuala Lumpur, Malaysia saong Siem Reap, Campuchia ngan haong 2 mbang par di harei som saong harei suk yaok adit.

Hội đồng Hiến pháp, jabat hu thẩm quyền glaong abih dalam bruk pasang iek peih ngak Hukum negar di France, harei 27/04 tabiak panuac brei thau  cambaih ka bruk pilih ruah Tổng thống France 2022 saong brei thau lac ong Emmanuel Macron hu pok ngak veik Tổng thống France dalam 5 thun anak tal.

Gah khau tin Nga brei thau, Hạ viện Mỹ harei 27/04 brei tapa sa danak dak hukum brei adat pandar drap ar cap mek pambuak tal Nga piah daong ka Ucraina. Dalam sa bruk pambuak tal, Ngoại trưởng Mỹ Anthony Blinken hu panuac lac, karja Washington daok sahaneng duah jalan ba drap ar di Gilang pariak negar Nga njauk pacang veik di Mỹ brei ka Ucraina. Jeng tui ong, Mỹ daok pasang iek ba Nga tame angan dom taneh ia daong ka khủng bố./.

Urang lang: Thu Thao & M.P – 28/4/2022