Pahadar 92 thun harei padang Kapul dam dara Cộng sản Hồ Chí Minh (26/3/1931-26/3/2023), melam bloh, di Ha Noi, TƯ Đòan pambuak haong Kadung jien daong Tài năng ranaih umo Viet Nam peih bruk jao Giải thưởng 10 Urang ranaih umo Việt Nam naih gheih thun 2022. Ini lac dom dam dara naih gheih ngan haong bruk ngak siam gheih abih di dom gah bac megru, roh duah ilamu, padhih the thao, ngak mbang pala drak, khik caga Taneh ia. Dom dam dara Viet Nam oh lac brei mboh bruk khang hatai, ba akaok nao dahlau dalam yaok bruk yaok gah di radiuk bo daok oh padeih kham merat patagok sahneng duah bahrau piah rik daong cak rok patagok  saong brei mboh dom caong khin meng prein khang rik daong ka taneh ia.

Di tỉnh Hâu Giang daok rah tabiak Harei pataom “Hatai caong di dam dara Hậu Giang”, salam uan pahadar 92 thun harei padang Kapul dam dara CS Hồ Chí Minh. Di harei pataom, mBan Thường vụ Tỉnh đoàn Hậu Giang tabiak mbaok danak dak số hóa tư liệu, pandap labik inem mek jayah sajarah Chương Thiện, ini lac sa dalam dom bruk tui kadha  ngak bruk thun “Chuyển đổi số dom bruk ngak di Đoàn” saong kadha di Bilan dam dara “Urang ranaih umo Hậu Giang nao dahlau chuyển đổi số”. Bruk số hóa dom tư liệu, pandap panda labik inem mek hu daong ka tuai thau cambaih jang ka inem mek, daong ka bruk yaih khan, brei thau ka dom labik ravang me-in di tỉnh Hậu Giang.

Tui Sở Pato megru TPHCM, mbiah tal harei 15/4, meda brei ngak salah bruk brei mã định danh ka uranaih umo meng 3 - 18 thun, dalam nan brei ngak dahlau ka uranaih bac mau giao umo 5 thun, tal 5 saong tal 9. Ban raya  daok 0.95% anek saih oh ka ngak brei mã định danh tuk ngak suan harei menek, giới tính likei atau kumei, labik daok, oh ka hu tame dữ liệu negar…,Mbiah tal tuk oh ngak sumu ye gah pato megru brei mã tạ, piah dom adei anek saih  hu pakacah palih ruah akok pakat bac, oh njauk lac dom adei oh hu mã ye oh brei tame pakacah.

Bilan pataom mek sruh yến camereip abih di tỉnh Kiên Giang dalam thun ini, sản lượng trun 25%, yaom pablei meng 1,5-2 triệu đồng/kg. Ong Trần Công Danh, Phaok Yam ndok Sở Ngak nong saong patagok palei pala Kiên Giang brei thau, bruk raong yến di tỉnh lavik mai lac raong eng tui hatai, raong mblah tui gauk. Dom sang yến di dom puk palei tagaok samar, ba tal bruk pandap mbang oh ginup, oh siam, tapon yến njauk neh rabha kayua bhap bini peih loa dui pachreih cim… Kayua yau nan ye, anak tal, tinh meda ba tame khik iek tui quy hoạch, tabiak labik brei raong… Meyah khin pablei tabiak negar langiu tui jalan chính ngạch ye brei khik ramik hu asal di nyu.

Urak ini, dom huyen bhum tapen tasik Gò Công di tỉnh Tiền Giang daok brei peih ngak dom jalan pacang caga pandiak bhang saong njom ia mbak, pacang caga bruk pala drak saong raidiuk bhap bini pagam haOng bruk salih janih phun pala athur raong lagaih haong BĐKH, trun takik bala meng langik tasik. Bruk khik brei ginup ia pruh ka jaik 16.000 ha taneh pala drak; dalam nan hu 8.700 ha padai Đông Xuân saong dom janih phun pala karei. Tui nan, dom bhum palei brei salih janih phun pala dom labik kan kandah piah cak rok patagok khang kajap di bhum tapen tasik pamong tal bruk palagaih haong BĐKH.

Jabat pasang iek tổng tuyển cử Indonesia (Bawaslu) pakauk dom chính đảng peih dom bruk jak ba tranh cử pamaong tal bruk tổng tuyển cử thun 2024 dalam bilan eik Ramadan di urang Islam meng harei 23/3 - 22/4. Lambaok di Bawaslu ndom cambaih, bruk pakauk jak ba tranh cử dalam bilan eik Ramadan njauk haong adat tổng tuyển cử di Indonesia. Dom bruk njauk pakauk karei lac: sanya brei jien atau pandap dalam tuk jak ba tranh cử saong kiểm phiếu.

Mentri Y tế Tanzania brei thau, virus Marburg ngak brei 5 urang metai. Klau  urang daok hu taong ruak di sang iek ruak, gah y tế  daok duah 161 urang hu  taom gaok haong urang ruak. Mbiah tal tukvak ini, jit ruak hu pacang veik. Tui Gah Y tế Dunya ini lac sa janih ruah trak, bhian ba tal metai saong dom ruak yau pandiak akok, pandiak, pandik talang, gloh ta-ok tabiak darah saong sre darah, laman hatung pruac. WHO brei thau, urak ini oh hu vaccine atau jalan taong ruak halei. Min bruk pabak ia njauk brei menyum atau klauk tui rak darah meda diuk hu.

Cục Lâm nghiêp saong Thảo nguyên Negar Trung Quốc brei thau, mbang rabuk cuah biak trak dalam dom harei tapa ngak brei 560 triệu menuac di taneh ia ini gaok kan kandah. Urak ini, gah chức năng hu peih bruk pasang iek luac harei melam, tui iek catang bruk cuah, thur tapa gam vệ tinh viễn thám, pasang iek mbaok haluk saong brei thau ka labik nan. Yaom lac dom thun jaik ini, taneh sa mạc saong taneh hu cuah di Trung Quốc daok sit veik, min taneh ia ini jeng daok hu jaik 2,6 triệu km2 taneh sa mạc saong jaik 1,7 triệu km2 taneh cuah, abih di nyu lac dom bhum sa mạc praong tuk halei jeng lac labik tabiak cuah saong thur praong, ngak ka bruk pacang sa mạc hóa tuk halei jeng lac bruk suai lavik saong kan kandah glaih glar di Trung Quốc./.