Ini lac giải thưởng praong glaong abih brei ka dom kadha báo chí gheih di abih hu rik daong rilo ka bruk ngak báo chí di taneh ia

Di Nyaom biai brei thau quy hoạch saong pachreih bruk buh jien tame ngak mbang di bhum Taneran kraong Cuu Long vaktu 2021 -2030 kayua Thủ tướng Phạm Minh Chính dang akaok, peih tabiak di Cần Thơ harei ini, Akok mentri Kế hoạch saong  Đầu tư Nguyễn Chí Dũng brei thau, abih tih phun jien kadung jien karja tui kuhria lac labaih 460.000 tỉ đồng piah buh tame ngak dom danak dak patgaok bhum Taneran kraong Cuu Long dalam vaktu 2021-2025…Meng phun jien nan, meda ngak salah dom bruk praong dalam bhum, yau dom jalan peih samar, dom jalan raya; taong abih jalan tapen tasik; dom jalan hu makna praong pambuak Ban raya HCM, bhum  Đông Nam Bộ; mblang kapal haok; dom danak dak ba ia pruh, padang ia, pacang ia mbak…

Pahadar 97 thun Harei Báo chí Cách mạng Việt Nam (21/6/1925-21/6/2022), melam ini di Hà Nội hu peih bruk jao Giải báo chí pakat negar mbang ka 16 thun 2021. Ini lac kadha praong dui pachreih bruk sangka praong di urang ngak báo dalam taneh ia, lac giải thưởng praong glaong abih brei ka dom kadha báo chí gheih di abih hu rik daong rilo ka bruk ngak báo chí di taneh ia. Dalam 152 kadha tame dhi puac abih Giải báo chí pakat negar thun 2021, mBan peih bruk pilih ruah hu 10 Giải A, 22 giải B, 48 giải C, 35 giải Khuyến khích ka dom tác giả, kapul tác giả gheih di abih. Dom kadha nan hu brei mboh samar drah, praong dalam dom bruk chính trị praong di taneh ia, abih di nyu lac gah asal kadha pambuak tal jit praong Covid-19 brei mboh biak cambaih bruk oh huac glaih glar ba drei tame di dom urang ngak báo.

UB bhap bini tỉnh Bà Rịa – Vũng Tàu birau brei thau sarak di Thủ tướng Rajaei taduan brei huyen Châu Đức mek hu tanut chuẩn palei pala birau thun 2020. Tukvak 2010- 2020, huyen Châu Đức jak ba hu labaih 6.584 tỷ đồng piah peih bruk padang ngak palei pala birau. Meng dom phun jien hu blaoh, huyen brei padang ngak dahlau jalan mbak hạ tầng, salah tanut jalan mbak, kraong ribaong, sang bac, pandap pamda ilamu, ngak hacih alam moi truong saong buh jien tame ngak mbang pala drak. Mbiah tal ini, jien mek tame kuhria rah tapa yaok akaok manuac hu labaih 64 trieu đồng sa urang sa thun, tagok labaih 44 trieu đồng dut saong thun 2010.

Tỉnh An Giang pambuak haong Tập đoàn Bưu chính Viễn thông Việt Nam bahrau ba tame peih ngak iek Pasak tacei ba thông minh di tỉnh. Urak ini Pasak hu pataom veik 10  gah lac: langyah dữ liệu kinh tế - xã hội, langyah thủ tục hành chính, khik ramik harak gar điện tử, pato pakai, y tế, du lịch, lưu trú, dom camera an ninh, tui iek khau tin mạng xã hội saong taduan mek panuac khan brei thau di bhap bini. Ini lac jalan yam tagok praong, lac bruk peih mbaok ka sa tukvak padang ngak, patagok suai lavik dalam tukvak patagok đô thị thông minh, dak padang karja số di An Giang.

Klau bilan jiak ini yaom ikan kèo di miền Tây tagok glong. Di Cà Mau, ikan kèo urang blei salih mai blei pak di labik yaom 180.000 - 220.000 đồng sa kilo, glong jang meng 100.000 đồng sa kilo dut saong tukvak ini thun 2021. Di Cần Thơ,  tukvak tapa yaom ikan kèo tagok tal 500.000 đồng sa kilo. Tui dom urang blei, tukvak jiak di ini kayua dom darak praong khin blei ralo; gam haong nan, yaom pandap mbang ka ikan raong jeng tagok, nan lac makna ngak brei yaom ikan kèo tagok glong.

Hàn Quốc hu ngak salah blaoh dom bruk caga ka mbang cuh iek tên lửa đẩy vũ trụ Nuri mbang ka 2. Tên lửa Nuri hu pandar abih công nghệ tên lửa dalam taneh ia saong lac janih cuh tame langik camereip abih di Hàn Quốc. Tên lửa Nuri hu ngak meng Viện Roh duah Hàng không Vũ trụ Hàn Quốc. Nyu lac kadha di danak dak vũ trụ bak hatai caong khin praong di Hàn Quốc, dalam nan hu ba tabiak mạng 6G, vệ tinh duah thau gam saong kapal pasang iek Ia bulan.

Mentri Y tế Philippines brei thau ka bruk dom urang njom Covid-19 di taneh ia ini tagok gam gam, tapa nan brei mboh sa mbang tamuh jit ruak birau. Adit bloh, Philippines hu 2.458 urang birau njauk ruak, tagok 70% dut saong adit dahlau di nan, dalam nan ta-eng ban ine Manila dom urang bahrau njom ruak tagok jang dua mbang. Gah ilamu ndom lac, dom urang birau njom ruak meda daok tagok veik kayua biến thể birau mbuan njom mbak jang.

Rajaei Mali brei thau, abih tih 132 rahra njauk urang pametai dalam dom mbang taong cuh tame dom palei di Bankass daok gah kreh negar ini di harei 19/6 meng bloh. Kol pametai menuac ini, lac kol pan phao di kapul pan phao kraong Katiba Macina. Rajaei Mali sanya lac daok ngak taong abih bruk piah ba kol pametai menuac nan tabiak tòa kaoh duas. Meng thun 2012, rilo mbang taong cuh bhian rah tabiak di Mali, ngak brei yaok rabau urang metai saong yaok ratuh rabau urang karei njauk nao plaih di bala./.

Urang lang: M. Phuong & Bhumi – 21/06