Tui Sở Xay dung Ban raya HCM  ka bruk patagok sang daok vaktu 2021 -2030, tui kuhria mboh dahlau  tal thun 2025, Ban raya meda ngak salah 80% bruk ba tabiak. Bruk patagok sang daok dalam vaktu anak tal meda gaok ralo kan kandah. Ban raya njauk brei hu dom sarak ngak brei patagok birau gah padang ngak sang daok meng meda salih birau bruk ngak brei hu sang daok ka bhap bini. Tui Savills Việt Nam, 6 bilan tapa di Ban raya HCM, oh hu danak dak halei birau dalam bruk ngak sang biệt thự, sang daok taphia gauk. Bruk ba tal dom po đầu tư gaok ralo kan kandah dalam bruk jak ba rik phun jien, takik hu taneh saoh saong bruk ngak dom harak gal kan kandah. 

Mesup ini (25/7), di Nghĩa trang Liệt sỹ Dốc Bà Đắc ban sit Tịnh Biên, tỉnh An Giang, Quân khu 9 pambuak bruk haong UBND tỉnh An Giang peih ngak dalam praong prang bruk pahadar, ba dar 108 talang liệt sỹ urang lin Việt Nam metai lahik dalam mesruh metai di taneh ia Campuchia saong dalam taneh ia. Dalam tukvak bilan thu 2022-2023, mBan tacei pato duah pataom saong duah thau angan je talang liệt sỹ tỉnh An Giang hu peih rilo mbang duah, pataom hu 108 talang liệt sỹ urang lin Việt Nam metai lahik di taneh ia Campuchia saong di dalam tỉnh An Giang. Dom talang ini oh ka thau hu angan je.

Harei 25/7 lac Harei dunya pacang caga mblung ia. Di Viet Nam, tui yaok pataom, tok hu labaih 30% uranaih umo meng 6 tal 14 thun thau caluai ia. Daok dom uranaih thau caluai ia  salamat saong thau pacang caga mblung ia daok biar jang, tuk hu tal 2/3 urang metai kayua mblung ia oh hu mbaok urang praong. Mblung ia nan lac bruk ba tal metai  dang akaok ngan haong uranaih. Kayua yau nan ye, bruk pato caluai ia saong ilamu pacang caga mblung ia ka uranaih  njauk brei sangka peih ngak.

Di miền Tây, tame bilan ia ndik, urang ngak nong hu jien mek tame rilo jang meng hu langik tasik alin hadiah brei rilo janih kaya ikan yau ye ikan riel, bingu sano, njam phlưk, baoh ma-ndanh, hẹ ia… Dom thu jaik ini, oh cang tal bilan ia ndik, mikva di dom labik thau pambak tame labik drei daok, tame langik tasik saong taneh riya… piah ngak jeng ia ndik ja, ba jien tame rilo jang meng dom kaya pandap di langik tasik. Di Long An, hu oh takik urang ngak nong caik kadung 100 triệu đồng yao ha sa bilan meng bruk njuk ia pala h5 angaok hamu

Page ini 25/7, Công an tỉnh Bình Phước daok pasang iek, ngak brei cambaic laic bala dua radaih pajeng tuai di jalan 14 ba tal 1 urang metai, 2 urang njauk rambuac. Tui duah thau tuk camereip, tuk mon 10 melam 24/7, radaih pajeng tuai laneing ndih  biển số 81B-014.47, pajeng yaok pluh urang peih angaok jalan 14, meng TPHCM nao tỉnh Đắk Nông.   Tuk radaih peih tal palei 4, xã Đồng Tiến, huyện Đồng Phú, tỉnh Bình Phước ginuk tame gah likuh radaih laneing ndih biển số 50F-045.28 padeih anak. Thaok tame khang ngak radaih 81B-014.47  tayah akaok, urang nao tui radaih angan Vũ Chí Thiện umo19 thun, palei daok di tỉnh Gia Lai metai, 2 urang njauk rambuac ba nao cấp cứu. Radaih 50F-045.28 khut tayak gah likuh.

Akaok Mintri Y tế Indonesia Budi Gunadi Sadikin brei thau, rajaei meda pabak kadung jien ka danak dak klauk vắc-xin caga COVID-19 breih saoh tal abih harei 31 bilan 12 thun 2023. Yaom lac Indonesia hu tabiak panuac lac abih jit praong COVID-19 min urang ngak praong gah y tế taneh ia ini jeng daok hu panuac brei thau yaom glaong di dom danak dak klauk vắc-xin patagok piah khik caga prein yava bhap bini. Tui adat bahrau, meng harei 1 bilan 1 thun 2024, klauk brei saoh oh mek jien tok hu klauk brei ka dom urang mbuan njaom mbak saong dom menuac taduan hu bruk daong di bảo hiểm y tế taneh ia. Urak ini dom jabat y tế Indonesia jeng daok padang ngak dom adat pambuak tal tukvak bahrau di jit ruak, meng akaok thun tal.

Kong ty langyah dữ liệu tín dụng Teikoku Databank (Nhật Bản) kuhria mboh dahlau lac, mbiah tal bilan 10 anak tal, yaom 30.009 pandap mbang saong kaya menyum di Nhật Bản tagok yaom kayua dom labik palei rai kuhria jien buh tabiak gam pandap pablei ka urang piah drei hu kein laba. So lieu nan hu ba tabiak hadei di tuk Kong ty Teikoku peih bruk duah pataom iek di jaik 200 kong ty di gah pandap mbang saong ia menyum. Tui Teikoku Databank, dom bruk ba tal yaom pandap tagok yaom lac kayua jien pah urang ngak saong yaom jien điện tagok, gam haong nan  yaom jien yen trun jhul yaom pandap blei tame tagok.

34 urang metai saong takik di abih lac 26 urang njauk rambus dalam dom mbang khuah glai daok mbak praong di Algeria, dalam dom menuac metai hu 10 urang lin. Labaih 8.000 urang ngak gah padam pui hu ba mai padam di dom labik hu khuah glai praong. Tal urak ini, hu 1.500 urang hu panduan ba nao labik karei. Karja daok duah thau kayua halei ngak brei khuah glai. Mintri Nội vụ Algeri brei thau, nhiệt độ di rilo labik tagok tal 48 độ C saong hu abih tih 97 mbang khuah glai di 16 tỉnh./.