Tui Gah peih padang pakat karja, danak dak harei Pahadar, dieu binh, dieu hanh 80 thun katmang bilan Dalipan saong harei Bangsa Negar 2/9 brei rah tabiak di Mblang bein negar Ba Đình, ban ine Ha Noi di harei paguh hu dom danak dak yau ye: Raok truai apui; Salam hala dok; Danak dak dieu binh, dieu hanh dalam nan hu: bol lin peih ahaok par salam uan; dieu binh dieu hanh tui dom kapul danak gauk dalam nan hu: Dieu hanh di dom kapul nghi trượng, dieu binh di dom kapul nao tabak takai, dom kapul Bol lin rahra Viet Nam dahlau, blaoh hadei nan tal kapul bol lin negar langiu, baoh tal bol lin rahra, yu kit, dom kapul kong an. Hadei dieu binh dieu hanh di kapul nao tabak takai brei tal banah dieu binh di kapul radaih, phao karaong praong, radaih ngak bruk di kong an saong dom kapul rahra. Hadei banah dieu binh, hieu hanh lac danak dak seni nghe thuat…

Salam uan Harei bangsa negar 2/9, Ban raya HCM hu 3 labik cuh phao bingu pakat glong hu peih angaok riyak papar binguk nan lac: Jalan luak ala kraong Bai Gon, Bein bingu pasak Ban raya birau di phuong Binh Duong saong  mblang praong Quảng trường pasak Bãi Sau di phuong Vung Tau. Langiu di nan, Ban raya HCM daok sa labik cuh phao bingu biar di Mblang bein Dam Sen. Bingun ini, Ban raya hu peih ngak rilo bruk yau parang iek thaot binguk, peih bruk rivang kubo liet si, pok bingu cuh gilau saong rilo bruk ma-in bui sambai karei.

Tinh Gia Lai brei peih bruk cuh phao bangu di dua mblang bein praong lac Nguyễn Tất Thành di phuong Quy Nhơn saong Đại Đoàn Kết di phuong Pleiku piah pahadar 80 thun Ktmang bilan Dalipan saong Harei Bangsa Negar 2/9. Dom mbang cuh phao bangu caong khin lac hu ngak takre, peih akaok meti ka dom danak dak gheih ghang di harei raya, ba mai bruk bui sambai, chreih chrai ka rahra saong tuai damuai. Bruk cuh phao bangu di dua labik ini daok lac sa bingun piah rahra bhum palei saong tuai damuai gam haong gauk hu sa bruk bui sambai di harei raya, pahadar dom jaman sajarah praong prang di taneh ia.

Tinh Tay Ninh peih ngak dom bruk salam uan Harei bangsa negar 2/9 gam haong dom bruk nyaom dark pasar  di phuong Long An. Labik yulit Ceik Ba Den  jeng hu peih ngak rilo danak dak taduan raok tuai mai rivang. Nyaom darak parang iek dom bruk ngak hu jak jeng gah kinh te - xa hoi, pablei salih, kaya mbang, kaya OCOP tinh Tay Ninh hu peih ngak di harei 26 bilan 8, di mblang bein jalan Hùng Vương, phuong Long An. Nyaom darak hu jaoik 300 labik pablei pandap peih tal harei 3 bilan 9, piah bhap bini sirah rivang iek, dom ilamo siam gheih, mbang dom kaya mbang bingi karei krih di rahra, njauk ndem tal dom kaya OCOP di tinh Tay Ninh oh labik halei hu.

Di Mblang bein Hùng Vương, phuong Đạo Thạnh saong Mblang bein Văn Miếu, phuong Cao Lãnh, tinh Dong Thap daok peih rilo danak dak yau ye: labik parang saong pablei salih dom ndap nda OCOP, ndap nda ngak kong palei pala hu angan, gam haong dom ndap nda hu angan di bhum palei. Gam haong nan lac dom danak dak ilamo, pahat padhih, rah rivang yau ye: me-in don ca tai tu, me-in phling ragam ragu di jalan, adaoh tamia, ngak ao thuat, xiec, taong gun…Abih di nyu nan lac, dalam malam 2/9, tinh Dong Thap brei peih danak dak seni nghe thuat saong cuh phao bangu salam uan hu 120 phao bangu cuh biar, dui atah 15 minit, duh ka hatai caong di rahra.

Di Mblang praong Quảng trường Bhong, ban ine Moscow, Liên bang Nga bak dom yawa di mejam alat ragam Bol lin saong dom mejam alat ranam di uranaih. Nan lac dom kapol parang iek di Harei roya Alat ragam Bol lin Dunya mbang ka 17 “Tháp Spasskaya”  brei ka uranaih. Dom urang ma-in alat ragam bol lin tathik Nga yaih ma-in biak naih gheih dalam danak dak daoh tamia hu padang ngak tui dom ragu daoh valse saong kadha karei. Kapol daoh tamia Bol lin Mong Co parang iek kadha di danak dak gam haong dom kadha di Nga saong Mong Co…

Ban lamnge Thiên Tân di gah barak Trung Quoc daok ngak dom labik ngak kong sajarah tal ilamo dui pachreih, di anak mbang nyaom biai pakat glaong Kapul Pambuak bruk Thượng Hải. Dom urang pan akaok meng labaih 20 negar saong 10 kapul dunya brei hu mbaok tame rilo danak dak pakat glaong. Ban Thiên Tân hu pamedeih 41 danak dak ngak pasiam ban medil, dalam nan hu dom sang mac klak hu brei ngak veik jeng dom Pasak nghe thuat chreih sambai. Mbuan mboh abih lac Labik pambuak rilo bruk Đường Viên, sa danak dak kien truc bhap bini meng kal di Trung Quoc hu salih jeng labik pambuak pablei salih dalam nan hu sang balai mbang menyum, me-in saong labik parang seni nghe thuat.

Tui harak pathau khan Korea Herald, karja ban Seoul, Hàn Quốc brei thau jit vu radaih pajeng ba oh hu urang peih akaok meti di taneh ia ini meda peih ngak di labik craoh ia Cheonggyecheon (pasak Seoul) di puac bilan 9 ini. Tui bruk ba tabiak, dua radaih buyt 11 ghe peih nduac vin taom dar atah 4,8 km, meng mon 10h-17h dom harei dalam adit, padeih ngak bruk di harei puac adit saong harei roya tuk jalan ini pakauk radaih mac tame. Dalam tukvak camereip, jitvu ini oh mek jien di urang tuai. Tuk pandar hu bayar jien, tuai damuai ndik radaih dreih yau ndik radaih buyt bhian harei./.