Phaok akok negar Võ Thị Ánh Xuân hu mbaok alin giải thưởng

Pahadar Harei Khoa hoc saong Cong nghe Viet Nam, page ini 16/5,  di Ha Noi, Kapol urang kumei Viet Nam peih bruk jao giải thưởng Kovalevskaia thun 2021. Phaok akok negar Võ Thị Ánh Xuân hu mbaok alin giải thưởng. Giaỉ thưởng Kovalevskaia thun 2021 hu alin ka GS.TS Nguyễn Thị Thanh Mai, Phaok Akok Sang bac Đại học Khoa học Tự nhiên, Đại học Quốc gia TP. Hồ Chí Minh saong GS.TS. NGƯT Nguyễn Minh Thủy, Gru pakat glong Bộ môn Công nghệ Thực phẩm, khoa Nông nghiệp, Sang bac Đại học Cần Thơ naih joi bruk roh duah ilamu jeng yau roh duah  khoa học tự nhiên. Giải thưởng Kovalevskaia nan lac giải thưởng hu angan je yaok thun piah alin brei kapol nyaom, urang kumei naih joi bruk roh duah saong ba ilamu tame pandar dalam raidiuk , ba mai rilo kein laba ka dom gah kinh te, xa hoi…

Piah ngak dom bruk daok pamaong tal di gah du lịch, tỉnh Ninh Thuận meda sangka padang ngak dom janih bahrau biak karei di tỉnh. Tui nan, dom janih biak karei lac: ravang me-in padeih padei di tasik, ravang me-in duah thau ilamu inem krung Cam, du lịch sinh thái pambuak haong Bein pakat negar Núi Chúa... Nyaom dom janih bahrau, karei hu ravang me-in duah thau saong me-in sambai di cuah – sara, ravang me-in man pateok jaik glai, ravang me-in saong iek glang prein yava... Nyaom dom janih daong pabak, hu du lịch cộng đồng; ravang me-in saong pandap mbang huak, ravang iek labik ngak năng lượng tái tạo.

Labaih 150 tấn ikan raong dalam bè  di ban Châu Đốc, tỉnh An Giang metai oh ka thau kayua halei. Urak ini, Chi cục Thủy sản An Giang daok pambuak bruk haong Sở Tài nguyên saong Môi trường tỉnh mek mẫu ia, ikan metai dut iek piah duah thau ka ia dalam danao labik raong kaya ikan. Anak meta, Chi cục hu panuac ieu dom baoh sang urang raong ikan brei bè pa-atah gauk, juai caik taphia gauk, ba dom bè nao labik karei piah plaik ia daok nerak, takik brei ikan mbang, pagam dom pandap jamriah  piah pakhang oxy brei ikan mbuan suak yawa.

Công ty CP Pajeng ba jalan pasei Sài Gòn brei trun meneing yaom atau oh mek jien harak radaih ka tuai dalam tuk tabung glaong pajeng ba bilan hè meng harei 1/6 tal harei 21/8/2022. Dalam nan urang ngak bruk CM saong amaik VNAH hu trun yaom jien harak radaih tal 90%. TB, urang mbang tui sarak yau TB, urang hu mbaok tame bruk mesruh metak njauk njaom jru mek hóa học, urang jaoh jo hu trun yaom 30%. Langiu dom urang ini, daok hu rilo kapul nyaom, menuac urang, uranaih hu trun meneing yaom atau oh mek jien harak radaih.

Tui dom urang ilamu, dom urang birau njom ruak saong metei kayua ung thư phổi dalam negar tagok yaok thun, meng 18 trieu urang ruak bahrau saong 9,5 triệu urang metai dalam thun 2018, tui kuhria mboh dahlau di  2040, Việt Nam  meda hu 28,9 trieu urang ruak birau saong 16, 2 trieu urang metai. Ung thư phổi nan lac sa dalam dom janih ruak  bhian mboh saong mbuan metai abih di Viet Nam jeng yau di dunya. Hu meng 70 – 80% urang ruak duah mboh ruak tukvak ka 3 -4. Kuhria rah tapa urang ruak ung thư phổi diuk hu 5 thun lac 14.8%.

Dom urang njauk ruak pandiak tabiak darah di Singapore yam tapa tanut 8.000 urang dalam 5 bilan akaok thun 2022, yam tapa tanut 5.258 urang hu pathau khan dalam thun 2021. Ta-eng dalam adit blaoh, taneh ia ini hu 1.055 urang ruak,  280 sruh jit. Urang jakar Singapore lac bruk ini biak njauk duh hatai kayua urak ini oh ka tal tabung glaong bilan pandiak tabiak darah di taneh ia ini, bhian lac meng bilan 6 tal bilan 10 yaok thun. Urang jakar Singapore hu panuac kakei bhap bini khik ramik hacih sa-at labik daok, labik ngak bruk, jhul khang dom bruk pasang iek saong pruh jru pametai jamaok.

Hãng thông tấn negar Triều Tiên harei 16/5 brei thau, urang pan akaok Triều Tiên lac Kim Jong Un  brei peih sa nyaom biai chip samar di Mentri Chính trị Đảng Lao động Triều Tiên saong brei adat pandar bol bala piah daong tani tanat bruk pabak jru tavao ka ban ine Bình Nhưỡng. Taneh ia ini  hu labaih 392.920 urang ruak pandiak saong 8 urang birau metai.

Dom janih alak mbia oh hu cồn dak harei dak hu takre di negar Prang. Hu thau, ia menyum hu cồn di taneh ia châu Âu ini kuhria tal thun 2018 nyu trun 2 mbang meteh duk haong thun 1960. Sarak y tế cộng đồng lac sa dalam dom makna ba tal bruk ini saong nyu ngak ka dom urang ngak alak, mbia njauk sahneng duah, ngak tabiak saong salih tapa dom janih pandap lagaih jang./.

Urang lang: M. Phuong & Bhumi – 16/05 19:00:00