Mintri Ilamo - Thể thao saong Du lịch bahrau patabiak  bruk pakacah paneh kadha daoh ka bangsa takik. Mban peih ngak caong lac hu dom kadha daoh hu yaom glaong ilamo nghe thuat, lai laar bingi pang, asal biak gheih makre ndung bak ilamo pambuak haong yaok bangsa; rik tame jhul kadun likuk dom adat cambat, dom bruk ngak oh daok lagaih, dom bruk kanjak jhak saong paglaong talei pambuak gauk dalam bangsa. Dom urang hu mbaok tame pakacah, lac dom rapaneh, dom nghe si chuyên nghiệp saong oh chuyên nghiệp, lac rahra Việt Nam, oh kuhria umo thun, oh kuhria bruk ngak hagait, jeng meda payua kadha tame pakacah.

Huyện Cầu Ngang, tỉnh Trà Vinh bahrau peih nyaom roya dom bangsa takik mbang ka 6. 150 urang lambaok ka labaih 57.000 urang bangsa takik dalam huyện hu mbaok di nyaom roya. Dalam huyện hu jaik 1.000 urang đảng lac urang bangsa takik, 415 công chức, viên chức lac urang bangsa  Khmer. Dom sang kathaot dalam bhum urang bangsa takik trun 3% sa thun, urak ini daok 464 baoh. Huyện jeng khik dom kalup kapul pathau khan patao pakai adat hukum, pacang caga tội phạm, tệ nạn xã hội saong kapul khik caga puk palei.

UBND huyện Nhà Bè, TPHCM jeng bahrau peih nyaom biai dom bangsa takik mbang ka 3. Huyện Nhà Bè hu labaih 2.400 mikva bangsa takik, ngan haong 15 bangsa. 5 thun tapa, huyen tuk halei jeng caik hatai sangka peih ngak sarak bangsa, cak rok patagok kinh tế - xã hội dalam bhum bangsa takik. Tukvak anak tal, huyện Nhà Bè daokk patagok glaong abih dom prein khang buh jien tame cak rok patagok, daong ka mikva bangsa patrun kan kathaot khang kajap, paglaong raidiuk.

Baoh siphau pataom veik bruk mbang huak Michelin Guide bahrau pok angan 2 nhà hàng di TP.HCM mek hu 1 patuk, patagok dom nhà hàng mek hu patuk Michelin di ban raya tagok 3 dalam 7 labik pablei salih mbang menyum di dalam taneh ia mek hu pok meyaom ini. Njauk caik hatai lac, mbang camereip Việt Nam hu nhà hàng mek hu angan Patuk hijao Michelin lac nhà hàng Nén Danang di ban Đà Nẵng. Dom angan ini pamaong tal padang bruk mbang huak khang kajap.

Jit ruak pandiak tabiak darah di Gia Lai daok rahtabiak sarau kadau ngan haong jaik 600 urang ruak meng akaok thun tal ini. Tui Pasak pasang ruak kik tỉnh Gia Lai, pandiak tabiak darah tamuh tabiak di taong abih 17 huyện, ban sit haong jaik 600 urang njauk ruak. Dom labik hu manuac ruak rilo abih lac ban Pleiku, dom huyen Krông Pa, Kông Chro, Đắk Pơ. Meng akaok thun tal urak ini, tỉnh Gia Lai hu 312 sruh jit, dalam nan hu 35 sruh jit ka oh hu padam. 

Kapul daoh thần tượng Hàn Quốc Seventeen hu gah Pato megru, khoa học saong ilamu Liên hợp quốc (UNESCO) pok ngak Đại sứ thiện chí dunya camereip abih ka urang daok ranaih. Dom urang dalam kapul daoh ini taduan hu harak pok ngak di Tổng giám đốc UNESCO Audrey Azoulay di jabat UNESCO daok di Paris, Pháp saong hu harak ndom puac dalam 10 minit. Bruk pok ngak Đại sứ thiện chí ka dam dara urang ranaih UNESCO jeng hu papar binguk tapak angaok YouTube di kapul ini.

Di London, Anh, dom sinh vien tamia ba lê bahrau hu var parang me-in rah tui kraong Thames piah pamadeih veik hatai sahaneng saong pachreih ba ka dom kham marat pacang caga haong biến đổi khí hậu. Tui Mban peih bruk, danak dak piah kakei veik yaok rahra paglaong hatai sahaneng saong bruk ngak di drei piah rik tame langyah dom mbang sarau kadau di langik tasik. Ini lac san klhau bahrau abih dalam danak dak hu angan “parang iek hatai caong” hu tabiak mbaok di Davos, Thụy Sĩ di akaok thun ini.

Labik pablei to yaom dane angan Sotheby's brei thau lac dom kadha “bìa gốc” camereip di baoh "Harry Potter & hòn đá phù thủy" hu pablei haong yaom glaong di abih lac 1,9 triệu USD. Ini lac pandap pambuak tal kadha Harry Potter hu yaom di abih bhian hu pablei to yaom. Họa sỹ Thomas Taylor hu pandar sambo màu ia saong bút chì jhuk ngak jeng kadha gah langiu kanduh baoh tapuk tok dalam 2 harei. Kadha nghệ thuật di ong hu yaih khan angaok “bìa ấn bản” camereip di thun 1997./.