Di tuk Tet di bangsa – Uan raok thun birau nasak tapai 2023, page ini 27/1 - lac harei 6 bingun bilan Tha), Thủ tướng Rajaei Phạm Minh Chính hu cuh gilau kakuh pahadar dhar phol Chủ tịch Hồ Chí Minh saong hu mbaok  peih bruk pala phun akaok thun Miat miat hadar dhar phol Wa Ho di Labik inem krung K9 - Đá Chông, Ba Vì, Hà Nội. Bruk pala phun Miat miat hadar dhar phol Wa Ho - Xuân Quý Mão 2023, kayua Mentri Tài Nguyên saong Moi truong pambuak haong Mentri Quoc phong saong Ban Ha Noi peih ngak. Ini lac bruk ngak pakat negar peih akaok bruk jak ba Tet pala phun dalam nega piah ngak tui danak dak “Daong ka Viet Nam hijao” dalam thun 2023 ba tabiak bruk kham merat pala 22,5 trieu phun hijao.

Di tỉnh Bình Dương hu jaik 8.000 urang ngak daok veik ngak bruk luac dom harei Tết meng harei 29 tal harei 3 bingun Tết. Langiu di jien bilan tagok labaih 300% duk haong harei karei, urang ngak bruk dalam dom harei Tết daok hu doanh nghiệp brei jien lì xì. Tui nan, dalam dom labik ngak kong hu 42 doanh nghiệp pathau khan ka bruk ngak saong urang ngak bruk dalam dom harei padeih Tết anek sak tapai. Tui Sở LĐTBXH  tỉnh Bình Dương, dom doanh nghiệp ngak bruk dalam dom harei Tết jeng hu bayar jien bilan samu 300% harei karei.

Tỉnh Bến Tre hu raok jaik 64.500 mbang tuai du lịch dalam saong langiu negar mai rivang, ma-in Xuân, ma-in bui sambai dalam tuk Tet nguyen dan. Kuhria  taong abih jien mek tame meng bruk dulich lac labaih 77 tỷ đồng, tagok 102% dut saong tukvak ini thun 2022. Uan raok Tet bangsa, dom labik dulich hu brei ramik pasiam, pagheih ngak brei mekre meng dom bein bingu; peih ngak rilo bruk ma-in bui sambai rilo danak dak pambuak haong dom kadha ma-in yau lô -tô, kadha ma-in bhap bini- pandap mbang, bein bingu piah urang thaot binguk pachreih tuai mai rivang nan ye jien mek tame hu rilo jang thun dahlau.

Dalam 2 harei ini, jalan roya 1A, hu biak rilo menuac meng dom tỉnh Sóc Trăng, Bạc Liêu, Cà Mau… mai tui jalan gah TPHCM piah ngak bruk veik. Gam haong bruk khik kajap siam mekre salamat bruk nao mai, oh caik brei gar jalan, gah CSGT, Công an tỉnh Sóc Trăng daok hu padang labik piah daong ka bhap bini gaok bruk oh patuah tuk nao jalan, saong daok hu alin brei dom menuac nao jalan dom blah khan la-an, klaok ia menyum saong tuh brei xăng tuk hu radaih jaik abih xang.

Meng harei ini 27/1, dom pasak  pasang iek radaih di Cục Đăng kiểm Việt Nam  ngak bruk gilac veik duh ka bhap bini saong doanh nghiep. Urak ini, dalam negar hu labaih 80 urang ngak suan hukum njauk chap mek atau tam khik piah langyah kayua pambak tame bruk “ Pambuak bruk mbang jien’, “ Pambang jien ka urang”, “ Mbang jien hoi lo” saong “Ngak ja dalam tuk ngak bruk” rah tabiak di dom Pasak pasang iek radaih di Ban raya HCM, Long An, Tiền Giang, Sóc Trăng, Đồng Tháp, Bến Tre, Bắc Ninh saong Bắc Giang…

Mintri pablei salih Mỹ bahrau ba tabiak dom harak gar brei mboh patagok di nền kinh tế praong abih dunya dalam thun 2022 tok hu 2,1%, lac trun duk haong tanut 5,9% di thun 2021. Mintri pablei salih Mỹ ndom lac, tanut tagok abih tih pandap dalam taneh ia (GDP) biak di taneh ia ini lac brei mboh tanut tagok gah pandar cai di urang blei pandar, pablei tabiak negar langiu saong dom jalan đầu tư. 

LHQ brei thau dahlau rilo bruk sraw kadau sa tuk haong gauk meda ba tal kinh te dunya gaok rilo kan kandah. Patagok GDP di dunya thun ini kuhria rah tapa tok hu 1,9%. Meyah rah tabiak, ye thun ini lac thun patagok biar abih kuhria dalam yaok pluh thun jaik ini, langiu di bruk sraw kadau jien padai 2007 -2008 saong tukvak suy thoái tabung glong kayua jit ruak praong COVID-19. Nan ye LHQ iew rajaei dom taneh ia plaik njiak bruk khik catang jien ndo, kayua bruk nan nyu pacang veik jalan cak rok, ngak jhak tal dom urang mbuan gaok kan kandah, pacang bruk likei kumei  sumu gauk.

Urang jakar Afghanistan brei thau, dalam bilan 1 ni hu labaih 160 urang metai la-an kayua bilan brak jhak abih kuhria dalam labaih sa pluh thun tapa. Afghanistan daok rah tapa bilan brak la-an abih kuhria dalam 15 thun tapa, haong langik la-an tal -34 độ C. Mbang langik jhak ini njauk di tuk Afghanistan daok srau kadau khang gah kinh tế. Tui panuac khan di Liên Hiệp Quốc, Afghanistan daok rah tapa sa dalam dom bruk srau kadau nhân đạo jhak abih di dunya./.