Urang bac sy ngak bruk gam gam oh padeih

Dang akok mbang nyaom ka 3 Mban tacei pato pakat negar peih bruk  ngak tui sanya di Viet Nam pak di Nyaom biai mbang ka 26 Dom gah tame Cong uoc khung di LHQ ka BĐKH daok iew lac ( COP26) peih tabiak tuk page ini di Hà Nội, Thủ tướng Phạm Minh Chính hu panuac ieu khol drei brei pataom tame ginum biai taong yaom veik mbang nyaom ka 2 mbiah tal urak ini ngak hu hagait, bruk halei oh ka ngak hu, njauk bac megru hagait dalam pan akaok ba jalan piah peih ngak siam dom bruk ba tabiak, lang talaik dom kan kandah, dom jalan ngak, sarak hukum ba mbuan lagaih piah peih ngak dom sanya di VN di COP26. Pacang BĐKH nan lac bruk hu makna di dunya, di taong abih bhap bini, yau nan ye njauk brei hu jalan taom gaok haong dunya, haong abih manuac sia.

Pambuak tal bruk bác sĩ, urang ngak gah y tế padeih bruk,  lambaok Hội đồng bhap bini tỉnh Đồng Nai brei thau, jabat chuyên môn daok pasang iek, daong ba tabiak  jalan padang sarak pachreih bruk daong ka urang ngak gah y tế pambuak haong bruk ngak suai lavik, langiu di nan hu chế độ jien bilan, labik ngak bruk mbuan lagaih piah patagok prein rik tame bruk ngak di urang ngak gah y tế. Dalam 6 bilan tapa, gah Y tế tỉnh Đồng Nai hu 231 bác sĩ, điều dưỡng saong kỹ thuật viên padeih bruk. Makna rilo meng lac kayua jien bilan bier, bruk ngak biak glaih glar, kan kandah glaong. Dalam tuk nan, bruk mbuan tamuh veik jit ruak COVID-19 jeng daok glaong.

Tỉnh Sóc Trăng birau peih ngak mbang ka 2 thun 2022 daong padang ngak sang daok ka urang kathaot, kan kandah dalam tỉnh. Dalam mbang ka 2 ini, tỉnh daong padang ngak 1.663 baoh sang, yaok baoh sang hu daong  50 triệu đồng, ngan haong jien peih ngak labaih 83 tỷ đồng. Dahlau di nan, mbang 1 thun 2021, tỉnh ngak salah blaoh bruk daong ngak  2.081 baoh sang ka dom urang kathaot ngan haong jien kuhria abih tih labaih 104 tỷ đồng. Taong abih phun jien peih ngak jeng hu jak ba urang rik tame “Kadung jien daong urang kathaot”.

Pambuak tal bruk tavak tavaiy ka quyen khik caga phun thanh long hatai bhong LD1 di urang nong haong Công ty TNHH Hoàng Phát Fruit, jabat chức năng di tỉnh Long An daok duah jalan langyah. Dahlau di nan, dalam tuk pala iek, Viện phun mbang baoh gah maraong hu pablei pajaih thanh long LD1 ka bhap bini di huyện Châu Thành pala saong peih praong bruk pala. Dom thun hadei, Viện lac pablei ka Công ty Hoàng Phát Fruit saong công ty ini ngak chứng nhận bảo hộ pajaih. Urak ini, urang nong caong pablei tabiak pajaih phun thanh long ini njauk caong hu mã số bhum pala, min oh hu pabak kayua tavak tame quyền bảo hộ pajaih. 

Di Bhum taneran kraong Cuu Long, yaom lac yaom ikan pra tagok khang tal 27.000 - 28.000 đồng/kg min kayua yaom pandap mbang tagok gam, yaom xăng menyek saong dom janih jien karei jeng tagok tui ngak ka urang raong ikan khat lahik. Tui ong Trần Anh Dũng lac akok Chi cục Thủy sản tỉnh An Giang, dalam tuk yau nan urang raong njauk brei pambuak gauk veik jeng kapol nyaom raong ikan atau pambuak jeng HTX raong ikan pra piah “ blei hoang gauk, pablei hoang gauk” ye meda hu kein lagaih. 

Bruk peih ngak danak dak Nhà thờ saong khik piah talang liệt sĩ urang lin halain hatain Việt Nam bahrau hu peih tabiak di tỉnh Battambang, Campuchia. Danak dak ini brei mboh hatai anit anam, thau dhar phol biak glaong anak dom bruk ngak praong di dom anh hùng liệt sĩ var klaak rup drei, ndih veik di taneh Campuchia kayua bruk praong di taneh ia, kayua độc lập, tự do di taneh ia, kayua haniem phul di rahra, kayua sron mbon di 2 taneh ia, 2 bangsa Việt Nam - Campuchia. Meng nan, rik tame ngak pacadu veik dom bruk pandik harao di rilo sang gauk gar di liệt sĩ saong kak kajap veik talei rohim pambuak gauk siam makre di 2 taneh ia Việt Nam – Campuchia.

Uruguay saong Trung Quốc hu mbaok tame ginum biai sa hiệp định pablei salih tự do, piah samar yam tal bruk mbaoh tangin tame thỏa thuận pablei salih tự do dua gah. Urak ini, Trung Quốc lac taneh ia pambuak bruk pablei salih praong di Uruguay, blei tame biak rilo ralow limo, pandap pablei tabiak negar langiu ralo abih di taneh ia ini. Meyah thỏa thuận saong Bắc Kinh, Uruguay lac taneh hadei di Chile saong Peru di bhum Nam Mỹ mbaoh tangin tame hiep định pablei salih tự do di dua gah saong Trung Quốc.

Tổng thống tạm quyền gam lac Thủ tướng Sri Lanka hu ba tabiak adat giới nghiêm dalam taneh ia, hu ngak tui chip. Meng adat ini, bhap bini oh hu tabiak gah langiu, mblang ma-in, labik pataom rilo manuac, ar tasik atau di dom labik hu rilo manuac sia, langiu di dom urang hu harak adat brei tabiak kayua jabat chức năng pabak brei. Dalam sa bruk karei, harei 13/7, bol bala  Sri Lanka hu ba nao tal gah langiu dinh thự Tổng thống piah pasang iek urang trun jalan. Dahlau di nan, urang trun jalan hu nao vil val saong nduac tame Jabat di Thủ tướng di ban ine Colombo, ieuTổng thống Rajapaksa padeih ngak./.

Urang lang: Thu Thảo -Ái Nghiêm -14/7