Mentri Ngak nong saong Patagok palei pala mboh lac: Pandap ikan pra di Viet Nam hu pablai tapa 140 darak pasar di dunya. Min, dom bilan akok thun ini bruk pablei tabiak negar langiu daok trun. Tapa pasang iek, gah chuc nang mboh hu dom labik raong daok pandar rilo jru pacang caga ruak njauk adat pakauk dalam bruk raong ikan pra saong oh ka langyah hu abih; dom labik raong puh ramik, pandap panda mac jamraih oh hu hacih…Langiu di nan, bruk khik glang raong pala saong khik brei salamat hacih pandap ngan haong labik raong, labik pabam pajaih daok rilo tavak tavaiy,  kurang labaih…Kayua yau nan ye, Mentri iew dom gah pambuak tal saong dom bhum palei, doanh nghiep bhum taneran kraong Cuu Long jhul pasamar  bruk pasang iek, pasiam veik bruk oh ka lagaih piah khik  brei hacih sa-at pandap mbang…

Hadei di rilo bilan trun gam gam, yaom hadang thẻ ralaow daok tagok hasit meng 3.000-10.000 đồng/kg, tui janih. Yaom lac yau nan, urang raong hadang di tỉnh Trà Vinh jeng biak caik hatai ka oh khin palao pajaih. Thun ini, tỉnh Trà Vinh daok kuhria palao raong hadang sú, hadang thẻ takai putih labaih 28.000 ha. Min, ngan haong yaom hadang urak ini, mblang taneh palao raong kan mek hu bruk ba tabiak, abih di nyu nan lac di mblang taneh pala hadang takai putih. Urak ini, gah ngak nong tỉnh Trà Vinh daok pachreih ba dom baoh sang raong gilac veik hadang, min palao takik atau palao rah tui bilan piah trun takik dom khat lahik kayua jit ruak.

Tui Sở LĐ-TB saong XH tỉnh Bình Dương, bruk ngak mbang pablei salih di D.N gaok rilo kan kandah. Piah khik bruk ngak, rilo D.N brei trun tukvak ngak bruk, brei atah tukvak pambuak bruk ngak, brei padeih ngak, padeih pambuak bruk ngak…Yau nan ye, 7 bilan tapa, hu labiah 92.700 urang ngak gaok kan kandah, ba tal bruk mek jien tame trun, lahik jien bilan. Piah daong urang ngak, Sở Lao động - Thương binh saong Xã hội Bình Dương pakhang bruk taduan urang ngak, langyah harak ho so piah taduan mbang tui lahik bruk ka urang ngak. Tui nan, duah thau labik brei palih ruah urang tame ngak di dom D.N piah pambuak saong ba bruk ngak ka labaih 57.000 urang.

Piah khik kajap prein taong ruak saong pacang caga bruk tapa prein, dom sang iek ruak di TP. Hồ Chí Minh hu pandar bruk parabha tal piah taong ruak pandiak tabiak darah. Dom sang iek ruak praong dang tabiak daong  ka dom sang iek ruak tal 1, tal 2 tui jalan iek ruak di drei di dom bilik iek ruak, sang iek ruak pak quận, huyện. Meng nan, gam daong ka dom sang iek ruak ini samar drah trun manieng dom kan kandah di sang iek ruak praong. Tui Sở Y tế TP Hồ Chí Minh, bruk parabha tal taong ruak pandiak tabiak darah hu pandar tui ilamo taong ruak COVID-19. Min, dalam bruk taong ruak pandiak tabiak darah di dom sang iek ruak oh hu payua urang ruak gilac veik mai sang iek ruak tal bier jang bo taduan bruk taong ruak tal puac abih. 

Sang iek ruak Đa khoa Thanh Vũ Medic tỉnh Bạc Liêu birau daong iek ruak prein yawa hu siam ka urang umo 34 thun daok di huyen Vĩnh Lợi kayua danko hani kaik 7 labik, ba tal ruak trak. Tui dom urang bác sĩ chuyen khoa, tuk danko vò vẽ dius, danko tangei duis atau dom janih anek con trung karei kaik, meyah oh hu ba nao iek ruak chip, dom urang nan mbuan ba tal metai chip dalam 30 minit camereip. Yau nan ye, mikva juai iek lap tuk danko kaik, atau côn trùng, ula kaik…Meyah brei mboh yau ruak trak yau katan, ndaih tal ndon, glaih, kan suak yawa, havil kaok, jaleih trun ye njauk samar ba tal labik iek ruak jiak abih piah  hu bac si taong ruak samar.

Meng di tuk negar Campuchia brei thau sarak pok ong Tiến sỹ Hun Manet ngak Thủ tướng Rajaei negar Campuchia tukvak bahrau (2023-2028), Thủ tướng urak ini, lac Samdech Techo Hun Sen hu payuapanuac brei thau ka 15 harei ngak bruk puac tukvak hadei di jaik 4 piluh thun ngak Thu tuong. Dalam panuac di Thủ tướng Hun Sen hu khan cambaih: “Harei 7/8, patao hu tabiak sarak, pok Thủ tướng bahrau piah pan akaok taneh ia hadei di tuk dahlak padeih, peih jalan ka dom urang hadei di dahlak patui veik pan akaok”.

Gilang pariak Trung uong Anh patagok veik jien laba meng 0,25 % tagok 5,25%, brei mboh jien laba tagok mbang ka 14 gam gam. Min bruk lạm phát glong di Vương quốc Anh daok ngak having akok rilo bhap bini taneh ia, tuk urang njauk gaok kan kandah kayua yaom pandap mbang saong menyek gam gam tagok yaom pambak praong. Tapa pasang iek kayua Jabat yaok pataom negar Anh, peih ngak meng harei 28/6 tal 9/7 meng blaoh, jaik sa dalam 3 urang negar Anh hu tangin sua javap lac daok pandar jien patak pataom hu piah bayar jien cai pandar yaok harei.

Jabat Cảnh sát Hình sự dunya (Interpol) saong Cảnh sát Hình sự châu Phi pambuak gauk peih ngak danak dak pacang caga bruk pablei salih manuac hu peih ngak labaih 1.000 mbang cap khik di dunya saong thau hu angan di yaok rabau urang njauk bala. Danak dak ini hu angan ieu lac Flash-Weka hu peih tabiak ngak dalam bilan 5 saong bilan 6 bahrau blaoh di 54 taneh ia, pamaong tame dom jalan ngak di kol tội phạm pambuak tal bruk pablei salih manuac di châu Phi. Urak ini, danak dak ini cap mek hu abih tih labaih 1.000 urang hu pambuak tal bruk pablei salih manuac, duah mboh labaih 2.700 urang di cư suan hukum saong brei thau angan di labaih 800 urang njauk bala pablei salih manuac./.