Thu tuong Pham Minh Chinh pal akaok nyaom biai 

  Par akaok mbang nyaom ka 17 di Mban pato tacei jalan pacang caga jit ruak COVID-19, Thủ tướng Phạm Minh Chính brei thau lac, tal urak ini, bruk pacang caga jit ruak hu siam lagaih, jit COVID-19 pasang iek hu, min jit ruak jeng daok rahtabiak sarau kadhau, hu hadom labik, rilo urang daok iek bier. Kayua yau nan ye, Thủ tướng kakei lac mbang nyaom ini dom urang dalam Mban pato tacei jalan, dom mintri, dom gah, dom tinh ban hu langyah ngak cambaih laih dom makna saong hu jalan piah ngak pasiam. Urak ini bruk kurang jru tavao dalam bruk iek ruak, taong ruak di dom labik y tế jeng daok rahtabiak, kayua yau nan ye Thủ tướng hu ieu kakei dom mintri, dom gah, dom tinh, ban hu pambuak gauk, pasang iek bruk blei jru tavao daok gaok tavak tavaiy halei piah hu jalan piah lang talaih. Ieu kakei pandar công nghệ piah bruk to yaom jru tavao hu peih ngak cambaih laih.

Viện Khoa học hình sự saong Jabat Cảnh sát pasang iek di Mentri Công an daok pambuak haong Công an tỉnh Bình Dương peih bruk pasang iek ngak brei cambai laic kayua meng halei apui khuah labik peih karaoke An Phú  di ban Thuận An. Mbang khuah nan ngak brei 32 urang metai. Dahlau di nan, Yam ndoc Công an tỉnh Bình Dương hu tacei pato Jabat Cảnh sát pasang iek ngak brei salah dom harak gal, ba tabiak kaoh tui hukum, pasang iek bala nan “ Ngak suan dom hukum ka pacang khuah padam khuah” rah tabiak di labik karaoke nan.

Tal urak ini, 41 baoh sang praong di danak dak Charm Hồ Tràm, xã Phước Thuận, huyện Xuyên Mộc, tỉnh Bà Rịa - Vũng Tàu jeng ka oh hu harak adat padang ngak. Dahlau di nan, dom baoh sang praong ini bhian njauk taong phat jien padai kayua padang ngak oh njauk adat hukum. Danak dak Charm Hồ Tràm (dahlau di nan, lac danak dak Hải Thuận) kayua Công ty Cổ phần buh jien tame cak rok patagok dịch vụ du lịch Hải Thuận, hu jabat ngak bruk daok di quận Tân Bình, TPHCM, ngak po buh jien tame. Bilan 8/2020 doanh nghiệp nini hu padang ngak 41 baoh sang praong oh hu harak adat daok jaik tapen tasik Hồ Tràm saong njauk taong phat jien padai dalam gah padang ngak sang danaok. 

Dalam 2 hareu tapa, ia ndik di ban Cần Thơ yam tapa tanut pakat 3. Ia tagok ngak dauk dalam tal 30cm di rilo jalan dalam pasak ban. Hu labik ia dauk dalam tapa meteh met saong sre tame sang mikva bhap bini. Tui dom urang ilamu gah khí tượng thủy văn, mbang ia ndik  nan di Ban Cần Thơ meda tagok glong blaoh trun.  Yau nan ye, bhap bini brei cakong glong tagok pandap panda dalam sang, brei ramik veik bruk ngak caga dahlau, tukvak noa mai piah hu salamat. Tui kuhria mboh dahlau, harei ini ia ia di bhum gah Pei negar daok glong tanut pakat 3, meda ngak dauk, abih di nyu lac biar harei mesup.

Công an xã Tân Hưng Đông (huyện Cái Nước, tỉnh Cà Mau) brei thau, saai Nguyễn Hiền Phong (umo 24 thun, daok di xã Tân Hưng Đông) bahrau hu jao gilac paok jien praong ka urang Việt daok di negar Mỹ ngak laik. Dahlau di nan, bier harei 11-9, saai Phong nduac radaih taxi pajeng tuai mai tal nhà thờ Tắc Sậy (ban sit Giá Rai, tỉnh Bạc Liêu) ye hu duan sa kadung. Kayua oh thau urang halei ngak laik, nan ye saai Phong hu pathau khan haong Công an xã Tân Hưng Đông. Gam tui di nan, hu khan brei thau mangaok mạng xã hội piah hu rilo menuac thau saong daong duah. Tapa duah thau, Công an mboh lac po kadung nan lac saai Huỳnh Như (negar Mỹ).

Mbang nyaom akaok meti di Đại hội đồng Liên hiệp quốc (LHQ) Mbang 77 hu peih tabiak meng harei ini 13/9. Di var ginum biai puac abih di Đại hội đồng Liên hiệp quốc mbang 76 peih tabiak di harei kabroi 12/9, Urang dang akaok bahrau di Đại hội đồng LHQ mbang 77 lac Csaba Korosi hu tuyên thệ taduan bruk ngak, sanya meda kham merat pambuak saong ba jalan ngak dom bruk di jabat praong abih di LHQ tal dom bruk salih birau makna ba mai kein lagaih. Gam tui ngak Danak ginum biai pambuak klau bruk praong di LHQ lac khik brei salamat hòa bình, an ninh, salih bruk ngak po di manuac sia saong pamong tal patagok khang kajap.

Javap jaloi tangi sua di kênh CNN, Tổng thống Ukraine Vladimir Zelensky ndem lac, taneh ia ini meda lah dalam mbang mesuh haong Nga mayah oh hu bruk daong jien padai haong quân sự biak rilo meng Mỹ. Mỹ hu daong quân sự labaih 30 tỷ USD ka Ukraine meng dahlau mai. Dom phao ndao jaik di ini hu yaom lac 675 triệu USD. Langiu di phao ndao saong jien hu ba tame kadung jien karja di Ukraine, dom jabat tình báo di Mỹ saong Anh jeng daok pambuak gauk haong gah Ukraine pambuak tal bruk mesuh metak.

Bruk lạm phát di Ấn Độ dalam bilan 8 tagok 7% dut saong tanut 6,71% di bilan 7. Bruk ba tal lạm phát tagok glong  lac kayua yaom pandap mbang tagok samar. Urak ini, dom janih pandap mbang dalam bilan 8 tagok 7,625 dut saong yaom tagok glong abih lac 6,75% di bilan dahlau di nan. Njauk caik hatai lac, yaom janih njam patam baoh karaoh  tagok 13,23%. Tui Cục Yaok pataom negar di Mentri Yaok pataom saong Peih ngak Danak dak Ân Độ, dalam bilan tapa, yaom kaom dom janih pandap tagok samar jang di bhum palei pala dut haong labik thành thị./.

Urang lang: Thu Thảo -Ái Nghiêm -13/9