Mentri Brei thau saong truyen thong birau peih bruk parang iek gah số hóa bruk ngak po kaoh pulao tasik Viet Nam di website truongsaxanh.vietnam.vn. Ngan haong 200 blah thaot, 23 video clip, parang iek online “Trường Sa Xanh” haong dom tư lieu biak ralo ka tasik, pulao Viet Nam, sajarah dakrai po di Viet Nam, dom danak dân sự brei mboh ilamu, jalan sahaneng saong raidiuk di mikva daok Trường Sa. Parang iek hu pabak khaw tin, brei pabak rilo dữ liệu ka tasik, kaoh pulao di Negar, rik tame brei mboh bruk ngak po Việt Nam angaok không gian so.

Sở LĐTB-XH TPHCM brei thau lac, dalam gah pablei salih dịch vụ, ngak kong di dalam ban daok caong pilih ruah urang ngak biak rilo, meng 23.000 - 25.000 urang ngak dalam bilan 12/2022. Tui Pasak Dịch vụ bruk ngak TP.HCM, langiu di 15 công ty caong pilih ruah 3.900 bruk ngak, tui kuhria, dom doanh nghiệp dalam Labik Công nghệ glaong di ban raya HCM dalam bilan 12 saong quý 1/2023 caong hu labaih 2.400 urang ngak; di labik chế xuất, labik ngak kong caong hu 12.661 urang ngak. Kuhria tal bilan 11/2022, TP.HCM hu 28 doanh nghiệp hu khan brei urang ngak padeih bruk, tui nan dom urang lahik bruk lac 2.859 urang.

Nyaom kapol Raong glang athur praong Viet Nam birau pok panuac tagok Mentri Ngak nong saong Patagok palei pala pasang iek, taong yaom dom khaw tin ka limo diuk blei tame oh hu pasang iek, dut iek ruak; meyah hu, meda mbuan ba tal pambak rilo ruak jhak, ngak khat lahik biak ralo ka gah raong glang. Mentri Ngak nong saong Patagok palei pala brei panuac ka UB bhap bini dom tỉnh, ban pasang iek, langyah catang dom urang ngak suan, oh caik rah tabiak bruk pablei salih, pajeng ba suan hukum limo, kubao tame Viet Nam, abih lac dom tỉnh taphia negar Lào, Campuchia. Urak ini dalam taneh ia birau hu meng 40 - 45% bruk blei rilo limo, daok veik njauk blei tame.

UBND tỉnh Vĩnh Long bahrau tabiak panuac samar drah ka bruk glut jaleih takai kraong Cổ Chiên di labik atah labaih 700m, dalam puk Bình Thuận 1, xã Hòa Ninh, huyện Long Hồ. UBND tỉnh jao ka Yam ndok Sở Ngak nong saong patagok palei pala dang tabiak, pambuak haong dom sở, dom gah pambuak tal, saong Akaok UBND huyện Long Hồ ba tabiak ngak dom jalan ngak oh lac danak dak saong danak dak, piah trun manieng dom khat lahik ka manuac sia saong drap ar, khik tani tanat bruk ngak saong raidiuk di rahra. Rilo bruk glut jaleih rahtabiak meng harei 5/12 di kraong Cổ Chiên, ngak ka 22 baoh sang khut, jaleih, tui kuhria khat lahik labaih 35 tỷ đồng.

Hajan praong gam gam dalam dom harei tapa ba tal yaok rituh hecta phun pala ralo lagaih di tỉnh Ninh Thuận dauk dalam ia, khat lahik trak. Cambiac laic, di phường Văn Hải, TP Phan Rang – Tháp Chàm, mbang hajan khang dui atah labaih 220 ha phun pala yau nha dam, táo, nho…saong njam patam dom janih dauk dalam ia. Dalam nan, rilo taneh pala phun dauk ia tame dalam rilo harei ngak bruk gha, khat lahik labaih 90%. Rajaei pak palei brei manuac urang ba mac njuk pruh ia tabiak, takik kkat lahik ka bhap bini. Yau nan min, urak ini rilo labik dauk dalam ia, yaok ratuh hecta phun pala di bhap bini mbuan labih abih.

Rajarei Nhật Bản hu jalan patagok jien je saong khik tani tanat 1 ribau tỷ yên (7,3 tỷ USD) yaok thun meng thun jien padai 2027 piah pabak 1/4 kadung jien brei ka gah quốc phòng piah pacang caga haong dom kan kandah gah an ninh. Bruk patgok jien je meda hu ngak dalam rilo thun. Nhật Bản meng lavik mai brei buh ka gah quốc phòng di tanut 1% abih tih pandap di dalam taneh ia, samu 5,4 ribau tỷ yên dalam thun jien padai urak ini. Tui jalan ba tabiak, bruk pandar cai ka quoc phong nyu tagok 2% di thun 2027 tui panuac di Rajaei ieu Nhật Bản buh tabiak abih tih 43 ribau tỷ yên dalam 5 thun anak tal. 

Labaih 2.000 – 3.000 urang khik iek bruk tame tabiak negar di dom mblang kapal haok praong di Anh hu ba tabiak bruk padeih ngak meng harei 23 tal 31/12 piah ndok tagok jien bilan. Mentri Di trú Anh brei thau jabat chức năng daok pambuak saong dom mblang kapal haok di Anh caga rilo bruk rah tabiak. Rajaei Anh iew dom c,ty saong kapol nghiep doan kham ginum biai piah plaik njiak bruk padeih klaik klaoh dom bruk ngak raidiuk yaok harei di bhap bini taneh ia ini dalm tuk padeih le puac thun.

Gilang paraik cak rok patagok Châu Á (ADB) hu brei tapa paok jien 73 triệu USD daong ka gah kaya ikan tapen tasik saong bhum tasik di Campuchia. Ini lac paok jien praong abih di ADB buh tame ka gah kaya tasik saong lac takai yam khang dalam bruk ngak ka tasik siam makre saong ka kinh tế hijao khang kajap. Tui ADB, gah kaya ikan meblah meng 8% -10% abih tih pandap panda dalam taneh ia Campuchia, min bruk taong cap biak rilo tapa tanut batabiak saong bruk biến đổi khí hậu ngak brei kaya ikan trun khang. Tui danak dak, labaih 40% bruk ngah ikan tapen tasik meda hu pasiam veik jeng dom doanh nghiệp ngak tabiak saong khang kajap./.