Di Tukl pahadar 48 thun harei Peih paha gah meraong negar, yasa taneh ia  (30/4/1975 - 30/4/2023), page ini (28/4), Kapol urang jakar BCH Trung ương Đảng, Akok negar, Quốc hội, Rajaei, Ủy ban Trung ương Mặt trận negar Việt Nam hu pok bingu, tame rivang sirah Kalan Chủ tịch Hồ Chí Minh saong cuh gilau, hadar dom AHLS di Đài Tưởng niệm dom Anh hùng liệt sỹ di Bắc Sơn. Anak rup tau Chủ tịch Hồ Chí Minh, Kapol urang jakar brei mboh hatung hatai thau dhar phol, hadar tal prein yava, bruk ngak praong glaong di Wa Ho brei ka bruk cách mạng di Đảng saong bangsa drei. Wa Ho luac rai ngak bruk ka bhap bini, ka taneh ia, ba jalan ka Đảng drei, bhap bini drei ngak jeng dom jakyak praong. Vang bingu di Kapol hu dom haroh lac: “ Miat miat hadar dhar phol CT Ho Chi Minh praong uranam”.  

Jeng di dalam dah page ini (28/4), Ban Tuyên giáo Trung ương, Ban Tuyên giáo Thành ủy TP.HCM saong Ban peih bruk pahadar dom harei Rija praong di Ban raya pambuak gauk peih bruk parang iek thaot binguk “hadah hadai jalan tapen negar”. Parang iek meng harei 28/4 tal harei 6/5, di 4 labik lac jalan nao takai Ng.Hue, jalan Đồng Khởi, anak mbaok Mblang bein Chi Lăng saong Cung Văn hóa Lao động. Di jalan nao takai Nguyễn Huệ, parang tabiak labaih 200 thaot bingu gheih mekre ka TP.HCM dalam 48 thun tapa. Tapa dom blah thaot binguk hu brei mboh dom siam gheih di taneh ia, jalan tapen negar taneh ia saong ilamo, langik tasik, anek manuac di bhum tapen negar; brei mboh ka raidiuk, pasram mesuh di bol lin haong rahra daok harei melam khik kajap jalan tapen negar di taneh ia.

Dom pandap dulich birau pambuak haong bruk rivang ma-in di labik bein kraong ia saong dom siam gheih di bhum palei Vĩnh Long gam haong radiuk bhap bini Nam Bộ hu caong lac meda dui pachreih hu rilo tuai damuai mai me-in tuk padeih le. Piah caga duh ka tuai damuai dalam tuk le  Pachit da-a Po Hùng,  harei 30/4 saong harei 1/5, Sở Ilamu, The thao saong Du lịch tỉnh Vĩnh Long iew dom gah brei niêm yết yaom pandap, dich vu, brei thau cambiac yaom piah trun takik bruk tagok yaom glong, sangka tal bruk khik brei hacih sa-at, salamat pandap mbang menyum saong caik hatai sangka bruk pacang caga jit COVID-19. Dalam tỉnh Vĩnh Long  urak ini hu 27 homestay, 8 bhum du lịch saong 20 labik bein baoh kayau.   

Harei ini (28/4), công an dom labik di dalam tỉnh Bình Dương hu ba gauk  tabiak, pasang iek labaih 20 labik ngak bruk di Công ty Cổ phần F88 .Di dom labik nan, công an pasang iek dom bruk tui hakum. Mayah mboh ngak suan ye njauk langyah tui adat hukum. Dahlau di nan C.A TP.HCM hu pasang iek, duah mboh 79 labik di F88 hu dom bruk ngak suan gah khik ramik bruk ngak hu pambauk tal an ninh trật tự.

Ninh Thuan yam tame tabung glong bilan thu, mbuan hu khuah glai pakat glong. Anak bruk nan, dom pakat, dom gah, bhum palei, đơn vị po glai  hu padang ngak dom jalan saong parilo jakra bhian hu mbaok khik iek piah pacang, caga padam apui khuah glai. Tui Chi cục khik iek glai tỉnh, dom labik mbuan khuah glai dalam tukvak anak tal lac dom glai di huyện Ninh Sơn, Bác Ái haong Thuận Nam. Kayua langik pandiak, thu lagu, mbuan rah tabiak khuah glai, yau nan ye piah caga  pacang khuah, padam khuah glai, langiu di bruk kham merat khik iek di urang jakar, brei hu bruk daong di bhap bini daok jaik glai.

Kuhria tal urak ini, Ai Cập saong Saudi Arabia  panduan ba hu labaih 18.600 urang meng labaih 50 taneh ia saong 6 kapul nyaom dunya tabiak truh Sudan, dalam tuk bruk mesuh gauk di bol lin Sudan saong Kapul daong samar drah bán quân sự daok rahtabiak yaom lac bruk padeih mesruh hu dui atah tukvak jang. Dalam sa bruk bahrau abih di Sudan, dom sruh kapar haoh mesuh di Sudan hu taong tame kapul bán quân sự di ban ine Khartoum, dalam tuk bruk mesuh gauk ngak brei menuac metai saong co blah tamuh tabiak rilo di Darfur.

Blah mbao Washington Post ba panuac urang jakar quân sự Mỹ lac, 3 urang peih kapal haok metai dalam bruk 2 sruh kapal haok  Apache di Lục quân Mỹ laik di bang Alaska tuk mai veik hadei di pasram par. Urang brei panuac di Lục quân Mỹ lac 3 dalam 4 urang peih kapal haok  nan metai blaoh. Gah chức trách daok dauh thau makna ba tal bala. Ini lac bala mbang ka dua dalm thun di Alaska hu pambak tal kapal haok Apache. Bilan 2 meng blaoh, sa sruh kapla haok janih yau  nan laik di mblang kapal haok gah Meraong bang Alaska, ngak brei 2 urang njauk rambuac. 

Mayah oh hu bruk pandiak tagok di baoh taneh, sa mbang pandiak bhang biak trak damak oh rahtabiak di bhum Sừng châu Phi. Ini lac panuac pathau khan hu ba tabiak di Kapul pambuak gauk dunya roh duah ka dom kan kandah di bruk biến đổi khí hậu World Weather Attribution (WWA). Meng di puac thun 2020, dom taneh ia di bhum Sừng châu Phi njauk mbang pandiak bhang biak trak damak abih dalam 40 thun tapa. Tapa  langyah dom hajan di bhum pandiak bhang glaong di abih di bhum ini dalam dua thun bahrau blaoh, dom urang roh duah ilamo mboh lac biến đổi khí hậu daok salih tukvak hajan. Bilan hajan atah meng bilan 3 tal bilan 5 daok trun mateh, dalam tuk hajan katut meng bilan 11 tal puac bilan 12 daok dui atah jang.