Urak ini, dom urang jakar, công chức Khmer dalam hệ thống chính trị di tinh lac 4.815 urang; dalam nan, urang jakar khik ramik lac 560 urang. Dom ilamo lý luận chính trị, ilamo ngak bruk, prein ngak bruk, hatai taduan bruk ngak di dom urang jakar bangsa Khmer oh padeih patagok, pabak hu bruk chinh tri hu jao brei. Dom urang ngak, ilamo di urang đảng bahrau tame lac urang bangsa Khmer tagok yaok thun, ilamo bac magru dak harei dak glaong.

Piah patagok gah hadang di tỉnh jeng pasak praong abih di bhum taneran kraong Cửu Long saong di taneh ia, UBND tỉnh Cà Mau brei peih ngak jalan patagok gah hadang tỉnh Cà Mau tukvak 2021-2030. Dalam nan, abih tih phun jien buh tame ka patagok gah hadang tal thun 2030 lac 20.000 tỷ đồng. Tỉnh brei peih bruk ngak haong dom jalan ngak lagaih, pandar ilamu công nghệ bahrau piah paglaong năng suất, sản lượng, asal siam gah hadang di tỉnh. Tapa nan, ngak brei hadang di tinh hu ginup prein meriak gauk angaok darak pasar, lagaih haong biến đổi khí hậu.

Yaom padai di bhum taneran kraong Cửu Long adit blaoh dang sa labik, bruk pablei salih jeng daok suai veik. Di An Giang, yaom jaik abih dom janih padai oh salih karei, meng 7.500 – 8.000 đồng/kg. Gah darak pasa pablei tabiak negar langiu, brah 5% makuac di Việt Nam hu pablei yaom meng 585 - 590 USD yaok tấn dalam harei 23 bilan 5, oh salih dut saong sa adit dahlau blaoh. Tui Mintri Ngak nong saong Patagok palei pala, kuhria tal kreih bilan 5, bhum ĐBSCL trun pajaih bilan Hè Thu hu 982.000 ha dalam abih tih 1 trieu 4 rituh 80 ribau ha tui bruk ba tabiak.

Dalam tỉnh Bà Rịa-Vũng Tàu urak ini hu jaik 1.400ha durian, rilo meng lac pajaih Ri6 saong Monthong Thái Lan. Urak ini dom bein daok tame bilan paik baoh. Min thun ini kayua langik pandiak khang, phun durian njauk pandiak ngak ka baoh mada jruh rilo. Kuhria rah tapa, 1ha paik hu meng 8-10 tấn, urak ini trun meng 10-20% sản lượng duk haong thun 2023. Urak ini tỉnh daok daong ka urang ngak nong, dom HTX padang rilo jang dom mã số bhum pala durian pablei tapa negar langiu piah mikva pala durian hu labik pablei, yaom kaom tani tanat, hu jien mek tame rilo jang.

UBND tỉnh An Giang njauk gauk oh mek jien dalam tukvak Vía Bà ceik Sam thun 2024. Via ba ceik Sam hu peih tabiak di harei paguh 28/5. Meng harei 29/5 tal harei 3/6 hu dom adat praong hu ngak yau meng kan mai, yau ye: padang ngak ngak veik bruk raok rup patau amuk, adat manei ka amuk, adat raok sắc ông Thoại Ngọc Hầu mai kandi amuk. Gam haong nan lac dom bruk ngak piah mayaih khan tal rahra, tuai damuai dalam saong langiu taneh ia ka thaot binguk bhum taneh, anek manuac, labik mekre meng langik tasik, dom inem krung sajarah, yaom glaong inem krung ilamo angan je, siam gheih di  tỉnh.

Triều Tiên hu khan brei negar Japon thau lac taneh ia ini meda cuh tên lửa pagam vệ tinh không gian nao gah tasik Hoàng Hải saong gah Timur pulao Luzon dahlau harei 4/6. Panuac khan ini hu Triều Tiên ba tabiak anak nyaom biai pakat glaong abih di 3 gah Japon, Trung Quốc saong Hàn Quốc di Seoul harei ini (27/5), yau brei thau lac 3 labik mbuan gaok bala angaok tasik lac labik dom candaih pacah di tên lửa meda laik trun, lac: 2 labik gah pai pulao kaoh Triều Tiên saong labik daok veik lac di gah meraong pulao kaoh Triều Tiên.

Sa kapul dom urang roh duah ilamo meng Viện Kong nghe saong salih bahrau Y tế Sang bac Đại học Quốc gia Singapore  hu khan brei thau sa jalan bahrau lac pandar xung điện meng katut saong hanjul piah pamadeih tế bào cơ ngak tabiak saong giải phóng protein, hu dom kein lagaih piah pacang caga veik haong ung thu. Dom phân tử hóa học ralai srau ini hadei di nan meda nao tui jalan darah tal abih tih dom labik dalam rup pabhap piah khik ka abih tih dom labik pacang caga veik, pacang cakak haong ruak ung thu bo oh cang pandar jru. Kapul urang roh duah kuhria lac meda peih dom mbang roh duah dalam jang piah brei thau dom dấu ấn sinh học pacang veik dom janih ruak ung thu karei.

Akaok Mintri Nội vụ taneh ia Iran brei tabiak harak tacei ka bruk pilih ruah tổng thống mbang ka 14 di taneh ia. Dalam harak thư payua dom tỉnh trưởng dalam taneh ia, akaok mintri Nội vụ hu panuac ieu dom tỉnh padang labik pilih ruah saong dom jabat pambuak tal dalam 3 harei, meng di harei 26/5. Dalam nan, bruk tut angan di dom urang tabiak ứng cử, lac meng harei 30/5 tal harei 3/6. Dom menuac tut angan tabiak ứng cử lac urang hu asal Iran, hu quốc tịch Iran, ngak hu bruk praong saong hu angan je siam, sanya ngak njauk tui jalan ngak di Iran saong tui agama di taneh ia ini, lac Islam./.