Danak dak ngak iek bruk padang labik pala phun mbang baoh bhum Đồng Tháp Mười di tỉnh Long An mek hu dom siam lagaih. Dom baoh kayau di danak dak hu mbaok di rilo taneh ia yau Hàn Quốc, Nga, Anh, Hoa Kỳ, Trung Quốc, châu Âu saong New Zealand. Dom palei hu padang saong patagok hu 2 chuoi pambuak HTX saong daonh nghiep. Gam haong nan, 5 HTX saong trang trại pala dom janih phun mbang baoh yau panat, kruac bung, durian, kruac aik hu daong harak VietGAP, khik brei pandap hu siam tui tanut chuan dunya.

Pasak dich vu bruk ngak Ban raya HCM bahrau peih San jao dich bruk ngak pambuak bhum di Ban raya haong dom tinh, ban bhum ĐBSCL saong dom tinh, ban jaik taphia. San jao dich bruk ngak hu peih ngak tapak saong meng jalan pambuak online di mangaok nen tang Skype, Zoom,… hu peih tabiak di Sang bac FPT Polytechnic (Mblang bein phần mềm Quang Trung, Quận 12). Amuk Nguyễn Văn Hạnh Thục, Yam ndok pasak Dịch vụ bruk ngak TP.HCM brei thau, san giao dich ini piah daong ka doanh nghiep, urang ngak hu pambuak haong dom jalan pilih ruah; dom tinh, ban hu rilo urang ngak bruk daong ka dom tinh, ban daok veik ka gah manuac ngak piah pabak ka dom doanh nghiep caong pilih ruah urang ngak.

Cong an tỉnh Đồng Nai birau tabiak mbaok fanpage piah taduan khaw tin brei thau kol toi pham. Blah fanpage Kong an tỉnh Đồng Nai (https://web.facebook.com/TTCADN) angaok facebook tuk halei jeng hu kapol urang pabak khaw tin, ba tagok, pasang iek, taduan khaw tin sumu. Fanpage brei pabak khaw tin samar drah di kong an saong bruk an ninh trat tu. Tui nan, taduan saong langyah khaw tin meng bhap bini tapa dua jalan angaok fanpage atau nhan tin tapa ứng dụng facebook messenger…Tapa nan, rik tame bruk khik brei salamat siam mekre dalam tỉnh.

Ban Vũng Tàu, tỉnh Bà Rịa - Vũng Tàu daok peih bruk biyar jien boi thuong, daong ka 22 baoh sang rahra kayua Kanja mek taneh piah ngak danak dak pambuak jalan nduac samar drah Biên Hòa - Vũng Tàu (labik meng canah pak Vũng Vằn tal labik jalan tapen tasik ĐT 994). Dalam mbang ini, ban Vũng Tàu peih bruk biyar jien, ngan haong paok jien jaik 96 tỷ đồng. jaik abih rahra hu taneh njauk pataom mek jeng njauk hatai haong jalan biyar jien di bhum palei, peih bruk mbaoh tangin tame harak taduan jien, jao mbaok taneh. Bruk biyar jien hu parabha jeng 4 mbang saong tui kuhria harei 15/8 anak tal meda ngak salah, dalam bilan 9/2024 meda jao mbaok taneh ka po padang ngak danak dak.

Vien Kiem sát bhap bini tỉnh Bình Dương hu ngak salah cáo trạng saong payua ho so bruk apui khuah wuan karaoke An Phú, ngak brei 32 urang metai di melam 6/9/2022, tapa Toa an bhap bini tinh piah langyah. Hu 6 urang pambuak tal bruk nan njauk ba tabiak langyah tui hukum. Puac thun 2023, bruk apui khuah labik karaoke An Phú hu ngak salah bruk pasang iek, gah Viện pasang iek hu payua harak hồ sơ tapa Tòa án bhap bini tỉnh Bình Dương brei langah. Hadei di tuk langyah ho so, di harei 1/3/2024, Tòa án bhap bini tỉnh Bình Dương hu bayar ho so ka Vien kiem sat tỉnh Bình Dương iew brei pasang iek pabak dom bruk pambuak tal. Hadei di tuk pasang iek brei pabak, jabat Cảnh sát pasang iek hu brei ba tabiak kaoh tui hukum 2 urang tra.

Dom jabat y tế Hàn Quốc brei thau lac, dalam thun ini dom urang nao tal bilik cap cuu kayua dom janih ruak pambuak tal langik pandiak tagok tal 1.000 urang. Ruak kik kayua langik pandiak meda pacang caga hu saong kakei rahra bhian manyum ia, duah labik lanieng lahei saong patakik dom bruk ngak di langiu langik pandiak. Negar ini jeng pathau khan panuac pato tacei pacang caga ruak kayua langik pandiak bhang di bilan 5 saong jaik di ini hu cih tabiak blah “pato tacei pacang caga ruak kik kayua langik pandiak di dom mbang nyaom biai hu rilo manuac”, meda rahtabiak dalam dom mbang pataom gauk di langiu langik.

Piah trun takik bruk tuai mai rivang ma-in rilo ngak tapa prein duh, ban Venice negar Áo brei ngak tui hukum birau, lac yaok sa kapol dulich ralo abih hu 25 urang. Ini lac bruk kham ngak birau abih piah patrun bruk rilo urang tuai tame mai ngak tapa prein duh, khik caga alam moi truong saong asar siam dalam raidiuk di bhap bini pak nan. Langiu di nan, bruk peih loa papar sap di urang tacei ba tuai rivang ma-in dulich brei pakauk. Dom urang oh ngak tui hukum birau meda njauk taong phạt meng 25 tal 500 euro (27-541 USD).

Australia ieu kakei rahra di drei pak Liban tabiak nao chip anak bruk catang tagok di Israel saong kapul pan phao kraong Hezbollah.. Panuac ieu kakei hu ba tabiak hadei di tuk dom gah dong minh di Mỹ saong Anh hu dom panuac kakei deih yau nan dalam adit ini. Urak ini hu labaih 15.000 urang Australia daok pak Liban saong meda tagok jang veik dom ribau urang dalam dom bilan pandiak (meng bilan 6 tal bilan 9). Labaih mateh trieu manuac Australia brei thau lac hu asar lac urang Liban dalam mbang pasang iek rahra thun 2021./.