Harei ini 19/8 di Hà Nội, Mentri Ngak nong saong Patagok palei pala pambuak saong Mentri Thông tin saong Truyền thông peih bruk “Salih số Ngak nong saong Patagok palei pala” saong khan brei thau Hệ thống thông tin saong cơ sở dữ liệu, khik ramik mã số bhum pala drak. Tui kuhria mboh, dalam taneh ia urak ini hu 4,8 trieu ha taneh pala drak. Dalam nan, rilo bhum hu brei mã số định danh piah pasang iek bruk pala drak, duah thau meng halei mai, paglong asar kaya nong…Yau nan min, bruk pala drak daok sit sot saong oh ka pambuak hu ginup khaw tin di bruk pala drak saong darak pasar…Bruk nan iew njauk brei jhul pasamar bruk pandar salih số dalam gah pala drak piah paglong bruk ngak mbang pala drak. Tui nan, pakhang bruk kuhria mboh dahlau jit ruak, ramik pasiam bilan pala drak saong ba ilamu tame pala drak brei rilo baoh, paglong asar kaya nong  pabak sumu bruk blei dalam taneh ia saong pablei tabiak negar langiu.

Peih ngak sarak ka 24/2022/UBTVQH15 di Ủy ban Thường vụ Quốc hội ka bruk bayar jien dong ka urang ngak tui sarak ka  03/2021/UBTVQH15 hu ngak harak hồ sơ njauk tuk vak. Kuhria tal bier harei  18/8, Bảo hiểm xã hội 63 tỉnh, ban hu dong ka labaih  243 ribau urang ngak  ngan song pok jien lac 689 tỷ đồng.

Hadei di 2 bilan ba tabiak langyah dom bruk meblah mek glai, labik khik ramik tasik, ramik hareik, nerak di kraong Dương Đông di ban Phú Quốc, Kapol nyaom ngak bruk đặc biệt di tỉnh Kiên Giang mek vaik labaih 139 ha taneh glai saong taneh quy hoạch glai meblah mek suan hukum, dalam nan hu jaik 12 ha taneh glai pacang caga, labaih 41 taneh glai đặc dụng; ba tabiak kaoh tui hukum 8 mbang hình sự ka duis palai pajua glai saong duah thau pabak ginup ka 03 hồ sơ; palai rilo phun pala, meng nan dom bruk meblah taneh glai hu padeih veik.  

Pagam tal bruk njauk jru mek alak gam gam rah tabiak di ban raya ngak ka rilo urang metai song tame sang iek ruak , Mban khik ramik hacih saat pandap mbang  ban raya.HCM ndom lac, makna ba tal dom bruk nan lac kayua bhap bini pandar alak oh siam, gam song nan hu panuac kakei bhap bini jhui menyum cồn công nghiệp song alak hu Methanol labaih 0,1%; jhui menyum alak hu  nồng độ meng  30 độ tagok  yam tapa  30 ml/ka sa urang sa harei; jhul menyum lak tram song hala, phun gha, tung pruac athur, oh thau cambaih độc tính atau alak tram tui ilamu menuac urang, song oh menyum lak tuk dok lipa, gleih glar atau dok menyum jru tong ruak.

Biar harei 18/8, sa sruh radaih ô tô 7 ghe peih angaok jalan raya 1A, tapa phương 6, ban Cà Mau ye nduac tame sang tapen jalan, ginuk tame diuk pasang ong N.T.H (ndih tapui thun 1958) saong muk T.T.T.T (ndih tapui 1955) tuk dua urang nan daok dang anak sang. Bala ngak ong H metai, diuk njuak rambuac trak. Tui duah thau camereip, urang peih radaih hu menyum alak.

Dalam tuk  Nga song Ucraina gam gam tuh ka gauk ka bruk cuh tame sang mac  điện hạt nhân Zaporizhzhia ,Urang brei panuac di mintri Ngoại giao Mỹ Ned Price harei 18/8 ndom lac, Mỹ jeng daok suh sah ka bruk Nga pasang iek sang mac điện hạt nhân Zaporizhzhia. Jabat Năng lượng Nguyên tử dunya njauk hu mbaok di sang mac ni dak avar dak siam song tui bruk iek prong ginup chủ quyền di Ucraina piah khik caga siam mekre ka sang mac  jang yau bruk pasang iek  pandap panda hạt nhân di sang mac ini.  

Gah Y tế Dunya (WHO) harei kabroi kakei pandar vaccine pacang COVID-19 di gah ngak tabiak jru tavao Pháp Valneva. Mbang klauk kadua jeng hu kakei njauk brei jru ka dom urang mbuan njom ruak glong saong ruak trak. Vaccine pacang COVID-19 di Valneva hu pandar công nghệ vaccine bất hoạt dreih yau jru vaccine caga ruak bại liệt. 

  Harei 18/8, dom urang roh duah brei thau sa quần thể cự thạch prong hu labaih  500 patau prong tapak , mộ đá, gò, hộp đá dreih quan tài song hu duah mboh di gah merong  Tây Ban Nha. Ni meda lac sa dalam dom quần thể patau prong di abih di  châu Âu. Quần thể patau hu duah mboh mangaok sa labik taneh prong labaih  600 ha dok di gah merong di jalan tapen negar  di Tây Ban Nha song Bồ Đào Nha. Bhum taneh ni hu pala  bơ. Min, dahlau di tuk brei adat, dom urang jakar hu panuac pandar  sa mbang duah thau ka makna  roh duah song brei mboh bruk kandong veik di  quần thể patau./.