Di mbang nyaomka 18 di UB Thường vụ QH peih tabiak harei ini 13/12,  Chủ tịch QH Vương Đình Huệ brei thau meda pasang iek, ba tabiak bruk brei duah thau hatai caong khin di bhap bini ka danak dak Hukum taneh riya (pasiam veik). Urak ini, tukvak duah thau hatai caong khin ka danak dak Hukum taneh riya pasiam veik hu Rajaei ba tabiak njauk tuk Tet dương dịch, âm lịch  yau nan ye njauk brei langyah  meda dui atah tukvak  veik piah ngak hu siam abih. Akok QH brei kakei, bruk duah thau hatai caong khin bhap bini  ka danak dak Hukum taneh riya  pasiam veik mbang ini  njauk brei ngak yau habar piah hu siam abih, hu lagaih, patagok bruk dân chủ, trí tuệ di bhap bini. 

Mbang nyaom ka 8, HĐND tỉnh Bình Phước mbang X hu brei tapa Sarak ramik veik bruk buh jien tame ngak pasiam, peih praong jalan tỉnh 753, tui nan, danak dak oh peih bruk padang ngak tatua Mã Đà bo brei ngak pasiam, peih praong jalan tỉnh 753 vaktu 1 meng canah 4 Sóc Miên, TP.Đồng Xoài tal jalan Đồng Phú, tỉnh Bình Dương. Dahlau di nan, tỉnh Bình Phước hu likau Rajaei brei peih praong jalan tỉnh 753 haong padang ngak tatua Mã Đà piah pambuak haong tỉnh Đồng Nai. Min bruk padang ngak tatua Mã Đà meda gaok tal bruk khik ramik đa dạng sinh học saong khik ramik yaom glaong ilamu meng kan di labik khik ramik langik tasik - ilamu Đồng Nai hu UNESCO pok brei angan lac labik khik ramik sinh quyển di dunya di thun 2011.

Di mbang nyaom ka 8, mbang nyaom puac thun 2022, HĐ bhap bini tỉnh Bạc Liêu mbang X, vaktu 2021 -2026 hu brei tapa rilo sarak hu makna praong dalam. Njauk caik hatai lac HĐ bhap bini tỉnh Bạc Liêu brei trun meteh yaom jien bac thun bac 2022 – 2023 ka uranaih mam non, anek saih  phổ thông tui bac di dom sang bac mầm non, giáo dục phổ thông, dom pasak pato pakai thường xuyên di karja oh ka ngak hu bruk eng drei khik kajap bruk cai pandar gam gam. Tui kuhria mboh dahlau, taong abih jien brei trun metah jien bac di thun bac 2022 -2023 lac labaih 80 tỷ 252 trieu dong.

Mban Khik ramik siam mekre salamat pandap mbang TPHCM daok brei padang dom kapul pasang iek di dom gah, piah khik kajap bruk siam mekre salamat pandap mbang dalam tuk Tết Nguyên đán haong lễ hội Xuân 2023 di dalam ban raya. Dalam nan pataom tame pasang iek dom doanh nghiệp ngak pandap, pablei salih, blei pandap mbang menyum meng negar langiu tame, dom darak praong, siêu thị, pasak pablei salih, labik mbang menyum. Abih di nyu lac pasang iek dom labik ngak mbang, pablei salih dom janih pandap mbang menyum hu pandar rilo dalam tuk tết saong dom labik mbang menyum.

Viện Kiểm sát bhap bini tỉnh Cà Mau hu ngak salah cáo trạng ba tabiak kaoh tui hukum 5 urang ngak suan hukum ka bruk bayar jien, daong jien, padang labik daok birau tuk karja mek veik taneh di Mban Khik iek danak  Đông Bắc. Dom urang njauk ba tabiak kaoh kayua ngak suan bruk kuhria meng bilan 6 thun 2006 tal bilan 10 thun 2018 di danak dak bayar jien peih taneh padang ngak khu đô thị labik jalan tame tabiak Đông Bắc - khu A (Ban Cà Mau). Dahlau di nan, dom urang nan hu mbaoh tangin tame sarak sanya bayar  jien taneh tui jalan salih taneh, oh mek jien jien je salih quyền pandar taneh, jien truoc bạ ngak khat lahik jien je 183 trieu dong. Langiu di nan, dom urang nan eng drei mbaoh tangin tame 454 harak pambuak bruk salih taneh ka dom baoh sang bhap bini, ngak khat lahik labaih 28 tỷ đồng.  

Liên minh châu Âu meda dang anak bruk kurang khí đốt di thun anak meyah Nga daok cakak trun jalan pabak. Ini lac panuac di Gah Năng lượng Dunya (IEA) bahrau ba tabiak, gam haong nan, hu panuac ieu dom rajaei ngak bruk samar jang piah patak pataom năng lượng saong peih praong năng lượng tái tạo. Yam ndok điều hành IEA brei thau lac, meyah Nga daok khik bruk cakak trun dom khí đốt pablei ka châu Âu saong bruk pandar khí đốt di Trung Quốc tagok veik hadei di pacang cakak kayua COVID-19, ye EU meda dang anak bruk kurang 27 tỷ mét khối khí đốt di thun 2023.

Pasak Pasang iek saong Pacang caga jit ruak di Mỹ sa mbang tra kakei  bhap bini brei cuk pataih pacang mbaok di dom labik dalam sang, dalam tuk urang njom COVID-19 di taneh ia ini daok tagok samar. Dom ban praong  urak ini daok kuhria brei pandar gilac bruk cuk khau trang. Di New York, gah y tế  ba tabiak  panuac kakei dom sang iek ruak, sở y tế palei, jabat cấp cứu saong jabat thí nghiem caga ka bruk hu urang ruak jalan suan yawa tagok rilo samar.

4 urang lin di kapul IS metai harei kabroi 12/12 kayua njauk không kích di tỉnh Diyala, gah timur Iraq. Jabat Brei thau di Bộ chỉ huy tác chiến haong gauk di Iraq tabiak panuac lac, iek tui dom pathau khan tình báo, bol bala taneh ia ini hu ba kapal haoh plaik mbom saong taong tayah sa labik daok di IS dalam bhum Narin saong pametai hu taong abih dom urang lin daok gah dalam, saong taong tayah abih labik daok ini di IS./.