Meng harei 1/7 tal harei 15/8, Uy ban Bangsa pambuak haong Tong cuc Tong ke ( Mentri KH saong Dau tu) brei peih bruk pasang iek duah pataom khaw tin ka kinh te - xa hoi di 53 bangsa takik. Tổng cục Thống kê caong khin, ngan haong angan je di drei, dom urang taha palei, akaok palei, Urang hu angan je dalam bhap bini bangsa takik lac dom kapol nyaom urang brei ngak dahlau di bhum palei dalam bruk pathau khan, jak ba bol bhap dom bangsa takik kham merat, pambuak siam bruk pabak khaw tin  ka bruk duah thau ngak brei salah.  

Akaok Mintri Tài Nguyên saong môi trường Đặng Quốc Khánh brei thau lac, langik pandiak bhang tatua riya, njom ia mbak patui veik rahtabiak sarau kadau, jalan ia nduac di dom kraong, binek caik ia di dom kraong pak Trung bộ, Tây nguyên jaik abih daok kurang meng 25-50%. Bruk El Nino pambuak gam ia meng halau kraong Mê Kông daok di tanut bier saong ia tagok, ngak trak damak jang veik bruk njom ia mbak di ĐBSCL. Dom mbang njom ia mbak mbang dalam 40-66 km, hu labik dalam jang, yau ye Tiền Giang saong Bến Tre mbang dalam 70-76 km. Bruk ini meda ngak kan kandah biak praong ka gah ngak nong.

Page ini (10/6), tỉnh Sóc Trăng birau padang Kapol caga bala meng langik tasik, apui khuah. Kapol ini brei daong karja saong bhap bini samar pacang caga chip bala meng langik, tasik, apui khuah, trun takik khat lahik. Langiu di nan, pambuak haong bruk pathau khan paglong jalan sahaneng ka bhap bini dalam bruk pacang caga dom bruk bala meng langik tasik, abih di nyu lac dom labik mbuan rah tabiak bala. Thun 2023 saong 6 bilan akaok thun ini, di Sóc Trăng, hajan praong hangin khang ngak khut tayak 250 baoh sang, ngak jaleih labaih 14 ribau ha padai, phun bang baoh, njam patam…kuhria khat lahik labaih 78 tỷ đồng.

Ủy ban ka manuac Việt Nam pak negar langiu bahrau peih pakah tukvak ka 1 danak dak “Labik ilamo Hồ Chí Minh – Labik tal di rahra pak negar langiu” di TPHCM. Ini lac labik piah ka rahra urang Viet daok pak negar langiu, dom adei anek saih, du hoc sinh duah thau, roh duah, bac magru saong ba drei tame inem krung ilamo, sajarah, tư tưởng di Chủ tịch HCM pambuak haong bruk ngak di rahra negar drei daok pak negar langiu. ini jeng lac labik tal ba drei tame ilamo, ba drei tame nghe thuat, khik ramik sap ndep panuac puac di negar drei; mayaih khan, parang iek pandap panda di doanh nhân urang Viet daok pak negar langiu, dom bruk ngak dui pachreih pablei salih, buh jien tame, du lich di TP.HCM.

UB bhap bini Ban Thủ Dầu Một, tỉnh Bình Dương birau peih bruk alin saong pala dom janih phun mbang baoh pachreih tui bruk jak ba pala phun hijao do thi. Tui bruk ba tabiak, taneh kong di phuong Chánh Mỹ hu 350 phun mbang baoh dom janih kuhria tui jien labaih 5 tỷ đồng. Bruk pala phun hijao di dom labik taneh  karja oh lac pamong tal bruk padang ban phun hijao, paglong raidiuk bhap bini bo daok  lac piah khik taneh  plaik njiak bruk lih mek taneh karja.

Mỹ saong Hàn Quốc bahrau peih mbang nyaom biai mbang ka 3 di Nyaom langyah hat nhan dua gah di ban ine Seoul dalam tuk bruk catang tagok di kaoh pulao Triều Tiên daok patagok. Tui Mintri Bộ Quốc phòng Hàn Quốc, di mbang nyaom biai ini, dua gah meda pasang iek dom bruk dalam thun tapa di rilo gah karei di gauk, dalam nan khan brei thau ka khau tin tình báo, adat tham van hat nhan dalam mbang sarau kadau saong bruk pataom tame dom prein khang yaok harei saong hạt nhân.

Tui Hukum nhập cư birau di Nhật Bản hu ba tame pandar  ngak tui meng harei 10/6, tui nan dom urang hu payua meng 3 harak đơn likau tị nạn tagok meda njuak patauk meyah oh ba tabiak njuak bruk piah hu daok veik. Dahlau di nan, Nhật Bản oh patauk sa bhap bini negar langiu daok cang pasang iek harak likau tị nạn. Yau nan min, rilo bruk salih karei nan hu pandar nak tui hadei tuk Tokyo mboh jalan ngak nan daok njuak rilo urang pambak tame piah duah jalan daok veik Nhật Bản.

Ban ine New Delhi pak Ấn Độ daok rah tapa dom harei pandiak bhang dui atah. Meng harei 1/5 tal urak ini, ban ine ini rah tapa 32 harei hu nhiet do labaih 40 độ C. Ini lac dom harei pandiak dui atah abih dalam 14 harei tapa. Tui dom urang roh duah ilamo gah kuhria mboh dahlau bruk langik tasik brei thau lac, bruk hajan trun daok ngak ka nhiet do pak New Delhi daok di tanut biak glaong. Dalam bilan 5, pak ini hu mboh sa mbang hajan di harei 11/5 ngan haong hajan dut iek hu lac 0,4 mm.