Tukvak tapa, rayo papar sap papar binguk hu ba dom kadha di angaok rayo papar sap, papar binguk saong mạng xa hoi daok pablei dom pandap ma-in ka uranaih yau Baby Tree hu thaik thaok drei yau “Jalan dahlah limo”. Yau nan ye Cục Khik caga saong Patagok darak pasar dalam negar, Mentri Kong thuong caong khin karja dom bhum palei brei hu dom jalan pasang iek, langyah catang dom bruk (meyah hu) tui hukum ba tabiak. Baby Three, atau daok lac “ be ba”, lac pandap ma-in mai meng negar langiu, hu pablei kadung kadauk lac túi mù ngak panjiak pachot di Viet Nam.

Urang lambaok UB bhap bini huyen Xuân Lộc, tỉnh Đồng Nai birau mai rivang, alin pandap tadhau ayuh Bilan Ramadan di bhap bini Cam di Sang megik puk 4, xã Xuân Hưng. Kapol payua  panuac tadhau ayuh tal Mban Hakim saong bol bhap muslim jeng yau urang dalam sang di bilan Ramadan ngan haong rilo bruk ngak hu manak; tui nan, caong khin Mban Hakim patui bruk jak ba mikva ngak siam jalan tacei ba di Đảng, sarak hukum di Karja  saong bruk ngak di bhap bini, kham merat hu mbaok tame dom bruk, rik tame padang ngak pablei pala dak harei dak patagok.

 3/ Tinh Binh Thuan buh tabiak labaih 9.000 ti dong ngak jalan tapen tasik atah 15km tapa Ban Phan Thiết. Bruk buh jien tame ngak jalan nan piah jalan tapen tasik hu praong laneng lanoi, salih birau; ngak hadah hadai siam mekre di ban tasik Phan Thiet. Tapa pasang labik jalan saong tatua khin brei peih taneh, brei hu labik daok di bhap bini labaih 141baoh sang. Ta-eng taneh jaik mek veik piah ngak bein bingu kuhria labaih 80 baoh sang. Ini lac jalan hu UB bhap bini tỉnh Bình Thuận ba tame quy hoach di tinh vaktu 2021 - 2030, pamong tal thun 2050 hu Thu tuong mbaoh tangin.

4/Dom thun jiak ini, baoh kruac cam sành tuh pambuk pablei biak ralo di dom darak di Ban raya HCM yaom biak lap, meng 10.000 -12.000 dong sa kilo. Dom radaih pandap pajeng nao pablei jao yaom 25.000 dong 3 kilo, dom labik pablei rah tui jalan ye sa kadung 10 kilo, yaok sa kadung 55.000 dong. Tui urang pablei baoh kayau, urak ini baoh kruac sành daok brei paik baoh ralo, yaom lap dalam bilan 3, bilan 4 bhian rah tabiak dalam dom thun jaik ini, kayua taneh pala kruac di gah Pei negar tagok rilo, phun kruac brei rilo baoh.

Tui Vien ilamo Ribong kraong gah Meraong, njom ia mbak di pabah kraong di Bhum taneran kraong Cuu Long, tui kuhria mboh dahlau meng harei 15/3, ia gah ngaok kraong tuh tame Bhum taneran kraong Cuu Long khang, njom ia mbak trun samar, meda hu ralo ia taba, kein lagaih ia tame bak ribong kraong, abih di nyu lac tuk ia tagok biar. Yau nan ye, Cuc Khik iek saong Padang ngak ribong kraong  caong khin dom bhum palei brei ngak tui dom jalan pacang caga piah ia ka bruk pala darak raong glang saong ia pandar ka bhap bini, pacang caga ia ka bilan bhang, njom ia mbak.

Karja birau di Syria brei thau bruk padang Hoi dong An ninh Taneh ia, kayua Tong thong tuk ini lac Ahmed al-Sharaa ngak Akaok. Adat hukum hu ndem cambaic laic jabat nan hu padang “ dalam bruk pakhang an ninh taneh ia saong caga dom bruk kan kandah ka bruk salamat saong chinh tri dalam tukvak anak tal”. Dom urang karei di Hoi dong dalam nan hu Akok Ngoai giao, Akok metri Quoc phong, Mentri Noi vu saong urang dang akaok jabat tinh mbao di taneh ia ni.

Tổng thống Philippines dahlau diah Rodrigo Duterte hu ba tame sang guk di Hà Lan lac labik daok khik dom kol dius chinh tri langyah tui hukum di Tòa án Hình sự Dunya (ICC). Ong Rodrigo Duterte ngak praong meng thun 2016 tal thun 2022, chap mek di ban ine Manila, dalam bruk pasang di ICC ka dom diusa cagar veik manuac ngak bruk pagui mek matuy ba tal yaok ribau urang metai. Rilo urang daok hu mbaok gah langiu sang guk di Hà Lan piah brei mboh bruk njauk hatai haong ong Duterte tong thong dahlau diah.

Australia alah Mỹ brei tabiak truh angan taong jien je 25% ngan haong thep saong nyom pablei tapa Mỹ. Dalam tuk nan, Thủ tướng Australia Anthony Albanese kakei lac bhap bini caong blei mai kuan labik drei daok saong blei dom pandap di Australia saong brei mboh lac ini piah duah hu bruk ngak jeng yau daong dom doanh nghiep negar drei./