Hộ chiếu vaccine hu mintri y te batabiak pandar 

Page ini di Jabat Trung ương Đảng, ala tacei ba di Tổng Bí thư Nguyễn Phú Trọng, Mentri Chính trị, Ban Bí thư peih nyaom biai pakat negar brei thau cambaih saong tacei pato bruk peih ngak tui Sraak ka 11 harei 10/2/2022 di Mentri Chinh tri ka bruk patagok kinh te xa hoi, khik salamat quốc phòng an ninh bhum Trunh du saong bhum ceik Bắc Bộ mbiah tal thun 2030 pamaong tal thun 2045. Nyaom biai hu peih tabiak piah ngak brei yasa glaong glong ka jakn sahaneng saong jalan ngak di taong abih urang Đảng, abih bhap bini, abih blol bala jeng yau dalam bhum piah samar ba Sarak hu makna praong ini tame dalam raidiuk, rik tame peih ngak hu jayak Sarak Nyaom roya XIII di Đảng ka bruk cak rok patagok bhum.

Passport vaccine điện tử meda hu Mintri Y tế ngak brei ka rilo rahra meng harei ini. Passport hu tukvak pandar dalam 12 bilan kuhria meng harei ngak. Tuk abih harei pandar, nyu hu tự động ngak tabiak mã QR bahrau. Passport vaccine điện tử di Việt Nam hu ngak tui dom kadha kayua WHO saong EU patabiak, urak ini daok hu pandar di 62 taneh ia saong dalam tukvak anak tal meda hu rilo jang dom taneh ia karei pandar.

Meng harei ini, gah cảnh sát jalan mbak dalam negar brei peih mbang tabung glong khik salamat jalan mbak nao mai tuk padeih 30/4 saong 1/5. Mbang tabung glong rah tabiak dalam 1 bilan piah patrun bala, patrun gar jalan, abih di nyu lac di ban raya saong dom jalan praong. Dalam tuk ngak bruk, gah  cảnh sát jalan mbak khang hatai langyah catang dom bruk ngak suan yau nduac radaih bo dalam rup hu alak, matuy, pajeng trak jang, pajeng rilo jang prein di radaih, peih samar tapa tanut brei adat, lạng lách…

Bhap bini bangsa Khmer di tỉnh Bạc Liêu thun ini uan raok Chol Chnam Thmay dalam bui sambai, chreih chrai.. Thượng tọa Tăng Sa Vông - Trụ trì baha Cái Giá Chót, huyện Vĩnh Lợi brei thau, mai veik haong raidiuk siam mekre bahrau, Baha brei peih bruk pakacah ghe Ngo, dom kadha me-in meng kan di bhap bini piah ba chreih chrai ka Chol Chnam Thmay. Min dom bruk ngak jeng daok di tanut mbiah, abih di nyu lac ieu rahra cuk pataih pacang mbaok, piah pacang caga jit ruak.

Mikva bangsa Chơ ro di huyen Vĩnh Cửu, tỉnh Đồng Nai birau peih ngak Adat Sayangva (uan padai birau). Adat Sayangva hu bhap bini peih ngak ngan saong ginup dom adat cambat meng kan yau: Adat raok yang padai meng puh mai sang ilamu bangsa tal tame gilang padai; ngak Yang sang, Yang padai, Yang glai piah likau brei pala drak njauk, hu rilo padai, radiuk bhap bini hu siam mekre salamat. Adat Sayangva peih ngak piah patagok dom ilamu siam gheih meng kan di bhap bini bangsa Chơro saong pamedeih tagok hatung hatai hadah mbaok meta bangsa.

Tổng thống Hàn Quốc bahrau hu pilih ruah pok ngak, lac ong Yoon Suk-yeol brei thau, karja ank tal di Hàn Quốc meda peih praong talei pambuak bruk ngoại giao haong Liên minh châu Âu (EU) saong dom taneh ia dalam châu Á, tui jalan di talei pambuak bruk Mỹ-Hàn. Gam haong nan, brei ngak pasiam talei pambuak bruk haong negar Japon, daong patagok talei pambuak bruk 3 gah lac Hàn Quốc, Japon saong Mỹ, saong meda hu mbaok tame dom bruk ngak kinh tế khang jang di angaok dunya, njauk haong labik dang lac 1 dalam 10 nền kinh tế dang akaok dunya. Tui kuhria, ong Yoon tagok ngak Tổng thống di harei 10/5 tal.

Kapal haok vũ trụ hu urang peih lac Thần Châu 13 di Trung Quốc hu ngak salah blaoh dom bruk saong par gilac veik mai baoh taneh. Kapal haok par tagok langik dahlau di ini jaik 6 bilan. Bruk di kapal ini lac piah duah thau ilamu khik siam prein yawa, radiuk saong bruk ngak do dom phi hành gia angaok langik dalam tukvak suai lavik.      

Cục Khik ramik pandap mbang saong Jru tavao Mỹ hu brei adat pandar drah samar ka bruk dut iek Covid-19 tapa suak yava. Pandap dut iek ini meda brei thau hadei di oh ka tal 3 minit. Jalan dut iek ini neh tabiak saong brei thau cambaih dom hỗn hợp hóa học piah mboh hu 5 hợp chất hóa học pambuak tal vi-rút SARS-CoV-2. Sa roh duah dahlau daih brei mboh, bruk brei thau tantu cambaih laih di pandap dut iek ini, lac labaih 91% ngan saong dom mẫu ruak dương tính./.

Urang lang: Ái Nghiêm -Mousaphuong- 15/4