Mintri Pato magru bahrau tabiak sarak ka 1687 payua tal dom Sở Pato magru, dom học viện, sang bac đại học saong cao đẳng sư phạm ka bruk patagok pacang caga jit ruak COVID-19 dalam sang bac. Tui harak. Piah caga dahlau dom jalan pacang caga saong pasang iek jit ruak, oh caik ka jit ruak tamuh gilac veik, njom pambak dalam sang bac, Mintri Pato magru ieu kakei dom Sở Pato magru saong dom labik pato magru patui veik paglaong dom bruk pacang caga jit ruak COVID-19.

Harei kabroi(20-4), kapal haoh phản lực Embraer VN-A269 di Cty CP Hàng không Tre Việt (Bamboo Airways) hu par iek meng mblang kapal haoh Tân Sơn Nhất par trun mbalng kapal haoh Cà Mau dalam siam mekre di tuk mon 11 harei nan. Ini lac bruk ngak piah caga ka Bamboo Airways peih jalan par Hà Nội-Cà Mau di harei 29-4 tal. Tui kuhria, Bamboo Airways peih jalan par Cà Mau: caga peih jalan par tal Hà Nội.

Di mbang ndom biai "Chat GPT ngan haong bruk vak tapuk, vak văn di urang ranaih urak ini" kayua Sở Khau tin saong Truyền thông TP.HCM hu peih tabiak di melam kabroi (20/4), rilo diễn giả, tác giả saong lambaok ka dom gah xuất bản ndom lac, công nghệ meda ngak katut panak veik tukvak dalam bruk pataom veik dom ilamo. Min, hatai saong jalan sahaneng tuk halei jeng lac makna ngak jeng bruk karei di dom kadha văn học kayua manuac saong GPT ngak tabiak. Rilo meng lac dom tác giả jeng brei thau lac, chat GPT lac pandap pnada piah daong ka anak mata, piah vak tabiak dom kadha hu caik veik di akaok manuac, jaik taphia ye njauk hu jalan sahaneng, bruk pambuak gauk, ndem mayai nao mai di manuac haong gauk meng ngak jeng siam gheih, hatai biak biai.

UBND tỉnh Đồng Nai bahrau tabiak Sarak pasang iek dom danak dak, pok thầu blei drap ar, pandap panda kayua Cty CP Tiến bộ Quốc tế saong dom kapul nyaom thành viên (Cty AIC) peih ngak di dom jabat, kapul nyaom dalam tỉnh, oh kuhria dom pok thầu, dom danak dak hu pasang iek blaoh.  Tui nan, tukvak pasang iek lac meng harei 1/1/2011 tal harei 31/12/2021, meda pasang iek dahlau atau hadei tukvak ini meyah mboh lac njauk ngak. Tukvak pasang iek lac 70 harei ngak bruk, kuhria meng harei tabiak Sarak pasang iek. Dom gah njauk bruk pasang iek lac: Sở Y tế, Sở Pato Megru, Sở Tài nguyên - Môi trường, Sở LĐTBXH, Sở Khoa học - Công nghệ, mBan Khik ramik danak dak đầu tư padang ngak tỉnh, haong dom kapul nyaom, menuac urang hu pambuak tal.. 

Kapul ngak bruk di Tổng Liên đoàn Lao động Việt Nam bahrau ngak bruk haong urang pan akaok tỉnh Tiền Giang  ka bruk padang ngak Danak dak Labik thiết chế Công đoàn di tỉnh. Di mbang ngak bruk, urang pan akaok Tổng Liên đoàn Lao động Việt Nam ieu kakei Mban khik ramik danak dak thiết chế Công đoàn pambuak haong Liên đoàn Lao động tỉnh pasang iek dom bruk daok gaok cuang kandah di danak dak piah taoh talaih, samar drah ba tame pabak ka urang ngak. Danak dak ini hu padang ngak di thun 2020, di ban Mỹ Tho.  Danak dak ini hu dom hạng mục yau ye sang đa năng, mblang pahat rup di langik langiu; 12 baoh sang di chung cư glaong tal ngan haong jaik 1 ribau baoh sang. Danak dak kayua Tổng Liên đoàn Lao động Việt Nam buh jien tame ngan haong taong abih phun jien lac labaih 677 tỷ đồng. Tui kuhria, bilan 6 anak tal, danak dak meda ngak salah saong ba tame pandar.

Tổng thống Mỹ  Joe Bide bahrau brei thau bruk kuhria patagok kadung jien daong dom taneh ia daok cakrok pacang caga biến đổi khí hậu saong bruk palai pajoa glai A-ma-zôn di Bra-xin. Ini lac sa binah dalam bruk kham merat di Mỹ piah ieu bruk pachreih tui di dom taneh ia pacang bruk daok pandiak tagok di dunya. Tui nan, Tổng thống Mỹ brei thau lac rik 1 tỷ đô la tame Kadung jien Khí hậu Xanh, sa kadung jien daong ka dom danak dak gah năng lượng hacih saong lagaih haong biến đổi khí hậu di dom taneh ia daok cakrok.  

Kanja Ấn Độ brei thau lac, takik di nyu 80 urang, dalam nan rilo meng lac uranaih njauk tame sang iek ruak hadei di tuk mbang pandap mbang di sa darak pasa di bang Jharkhand, gah timun negar ini. Tui kanja palei, meng melam kabroi, rilo urang di labik Karmatand mboh pandik tung, taglaoh ta-ok. Rilo urang khan lac hu mbang chaat masala, lac sa janih pandap mbang bim bim di pak ini. Tapa dut iek mboh lac, janih pandap mbang ini njauk njom khuẩn.  Njauk jru mek pandap mbang hu brei thau lac bruk bhian mboh di Ấn Độ, kayua bruk ngak hacih saai pandap mbang ka oh hu sangka  ngak njauk.

UB quyền riêng tư (NPC) di Philippines bahrau brei thau lac meda peih bruk duah thau bruk medil rò rỉ labaih 1 triệu harak gar di dom jabat peih ngak adat hukum taneh ia ini. Dalam sa pathau khan di akaok adit ini, Cty khik kandauk VPNMentor brei thau, labaih 800 gigabytes dữ liệu di jaik 1 triệu 280 rabau harak gar di dom jabat peih ngak adat hukum praong di Philippines, lac Cảnh sát negar (PNP), Cục điều tra negar (NBI), Gah ngak bruk đặc biệt (SAF), UB dịch vụ dân sự… njauk urang tame. Tukvak tame takik di abih lac 6 adit dahlau di tuk hu pacang cakak di bilan  3/2023.