Hu jeng bhian randap, tuk dah mesup haong biar harei sup, "sap loa biên phòng" di Đồn Biên phòng Huổi Luông, dalam Bộ chỉ huy Bộ đội Biên phòng tỉnh Lai Châu yava tagok di grauk labik di sa bhum palei tapen negar. Bruk ngak ini patagok hu siam lagaih tuk jit Covid-19 rah tabiak srau kadau saong hu khik veik mbiah tal harei ini. Meng sa baoh loa di động, sa USB hu bloh dom asal kadha pathau khan saong sruh radaih patuh, ye urang jakar biên phòng meda nao tal hu taong abih dom labik hu rahra daok saong ngak bruk piah pathau khan.

Đại úy Phan Thành Nam, Chính trị viên phó, Đồn Biên phòng Huổi Luông brei thau: di labik ini rilo meng lac bhap bini dom bangsa Dao, Mông, Hà Nhì daok. Dom asal kadha pathau khan hu ngak meng sap Việt pambuak haong sap bangsa, lagaih haong ilamu, haong hatai sahneng di mikva. Kayua yau nan ye, thei jeng thau hu dom asal kadha saong biak chreih chrai tuk “Sap loa biên phòng” yava tagok.

" Asal kadha piah bac, jalan bac pathau khan Hukum Biên phòng Việt Nam di labik ini, kol dahlak hu padang ngak asal kadha praong piah pathau khan, peih tabiak 1 mbang dalam 2 adit di dom puk palei dalam labik ini. Jalan ngak ini biak siam lagaih, kayua pathau khan hu dom asal kadha praong abih tal mikva. Tukvak anak tal, kol dahlak brei pambuak bruk haong karja palei, peih ngak rilo jang dom jalan pathau khan".

Bruk ba tame dom khau tin bahrau tapa dom loa papar sap hu jeng bhian randap haong bhap bini bhum tapen negar. Sa-ai Trần Chỉnh Hoàng, bản A Sa Phìn, xã Huổi Luông, huyện Phong Thổ brei thau: Yaok harei senecar saong harei adit yaok adit, loa papar sap di palei hu peih khan brei thau ka sarak di Đảng, hukum di Karja. Pablak tame nan, dua adit sa mbang lac asal kadha pathau khan pambuak tal Hukum Biên phòng Việt Nam; dom sarak pambuak tal bhum tapen negar, khik caga jalan tapen negar, cột mốc... Asal kadha pathau khan katut panak, mbuan thau nan ye thei jeng thau cambaih hu asal pathau khan.

" Bhap bini daok dalam puk, palei kol dahlak thau hu ka makna di bruk khik caga bhum tapen negar saong makna di jalan tapen negar di taneh ia. Mikva dalam palei nao mai tapa cột mốc, jalan tapen negar jeng brei khan ka bộ đội biên phòng thau, piah hu pasang iek saong meng nan, mikva jeng thau cambaih jang ka jalan tapen negar, ka mốc giới".

Langiu di nan, dom urang lin Đồn Biên phòng Huổi Luông jeng hu nao tal dom sang piah pathau khan tapak. Meng nan, daong ka mikva paglaong hatai sangka anak dom bruk ngak di kol khamang saong kol tội phạm. Sa-ai Lò Thị Trưởng, sa urang daok di bản Hồ Thầu, xã Huổi Luông, huyện Phong Thổ lac:

" Tukvak tapa kol dahlak jeng hu bộ đội biên phòng brei thau ka jalan tapen negar, ka cột mốc. Dahlak hu thau lac, bhum tapen negar lac ginreih oh brei lih tame. Lac sa rahra daok di bhum tapen negar, dahlak jeng thau lac njauk pambuak bruk haong bộ đội biên phòng khik caga khang kajap chủ quyền, an ninh di palei negar".

Tui Đại tá Lê Công Thành, Phó Chính ủy Bộ Chỉ huy Bộ đội Biên phòng tỉnh Lai Châu, bruk pathau khan, brei thau, pato pakai adat hukum, dalam nan hu Hukum Biên phòng Việt Nam hu peih ngak tui jalan online tal 115 labik pambuak dalam tỉnh, hu jaik 2.500 urang jakar hu mbaok tame pathau khan tapak. Bruk pathau khan hu pambuak bruk gam gam haong Hội đồng pathau khan, pato pakai adat hukum di dom huyện di 22 xã tapen negar. 

Meng dom jalan pathau khan siam lagaih, bhap bini dom bangsa dalam palei hu thau cambaih jang ka makna, yaom glaong di bruk khik ramik jalan tapen negar, cột mốc di taneh ia. Bhap bini bhum tapen negar Lai Châu sahanang hatai ngak bruk, pala drak, yaok thun, dom sang kathaot trun hu labaih 5%, tệ nạn xã hội jeng trun hu labaih 10%. Meng nan, yaok menuac urang daok kham merat pambuak haong pakat ủy, karja palei peih ngak siam bruk dak padang, patagok bhum tapen negar, khik kajap an ninh chính trị, sron mbon salamat bhum tapen negar./.