Tok hadei 30 tuk peih ngak, Danak dak jak ba rik daong Cuba “65 thun Anit ranam Viet Nam – Cuba” daok dalam kadha “Thun Cuak ayut sahabat Viet Nam – Cuba 2025,” pahadar 65 thun pambuak gauk di dua negar (1960-2025) rik daong hu 65 ty dong. Danak dak hu peih ngak dalam 65 harei jak ba (meng harei 13/8 tal abih harei 16/10. Ini lac bruk brei mboh hatai gul pataom pambuak gauk biak hu makna, siam mekre, gheih ghang di rahra Viet Nam ngan haong rahra Cuba adei sa-ai.

Pasang iek danak dak binah ka 1 jalan peih drah samar Bien Hoa - Vung Tau, jalan tapa tinh Dong Nai di biar harei kabroi 14 /8, Pho Thu tuong Hồ Đức Phớc kakei lac, dom don vi pambuak tal, gah padang ngak ba rilo mac moc, manuac urang ngak bruk jhul pasamar, ngak padrah tuk langik hu lagaih, ngak sumu salah blaoh tui panuac pagol sanya dahlau harei 19 bilan 12 ini. Danak dak binah ka 1 jalan peih drah samar Bien Hoa - Vung Tau vaktu ka 1 atah 16 km. Kuhria abih tih jien buh tame ngak labaih 6.000 ti dong meng kadung jien Karja.

5 thun tapa, Dai hoc pakat negar Ban raya Ho Chi Minh hu jhul khang sarak dui pachreih dom urang ilamo dalam saong langiu negar gam ngak bruk saong daong ka bruk patagok. Dalam nan dui pachreih hu 98 urang ilamo, urang ngak khoa hoc naih joi dalam dunya daong paglaong bruk pato megru saong roh duah. Abih di nyu nan lac, mbang pakacah taong yaom prein bac kayua Dai hoc pakat Negar Ban raya Ho Chi Minh peih ngak dak harei dak brei mboh angan je saong njauk piah je tame. Tal ini, hu 111 sang bac dai hoc saong cao dang dalam negar pandar bruk pakacah ini piah pilih ruah.

Balai Bien phong Lai Hòa, Ban Can Tho birau peih bruk tamat tal bac akhar huroh saong sap Khmer dalam bilan he ka anek saih. Tal bac hu 25 anek saih tame bac,  gru pato lac urang jakar bangsa Khmer daok ngak bruk di don vi, hu ilamo siam. Dalam tuk bac da-a, anek saih hu bac da-a njauk asar kadha di danak dak sap Khmer tal 1, njauk haong kadha bac saong lagaih dalam raidiuk. Tapa nan pakhang bruk jum pataom anit ranam gauk di bol lin saong bhap bini rahra, rik tame dak padang bruk khik iek bhum taneh tapen negar di taong abih  bhap bini khang kajap labik tathik Ban Can Tho.

Bahrau akaok bilan ia ndik min jalan ar pacang kurang haluh di ar kraong Tiền, tinh Dong Thap hu gam gam rah tabiak rilo labik glut jaleih trak, ngak kan kandah trak tal raidiuk rahra bhum palei. Hu mboh rilo abih lac danak dak ar pacang kurang haluh ar kraong Tiền tukvak ka 1. Atah labaih 2.700m, hu jien buh tame labaih 220 ty dong, ba tame pandar meng thun 2016. Meng bilan 10 thun blaoh tal ini, labik ini rah tabiak 6 mbang glut jaleih, taong abih njauk kan kandah lac 200m. Urak ini rah tui jalan ar daok rilo labik daok laman lamuac saong labik glut jaleih hu pacang meng kadung cuah.

Pambuak tal bruk CHDC bhap bini Trieu Tien oh taduan drei yak klak dom loa papar sap dakwah rah jalan tapen negar Liên Triều, bol lin Hàn Quốc birau khan veik khaw tin nan meng harei 9 bilan 8 ka bruk “ Trieu Tien yak klak meneing dom loa papar sap peih tapa Hàn Quoc rah jalan pambuak Lien Trieu”. Mentri Thống nhất Hàn Quốc khan lac “patui veik bruk kham peih ngak samar dom jalan piah ba siam haong gauk saong pambuak talei rohim Lien Trieu piah hu kein laba ka dua taneh ia”.

Labaih 360 urang, rilo meng lac anek saih di ban sit Sragen, daok dalam tinh Trung Java di Indonesia njauk mek kaya mbang hadei tuk mbang huak kreh pandiak jala di sang bac. Ini lac mbang mek kaya mbang praong abih hu rah tabiak dalam danak dak var mbang huak oh mek jien hu peih praong tal labaih 15 trieu urang kuhria tal ini. Karja palei brei thau lac hu bayar taong abih jien taong ruak ka dom urang njauk mek kaya mbang meyah njauk ngak.

Gah bol lin khik caga ar tathik Italia brei thau, hu takik abih 26 urang metai dalam bruk gilai pajeng manuac karam di langiu tathik Lampedusa, 60 urang hu ba tame ar saong dom bruk duah daong daok hu peih ngak. Ini lac bala pambuak tal dom urang di cu Libi, lac bala rah tabiak birau abih haong dom urang di cư nao tapa Địa Trung Hải rilo bala meng Chau Phi tal Chau Au. Meng akaok thun ini, hu 675 urang metai di bhum taneh Địa Trung Hải tuk kham merat tapa tasik./.