Meng akok  bilan 7 mbiah tal ini, glut jaleih taneh, ia sua, talah ar kraong, ar tasik daok ngak khat lahik trak, metai manuac, khut jaleih sang daok, lahik drap ar di bhap bini, rilo jalan mbak, co so ha tang  njauk khut tayak, abih di nyu lac dom tỉnh Tây Nguyên, bhum ceik gah Barak saong Bhum taneran kraong Cuu Long. Dahlau di nan,  Thủ tướng rajaei hu payua harak tacei ba dom Mentri, Akok UB bhap bini dom tỉnh, ban patui bruk duah thau bruk rah tabiak, brei peih ngak  dom jalan  njauk brei ngak  tui thẩm quyền, brei sumu, siam lagaih haong bruk di bhum palei piah pasang iek, patrun bruk khat lahik kayua glut jaleih  taneh, ia sua, talah ar kraong, ar tasik tui yaok bruk ngak.

Tỉnh Bình Phước daok tame tukvak tabung glaong di bilan hajan, rilo jalan nao mai biak mbuan glut jaleih. Urak ini tabung taluy dương di jalan ĐT 753B njauk glut jaleih atah labaih 500m ngak ka dom taneh patau jaleih trun jalan, ngak kan kandah tal bruk nao mai di labaih 400 baoh sang rahra. Jalan ĐT 755B (pambuak tỉnh Bình Phước saong Lâm Đồng) jeng hu yaok piluh labik mbuan glut jaleih tuk halei oh thau. Bruk glut jaleih di 2 jalan roya ini rahtabiak rilo dalam thun ini. Min, tal urak ini, tinh jeng ka oh hu jalan ngak cambaih laih piah ngak pasiam bruk glut jaleih ini.

Page ini 9/8, di tỉnh Bến Tre peih nyaom biai iek veik bruk pakacah 6 bilan akaok thun saong ba tabiak jalan ngak ka 6 bilan puac thun 2023 di Cụm pakacah Tây Nam bộ. Dalam 6 bilan tapa, dom tỉnh Tây Nam bộ kham ngak brei sumu, siam lagiah dom bruk, jalan piah jhul khang dom bruk pakacah saong mek hu dom bruk ba tabiak ngak brei patagok kinh te - xa hoi, khik kajap bruk quoc phong-an ninh. Hu rilo bruk ngak siam gheih, njauk caik hatai lac bruk pakacah  “ Dalam negar jak gauk dak padang palei pala birau” mek hu jak jeng siam mekre. Yau tỉnh Long An, Bến Tre saong tỉnh Tiền Giang hu ralo xã palei pala birau, palei pala kieu mau saong palei pala birau paglong.

Di Sóc Trăng, urang nong daok tame bilan yuak padai Hè Thu thun 2023. Tui Chi cục Pala drak saong khik caga phun pala tỉnh, urak ini yaom padai Hè Thu daok tagok meng 50 đồng-300 đồng/kg, tagok abih tih di dom janih padai saong padai pahe hasit. Meng yaom padai yau urak ini, urang nong  jeng hu laba glaong jang dut saong thun 2022. Yaom padai tani tanat di yaom glaong yau urak ini meda daong patagok kein laba ka urang nong Sóc Trăng dalam bilan padai Hè Thu 2023.

Tui Sở Y tế TP.HCM, 21.000 ong jru phenobarbital piah klauk caga ruak hadei tukvak suai lavik klaoh kurang hu mai tal Viet Nam paje, sumu taong ruak ka uranaih ruak tangin talai cambuai trak di 3 sang iek ruak chuyen khoa Nhi saong Sang iek ruak  Bệnh Nhiệt đới daok dalam tuk tabung glong. Dahlau di nan, meng puac thun 2020, bruk taong ruak tangin takai cambuai  gaok rilo kan kandah tuk dalam negar kurang jru phenobarbital  saong suai lavik. Tui Y tế TP.HCM, jru phenobarbital meda brei menyum atau klauk tame rup, brei hu dahlau jru klauk tuk urang ruak trak.

Urang brei panuac di Mintri Ngoại giao Mỹ ndom lac, Mỹ jeng daok khik dom jalan taong phat urak ini ngan haong Triều Tiên saong oh brei thau dom jalan taong phat pabak. Mintri Quốc phòng Mỹ jeng ndom lac dom bruk pablei salih phao ndao di Triều Tiên saong yaok taneh ia halei jeng lac ngak suan Sarak di Hội đồng Bảo an Liên hợp quốc, gam tui di nan jeng brei thau lac Mỹ meda daok tui bruk pasang iek saong pacang cakak bruk ini.

Kuhria tal urak ini, hajan ia sua ngak ka labaih 60 urang di Trung Quốc metai. Hajan ia sua daok ba tal jaik 1,29 trieu urang gaok kan kandah, 59.000 baoh sang glut jaleih, 147 .000 baoh sang khut tayak trak saong 15.000 ha njam patam pajai pajua. Thu tuong negar ini brei peih nyaom biai Rajaei , ndem ka bruk pacang caga ia dauk ia sua saong daong urang gaok bala meng langik tasik di taneh ia ini. Tui nan Mentri jien padai  saong Mentri Ngak nong Palei pala Trung Quốc hu brei parabha  veik 732 trieu nhan dan te sumu 101, 55 trieu USD daong ngak nong 9 tỉnh gah Timun taneh ia ini. 

Biến thể phụ bahrau daok njom mbak samar drah, hu angan ieu lac EG.5 atau "Eris", hu Gah Y tế duny ba tame angan njauk tui iek. Tui blah Politico, lac sa biến thể phụ bahrau njom mbak samar drah di virus SARS-CoV-2, hu angan ieu lac EG.5 min hu dom urang roh duah ilamo y tế caik angan lac Eris, jaik di ini hu jeng lac janih bhian tamuh tabiak abih di Mỹ. Dom chuyên gia y tế hu ndem lac EG.5 mboh yau oh ngak brei ruak trak jang dom janih ruak COVID-19 dahlau di nan./.