Dalam sarak 125 bahrau hu Phó Thủ tướng Lê Minh Khái mbaoh tangin patabiak, Rajaei njauk hatai  pathau khan trun jien pah taneh, pah mbaok ia di thun  2022, ngan song dom urang njauk kan kandah kayua jit COVID-19. Tui nan, mintri jien padai taduan ngak abih bruk khaw tin, số liệu pathau khan. Akaok mintri  jien padai  pathau khan ka Ủy ban Thường vụ Quốc hội tui njauk hukum, khik ramik chất lượng song jalan ngak. Dahlau di nan, Rajaei patabiak Sarak 11 harei 30/1/2022 ka danka dak ramik pasiam song patagok kinh tế-xã hội, sarak trun 30% jien pah taneh, mbaok ia thun 2022 ka dom urang njauk kan kandah kayua jit  COVID-19.

Sở LĐTB saong XH  Xã hội tỉnh Bình Dương brei thau, kuhria tal harei 21/9/2022 hu taduan harak likau daong jien pah sang di 12.817 DN gam haong 1.511.783 urang ngak, samu haong yaom jien labaih 1.019 tỷ đồng. Tỉnh hu pasang iek, mbaoh tangin brei daong jien pah sang ka 12.422 DN, 1.407.377 urang ngak haong yaom jien 963 tỷ 363 triệu đồng. tal urak ini, hu 7/9 labik dalam tỉnh hu ngak salah bruk peih jien brei. Dom labik daok veik daok pasang iek, ngak brei njauk angan je piah ngak salah harak gar bayar jien brei di harei 30/9/2022. 

Cục Khik ramik jru  (Mintri Y tế) brei thau, piah hu labik pabak dom jru  hu Dextran 40 atau Dextran 70 taong ruak sốc sốt huyết, Công ty CP Dược phẩm Trung ương CPC1 hu blei meng negar langiu 1.500 kadung dịch truyền Dextran song dok blei tame piah pabak ka urang iek ruak. Piah samar pabak jru pacang sốc di urang ruak pandiak tabiak drah trak, Cục Khik ramik jru, hu panuac pandar, dom labik blei jru di negar langiu samar pambuak pagam, duah dom labik pablei ngan song dom janih jru hu   Dextran 40 atau Dextran 70.

79 jalan radaih pajeng tuai hu ba meng mblang radaih Miền Đông klak tal mbang radaih bahrau meng harei 11/10. Tui Sở Jalan mbak pajeng ba TP.HCM, Mblang radaih Miền Đông bahrau (ban Thủ Đức) peih tabiak ngak bruk meng harei 10/10/2020 haong abih tih 71 jalan tui quy hoạch, min hadei di sa tukvak atah jeng oh hu tuai. Bahrau ini, bruk ba taong abih dom jalan peih di mbang radaih Miền Đông urak ini tabiak mblang radaih bahrau (oh kuhria radaih peih jalan roya 14 nao Tây Nguyên) hu Mintri jalan mbak pajeng ba brei adat. TP.HCM hu panuac ieu dom tỉnh, ban: Thừa Thiên Huế, Quảng Nam, Bình Định, Khánh Hòa, Ninh Thuận… pambuak bruk khan brei bhap bini thau.

Hadei di 2 thun brei padeih, kayua jit COVID-19, thun ni, adat cambat meng kan hadar  Anh hùng bangsa  Nguyễn Trung Trực di Kiên Giang hu peih ngak veik  meng harei 21/9 tal harei 24/9. Bruk siam mekre di adat ini, lac tuai atah jaik mai cuk gilau hadar tal Anh hùng bangsa  Nguyễn Trung Trực, saong  daok ba gauk tanek mbang, brei mbang menyum saoh. Langiu di bruk pok gilau di mblang bein Rup patau Nguyễn Trung Trực, Adat dok hu rilo bruk ilamu  nghệ thuật, thể dục thể thao yau melam  hội hoa đăng; pataom pakacah Cim preo song parang iek sinh vật cảnh; parang iek thaot binguk  nghệ thuật; parang iek thư pháp; đờn ca tài tử Nam Bộ…

Bol bala Mỹ brei thau lac pametai hu 27 lin kapul Al-Shabaab di kol Al-Qaeda dalam mbang không kích di labik pasak Hiran, Somalia. Ini lac bruk taong tame mbang ka 6 di lực lượng ini dalam thun ini. Menuac sia bhum Hiran brei thau Al-Shabaab bhian am sang, pametai rahra. Rahra labik ini hu padang dom kapul bán quân sự piah gam haong rajaei mesruh pacang Al-Shabaab. Dom lin Al-Shabaab duah jalan pajaleih karja trung ương kayua phương Tây dang gah likuk saong peih ngak catang hukum Islam.

Dalam tuk hu oh takik taneh ia di dunya dok pacadu abih, takik caik hatai tal bruk pasang iek jit COVID-19, Gah  Y tế dunya  hu panuac lac jit prong  COVID-19 dok oh ka abih. Tui gah Y tế dunya, jit prong dok ngak brei 10 ribau urang metai  yaok adit. WHO hu panuac kakei rahra  njauk daok paatah di gauk, cuk pataih pacang mbaok, labik dok lanieng lanoi; gam song nan, pabak dom bruk  y tế,  njauk klauk vaccine, dut iek  song taong ruak.

Tui sa pathau khan pambuak gauk di 8 jabat, Trung Quốc brei thau lac meda peih ngak sa danak dak piah langyah dom adat cambat klak oh daok lagaih yau ye ndok lakhah glaong, ngak lakhah, ngak ndam abih rilo jien ndo di dom bhum palei pala dalam taneh ia. Danak dak hu peih ngak tal abih thun 2023. Dom menuac tut angan tok gauk di Trung Quốc trun tal tanut biar di abih di thun 2021 ngan saong 7 triệu 640 rabau gu, lac biak biar kuhria dalam 36 thun tapa. Sa dalam dom makna ba tal bruk nan, lac bruk ndok lakhah glaong saong ndok ngak lakah praong./.

Urang lang: H.Pha & M.P – 24/9/2022